Farida Oetoyo
Farida Oetoyo (lahia di Surakarta, 7 Juli 1939 – maningga di Jakarta, 18 Mei 2014 pado umua 74 taun) adolah surang seniman, pengajar, sarato koreografer balet dan tari moderen nan tanamo asa Indonesia. Farida adolah palopor balet di Indonesia, jo satu-satunyo urang Indonesia nan panah baraja di Akademi Balet Bolshoi di Rusia.[1] Baliau juo pandiri sakola balet patamo di Indonesia, Ballet Sumber Cipta, nan inggo kini ko tatap batahan maasiaan para panari jo koreografer balet di Indonesia.[1]
Maso awa[suntiang | suntiang sumber]
Farida lahia di Surakarta pado 7 Juli 1939, anak patamo dari tigo basudaro dari pasangan priyayi Jawa R. Oetoyo Ramelan jo padusi Balando Maria Johanna Margaretha Te Nuyl.[2][3] Kaduo urang gaeknyo batamu di Balando kutiko apaknyo baraja ukum di Universitas Leiden, di mano mandenyo tingga indak jauah dari tampek indekosnyo.[4] R. Oetoyo Ramelan bakacimpuang bidang ukum jo diplomasi sajak sabalun kamardekaan Indonesia, inggo sasudahnyo sabagai diplomat mawakili Indonesia di babagai nagara.[5][3] Farido punyo duo adiak laki-laki nan banamo Fajar Alam dan Satria Sejati.[4]
Karir[suntiang | suntiang sumber]
Taun 1947 apak Farida dikirim ka Singapura untuak manjadi Pawakilan Republik Indonesia di sinan, dan kaluargonyo pun pindah basamo pulo.[3] Di Singapura, Farida mulai maambiak kaleh palajaran balet di Ballet Fine Arts of Movement pimpinan Willy Blok Hansen.[6] Kutiko apaknyo pindah lai manjadi Duta Besar Luar Biaso untuak Australia pado taun 1950, Farida pun turuik pulo dan malanjuikan palajaran baletnyo di sinan pado Royal Academy of Dances di bawah bimbiangan Barbara Todd.[7]
Pado patangahan 1950-an Farida pulang baliak ka Indonesia, dan malanjuikan baraja di sakolah balet di Jakarta, patamo-tamo pado sakola balet Puck Meyer, tapi nan labih lamo lai di sakola balet Ludwig Warner iyolah antaro taun 1955-1956.[8] Basamo-samo para panari balet Ludwig Warner, Farida acok naiak pangguang di babagai acaro rasmi atau kanagaraan di Jakarta.[8]
Farida lalu manjadi panari balet profesional di Balando antaro 1956-1958, basamo kalompok balet Der Lage Landen pimpinan Marsha Ter Weeme.[9] Ampia sadonyo kota gadang di Balando dikunjuanginyo,[9] salamo mangikuik 200 patunjuakan balet kalompok ko.[10]
Dek bantuan KSAU Soerjadi Soerjadarma nan laki makciknyo Oetari Ramelan (adiak apaknyo), Farida mandapek beasiswa di Akademi Balet Bolshoi di Rusia.[11] Farida baraja di sinan antaro 1961-1965, inggo mancapai tingkek tatinggi Artist of the Ballet.[12]
Pado 1973-1974, Farida mandapek beasiswa Fullbright untuak baraja di Universitas Columbia di New York, Amerika Sarikat, jo maambiak kursuih tari aliaran moderen jo Marce Cunningham (8 bulan), teknik tari jo Martha Graham di June Lewis Studio (2 bulan), tari jazz jo Billy Mahony (5 bulan), sarato balet klasik jo Robert Joffry Studio (3 bulan).[13]
Salain sabagai panari, Farida panah pulo bamain pilem, nan dikarajoannyo di antaro kasibuakannyo manguruih balet. Babarapo judua nan dibintanginyo adolah Apa Jang Kau Tjari, Palupi? (1969), Perawan di Sektor Selatan (1971), Dendam si Anak Haram (1972), Lingkaran Setan (1972), dan Bumi Makin Panas (1973).[14]
Wafaik[suntiang | suntiang sumber]
Farida Oetoya wafaik ari Minggu pukua 03.49 WIB di Rumah Sakit Bintaro, Jakarta, dan dimakaman di TPU Tanah Kusir.[1][14]
Rujuakan[suntiang | suntiang sumber]
Catatan kaki[suntiang | suntiang sumber]
- ↑ a b c Swanti, Elizabeth (18 Mei 2014). "Tokoh Balet Indonesia Farida Oetoyo Menutup Mata". © Copyright 2016 liputan6.com. All Rights Reserved. Liputan6.com. Diakses tanggal 6 September 2016.
- ↑ Herliany 2001, hlm. 11, 70.
- ↑ a b c Yong Mun Cheong (2003). The Indonesian Revolution and the Singapore Connection, 1945-1949. NUS Press. p. 41-43. ISBN 9971692767, 9789971692766. https://books.google.co.id/books?id=Jps1lNonGyUC&pg=PA41&lpg=PA41&dq=oetoyo+ramelan&source=bl&ots=TMkeQy97QU&sig=MezquJfNk7UPpxXJAj_YvZ5MW4Q&hl=id&sa=X&ved=0ahUKEwj2v9qNivrOAhWMto8KHQeVAkwQ6AEILjAC#v=onepage&q=oetoyo%20ramelan&f=false.
- ↑ a b Herliany 2001, hlm. 70.
- ↑ Herliany 2001, hlm. 20.
- ↑ Herliany 2001, hlm. 72-74.
- ↑ Herliany 2001, hlm. 37, 235.
- ↑ a b Herliany 2001, hlm. 38, 77-80.
- ↑ a b Massadiah, Egy; Amin, Muh. Asmianto; Amir, Baso (1991). Srikandi: sejumlah wanita Indonesia berprestasi. Penerbit Ciptawidya Swara. p. 217. ISBN 9798208005, 9789798208003. https://books.google.co.id/books?hl=id&id=WwYiAAAAMAAJ&dq=Farida+Oetoyo+Der+Lage+Landen&focus=searchwithinvolume&q=Der+Lage+Landen.
- ↑ Herliany 2001, hlm. 87.
- ↑ Herliany 2001, hlm. 69, 90.
- ↑ Herliany 2001, hlm. 69.
- ↑ Herliany 2001, hlm. 219.
- ↑ a b Alia (18 Mai 2014). Maestro Balet Farida Oetoyo Wafat. © 2015 - Tempo Inti Media. Tempo.co. https://seleb.tempo.co/read/news/2014/05/18/219578502/maestro-balet-farida-oetoyo-wafat. Diakses pado 6 September 2016.
Bahan bacoan[suntiang | suntiang sumber]
- Herliany, Dorothea Rosa, ed (2001). Farida Oetoyo Menari Di Atas Ilalang. IndonesiaTera. ISBN 9799375444, 9789799375445. https://books.google.co.id/books?id=zNsZ6hKieWwC&pg=PR6&dq=Farida+Oetoyo&hl=id&sa=X&ved=0ahUKEwj61cL98fnOAhUEOo8KHWpJDYoQ6AEIJDAB#v=onepage&q=Farida%20Oetoyo&f=false.