Garin

Garin bamulo dari bahasoArab, "Karim" nan artinyo diharagoi. Di minang Garin adolah panjago musajik jo surau, karajonyo adolah mambarasiahan jo manjago musajik jo surau. Biasonyo Garin di minang ko adolah urang laki-laki nan alah gadang, nan baumue kiro-kiro 18 tahun ka ateh. Biasonyo Garin tingga di sampiang musajik atau surau, ado lo tampek nan disadioan nan dibuek dilua musajik. Salain itu, karajo Garin adolah batangguang jawek manggantian imam sumbayang, katik dan bila jikok indak tibo, sarato manjadi angku atau maaja mangaji. Karano itu garin sangaik diharagoi masyarakai dikampuang.

Karajo Garin musajik di kota-kota kini ko kurang diharagoi, dikaranokan hanyo dicaliak sabalah mato, hanyo sabateh mambarasiahan musajik sajo. Di kota-kota sambuah lo nan manjadi Garin adolah mahasiwa, ado lo nan alah tamaik kuliah.