Everyday is a Lullaby
| Everyday is a Lullaby | |
|---|---|
| Sutradara | Putrama Tuta |
| Produser |
|
| Panulih | Ilya Sigma |
| Pamain |
|
| Musik dek | Aghi Narottama |
| Sinematografi | Ipung Rachmat Syaiful |
| Panyuntiang | Chuck Gutierrez |
Parusahaan produksiy |
|
Tangga rilis | |
Durasi | 81 menit |
| Nagara |  Indonesia |
Everyday is a Lullaby adaolah pilem drama misteri Indonesia tahun 2021 nan disutradarai dek Putrama Tuta jo ditulih dek Ilya Sigma. Pilem nan diproduksi dek The United Team of Art ko dibintangi dek Anjasmara, Raihaanun, Fahrani, Aghi Narottama, Wulan Guritno, sarato Fatih Unru. Pilem ko tayang patamo kali di Festival Film Internasional Busan pado 30 Oktober 2020.[1]
Sinopsis
[suntiang | suntiang sumber]Rektra marupoan saurang panulih skenario nan tanamo. Inyo bisa karajo sasuko hatinyo. Sairiang bajalannyo wakatu, bakat jo hasratnyo tahadok pilem mulai puda. Rektra bapikia basonyo mambuek pilem horor sensual nan anggarannyo randah bisa mambuek iduiknyo manjadi labiah baik. Untuak mangatasi maso suliknyo, Rektra mancubo mambuek sabuah mahakarya abadi dalam iduiknyo nan tainspirasi dari pacarnyo nan marupoan saurang aktris.[2]
Pamaran
[suntiang | suntiang sumber]- Anjasmara Prasetya sabagai Den Rektra
- Raihaanun sabagai Shakuntala
- Fahrani Pawaka Empel sabagai Marissa
- Aghi Narottama
- Wulan Guritno
- Deddy Sutomo
- Fatih Unru
Produksi
[suntiang | suntiang sumber]Pilem Everyday is A Lullaby diproduksi sajak tahun 2016. Skenario pilem ditulih dek Ilya Sigma jo disutradarai dek Putrama Tuta. Tuta mangatoan proses panyuntiangan pilem ko mamakan wakatu labiah lamo dek baliau jo panyuntiang pilem asa Filipina, Chuck Gutierrez banyak maubah warna pilem ko. Chuck Gutierrez sabalumnyo alah banyak pulo mandapek panghargoan. Pangarah sinematografi pilem ko adolah Ipung Rachmat Syaiful, nan alah diakui kamampuannyo manciptaan warna nocturnal, bahkan katiko adegan dalam ruangan jo siang hari sarupo dalam pilem Dead Time: Kala jo Pintu Terlarang karya Joko Anwar.[2]
Manuruik Tuta sabagai sutradara, pilem ko dibangun untuak manciptaan suduik pandang. Aktor nan baparan bukan hanyo berakting tapi mamainan jo mangisolasi karakter nan dimainan sahinggo dapek manyampaiannyo sacaro jujur. Salain itu dapek pulo manunjuakan situasi nan dibuek dari pikiran si pamaran.[1] Anjasmara nan mamaranan karakter Den Rektra mangaku aktingnyo di pilem tu mambuek dampak nan gadang dalam kahidupannyo sahari-hari. Anjasmara butuh wakatu cukuik lamo untuak kalua dari karakter Rektra.[3]
Panayangan
[suntiang | suntiang sumber]Everyday is A Lullaby tayang patamo kali di Festival Film Internasional Busan pado bulan 30 Oktober 2020. Pilem bagenre drama ko diputa dalam program A Window on Asian Cinema basamo 31 pilem Asia lainnyo. Babeda jo tahun-tahun sabalumnyo, jumlah pilem tahun ko hanyo sabanyak 192 pilem dari 68 negara nan akan ditayangan sakali salamo festival balangsuang.[1]
Pilem ko tayang pulo sacaro daring di Festival Film Asiatica, Italia pado 21 Desember 2020.[4] John Badalu sabagai produser pilem tu mangatoan basonyo pilem indie ko akan tayang sacaro komersial di bioskop.[5]
Rujuakan
[suntiang | suntiang sumber]- ↑ a b c Marvela (17 September 2020). Hayati, Istiqomatul, ed. "Diperankan Anjasmara, Everyday is a Lullaby Tayang di Festival Film Busan". Tempo.co. Diarsipkan dari versi asli tanggal 25 April 2021.
- ↑ a b Simanjuntak, Tertiani ZB (20 September 2020). "'Everyday is a Lullaby' dashes to Busan Film Festival". The Jakarta Post (dalam bahasa Inggris). Diarsipkan dari versi asli tanggal 24 April 2021.
- ↑ Tionardus, Melvina (17 September 2020). Setuningsih, Novianti, ed. "Main di Everyday is A Lullaby, Anjasmara Kerja Keras Lepas dari Karakter Den Rektra". Kompas (dalam bahasa Indonesia). Diarsipkan dari versi asli tanggal 31 Oktober 2020.
- ↑ "Asiatica Film Festival" (dalam bahasa Inggris). Diarsipkan dari versi asli tanggal 24 April 2021.
- ↑ Tionardus, Melvina (17 September 2020). Maharani, Dian, ed. "Film Everyday is A Lullaby Bakal Tayang di Busan Internasional Film Festival 2020". Kompas (dalam bahasa Indonesia). Diarsipkan dari versi asli tanggal 21 Oktober 2020.