Franz Kafka
| Franz Kafka | |
|---|---|
 Franz Kafka (1906) | |
| Lahia | 3 Juli 1883 Praha, Austria-Hungaria |
| Wafaik | 3 Juni 1924 (umua 40) Kierling (dakek Wina, Austria |
| Karajo | Novelis, panulih carito singkek, patugeh asuransi |
| Bahaso | Jerman |
| Kawarganegaraan | Austria-Hungaria, Cekoslowakia |
| Alma mater | Universitas Charles-Ferdinand University di Praha |
| Aliran sastra | Fiksi |
Mampangaruahi
| |
| Tando tangan |  |
Franz Kafka (3 Juli 1883 – 3 Juni 1924) marupoan surang panulih novel jo carito singkek tanamo dalam bahaso Jerman. Inyo dipandang jo para kritikus sabagai salah surang pangarang nan paliang bapangaruah di abaik ka-20 ko. Kafka sangaik mampangaruahi babagai genre sastra, sarupo eksistensialisme. Karya-karyanyo, macam Die Verwandlung ("Metamorfosis"), Der Process ("Proses Pangadilan"), jo Das Schloss ("Kubu"), panuah tema jo simbol kaadaan nan baasiangan, kakarehan tahadok jiwa jo badan, pasalisiahan urang gaek-anak, tokoh-tokoh nan maadoki pangalaman mancakam, sarato parubahan baujuik gaib.
Kafka barasa dari kaluargo kalas manangah Yahudi babahaso Jerman nan bamukim di Praha, nan di maso to tamasuak wilayah Austria-Hungaria. Inyo bapandidikan sabagai surang pangacara. Sasudah manyalasaian sikola ukumnyo, Kafka mandapek karajo di parusaoan asuransi. Inyo mulai manulih carito singkek takalo wakatu luangnyo, dan sajak tu inyo salalu mangaluah sajo bahaso wakatunyo saketek bana untuak mangarajoan tulih-manulih nan lah manjadi panggilan atinyo. Inyo pun manyasa aruih manumpahan paratian talampau banyak untuak mancari napakah saari-ari (bahaso Jerman: Brotberuf, arati harfiahnyo "karajo roti").
Kafka labiah suko bakomunikasi malalui surek; inyo manulih baratuih-ratuih surek ka pamili jo kakasiahnyo, tarutamo ka ayahnyo, tunangannyo Felice Bauer, jo adiak padusinyo Ottla. Inyo punyo ubuangan nan rumik dan bamasaalah jo ayahnyo nan mamiliaki pangaruah gadang pado tulisannyo. Inyo juo maraso konflik jo identitas Yahudinyo, jo maraso pulo iko indak ado ubuangannyo jo dirinyo, sungguahpun masiah dipatantangkan pangaruahnyo pado karya-karyanyo.
Pautan lua[suntiang | suntiang sumber]
- The Album of Franz Kafka, Tribut pado Franz Kafka barupo album "poto nan direkomposisi".
- Journeys of Franz Kafka Poto tampek-tampek di mano Kafka iduik dan bakarajo
- Kafka Society of America
- Letters to Felice at Archive.org
- Oxford Kafka Research Centre – informasi panalitian internasional nan sadang balansuang tantang Kafka
- Spolecnost Franze Kafky a nakladatelstvi Franze Kafky Archived 2017-06-30 di Wayback Machine. Pakumpulan dan Rumah Panarbit Franz Kafka Society di Praha
