Film Harimau Tjampa
Film Harimau Tjampa[suntiang | suntiang sumber]
Film Harimau Tjampa marupokan film pado zaman kemerdekaan, katiko sumangaik pambantuakan identitas nasional sadang digadang-gadangkan nan disutradarai dek Usmar Ismail pado tahun 1953 nan caritonyo tentang persilekan di daerah Minangkabau sakaligus manjadi film skenario terbaik pado Festival Film Indonesia 1955. Di kancah internasional, film iko dapek parhatian gadang dari pangunjuang Festival Film se-Asia (Tenggara) II di Singapura pado 1955.[1]
Plot[suntiang | suntiang sumber]
Film iko awalnyo manampilan carito saorang anak mudo nan banamo Lukman (Bambang Hermanto) nan punyo keinginan mambaleh dendam kematian apaknyo. Inyo pai ka daerah Pauh untuak baraja silek sakaligus maluruhi nieknyo. Inyo ka baraja silek samo nan namonyo Datuk Langit. Untuak biso jadi murid Datuk Langit, si Lukman ko harus maagiah 3 kerbau kapado Datuk Langit, tapi si Lukman ndak bisa do menyanggupi permintaan Datuk Langit. Salapeh itu, Lukman katamu jo Saleh, guru nan padek basilek sakaligus namua manjadian Lukman sabagai anak muridnyo. Saleh bapasan ka Lukman jan gunokan silek ko untuak kaparluan nan indak-indak. Tapi, Lukman acok bana malangga kato Saleh sahinggo Lukman diusia jo Saleh tu. Suatu waktu Lukman mambunuah seorang pejudi jo inyo masuak penjaro. Di dalam penjaro Lukman dapek kaba bahwa nan mambunuah apaknyo tu adolah Datuk Langit tu surang. Lukman capek mancari aka supayo capek kalua dari penjaro ko jo menantang Datuk Langit tu. Lukman jo Datuk Langit bacakak, akhirnyo Lukman mengalahan si Datuk Langit iko. Salapeh itu, polisi tibo jo Lukman samo Datuk Langit ditangkok dek polisi[1]
Nilai nan Takanduang didalamnyo[suntiang | suntiang sumber]
Harimau Tjampa manghadirkan kebudayaan Minangkabau nan kental bana. Hal iko dapek dicaliak dari elemen-elemen nan ditampilan untuak mengukuhkan carito, antaro lain, silek daerah iko sabagai salah satu panggarak carito. Elemen lainnyo adolah pantun, sastra lisan Minangkabau jo musik sabagai panganta jo transisi antaro babak, jo ilustrasi caritonyo. Film Harimau Tjampa nan kedaerahan nan kanta manjadi stimulus bagi sineas lain pado zaman itu untuak mandudukkan nilai-nilai daerah sabagai identitas nasional.[1]
Lokasi Filmnyo[suntiang | suntiang sumber]
Film iko diambiak mayoritas di Sumatera Barat.[1]
Pamain[suntiang | suntiang sumber]
Malin Marajo sabagai Saleh
Bambang Hermanto sabagai Lukman
Raden Ismail sabagai Datuk Langit
Titi Savitri
Nurmaningsih
Wahid Chan[1]
Rujuakan[suntiang | suntiang sumber]