Franklin Delano Roosevelt

Franklin Delano Roosevelt ( 30 Januari 1882 – 12 April 1945 ) adolah Presiden Amerika Sarikaik nan ka-32 dan marupoan satu-satunyo Presiden Amerika nan tapiliah ampek kali manjabat dari taun 1933 hinggo taun 1945, malabihi aturan konstitusi Amerika Sarikaik nan hanyo mambuliahan presiden untuak manjabat duo periode.

Roosevelt Lahia dalam kondisi nan cukuik, inyo malalui maso-maso sakik nan mambueknyo cacat. Inyo mamposisian dirinyo di garih muko pandukuang reformasi. Kaluarga jo kawan-kawan dakeknyo maimbaunyo Frank, samantaro urang Amerika maimbaunyo FDR. Baliau adolah sepupu dari Presiden Theodore Roosevelt.

Maso ketek

Lahia dari ibu banamo Sara Ann Delano jo apak banamo James Roosevelt I. Baliau lahia di Lambah Hudson, kota Hyde Park, New York pado tanggal 9 Januari 1882. Niniak muyangnyo barasa dari Balando dan tibo di Amerika Sarikaik pado taun 1650.

Maso jabatan presiden

Pado maso jabatan patamo, Roosevelt alah manunjuakan dirinyo sabagai pamimpin nagara nan mampu. Inyo mandapek dukuangan rakyaik Amerika dalam maluncuan program eksperimen nan batujuan untuak mancapai apo nan inyo sabuik sistem nan labiah sosial jo labiah demokratis. Program iko dikenal sabagai "New Deal".

Pado taun 1936, taun pamiliahan Presiden, revolusi ekonomi jo sosial damai nan diluncuakan dek Roosevelt sukses mambaok pabaikan jo pambangunan baliak sabagian Amerika. Karano itu inyo tapiliah baliak sabagai Presiden Amerika yang waktu itu jumlah suaronyo sangaik gadang.

Salamo maso jabatan kaduonyo dari taun 1937 hinggo 1940, Presiden Roosevelt mandapek banyak kasulitan. Inyo babeda pandapaik jo Mahkamah Agung Amerika, ditambah ekonomi Amerika mangalami kemunduran dan pado bulan September 1939, samo Parang Dunia II yang malatuih di Eropa, yang dimulai oleh invasi Jerman ka Polandia. Malalui undang-undang, Roosevelt bausaho untuak manjago Amerika dari parang, tapi salain itu inyo mampakuek nagara-nagara nan tarancam atau diserang.