Lompat ke isi

Ersis Warmansyah Abbas

Tambah pautan
Wikipedia Minangkabau - Lubuak aka tapian ilimu

Ersis Warmansyah Abbas ioalah saorang Guru Gadang Pendidikan Ilmu Pengetahuan Sosial (PIPS) di Universitas Lambung Mangkurat (ULM), Banjarmasin, Kalimantan Salatan.[1] Nyo banyak manulih jo manabikan buku tantang sastro, novel,[2] motivasi spritual,[3] biografi[4] dan ratuihan artikel nan dimuek di surek kaba lokal jo nasional[5] jo artikel nan dimuek di jurnal ilmiah baiak di dalam nagari maupun di lua nagari.[6] Ersis lahia di Muaro Labuah, Solok Salatan, Sumatera Baraik dan marupokan anak kaduo dari anam baradiak kakak.[1] Abaknyo banamo Ibnu Abbas basuku Panai dan amaknyo banamo Nur Bainar basuku Durian.[1]

Maso Sikolah[suntiang | suntiang sumber]

Ersis SD di Muaro Labuah, Solok Salatan. Lalu lanjuik ka PGAN 4 Tahun masih di Muaro Labuah.[7] Inyo saparti anak Minang umumnyo, lai juo baraja mangaji jo basilek di surau.[1] Lanjuik di PGAN 6 Tahun Padang lalu masuak jurusan Pandidikan Sajarah di IKIP Padang (kini UNP) sampai maraih gala Sarjana Mudo tahun 1978[8] lalu maraih Sarjana Bulek atau Panuah di IKIP Yogyakarta (kini UNY) tahun 1981.[9] Katiko kuliah di IKIP Padang, inyo parnah sarato ikuik Resimen Mahasiswa (Menwa) tapi manggunokan syaraik "nyeleneh" iaitu inyo ndak nio rambuiknyo dibuek botak atau pendek saroman menwa lainnyo. Akhirnyo dibuliahan dan hanyo duo urang nan dapek kaistimewaan mode tu, Ersis Warmansyah Abbas[10] jo Mestika Zed saniornyo di jurusan sajarah[7] nan dikamudian hari jadi Guru Gadang Sajarah di UNP.[11]

Salasai kuliah, inyo ditarimo sabagai dosen PNS di ULM.[12] Tahun 1984 nyo lanjuik S2 di IKIP Bandung (kini UPI) tahun 1984[13]. Untuak manopang biayo hiduik, inyo mambuka usaho fotokopi[1] jo kawannyo Azwir Syarif. Inyo karajo pulo sabagai kontributor di surek kaba Harian Pelita[1] nan tabik di Jakarta.[14] Bisnihnyo mulai bakambang, nyo bae managakan agen media cetak dibawah namo Meterpamur Agency untuak mancari labo sakaliguih bisa mambaco tiok tulisan tabaru tanpa harus kalua pitih untuak mambalinyo.[15]

Sibuk manggaleh jo babisnih mambuek studinyo tahambek dan baru salasai manyudahan tesis dan wisuda tahun 1995. Siap tu baliak maaja di ULM.[1]

Organisasi Sajak Jadi Dosen[suntiang | suntiang sumber]

Ersis ko cukuik aktif pulo ikuik organisasi satalah manjadi dosen, diantaronyo:

  1. Katua Umum Asosiasi Profram Studi PIPS (2022-2027)[16]
  2. Sekretarih Janderal Aliansi Relawan Parguruan Tinggi Anti Panyalahgunoan Narkoba (2022-2025)[17]
  3. Tim Panilai Angko Kridik (PAK) Nasional[18]
  4. Tim Pacapekan Kanaiakan Jabaikan Akademik Dosen di ULM[19]
  5. Asesor Baban Karajo Dosen (BKD)[20]

Manjadi Katua Umum Asosiasi Program Studi PIPS (2022-2027) manjadi suatu kabanggan tasandiri bagi ULM untuak pariode 2022-2027 karano Guru Gadang nyi dipicayo untuak jabatan nasional mode ko.[21]

Ersis managakan pulo Garakan Pasahabatan Manulih (GPM) nan babasih daring jo dunio mayo lalu cabang dareknyo bakambang di kota-kota Indonesia sampai lua nagari macam Singopuro, Hongkoang, Masir jo nagari-nagari lainnyo.[22] ide sarato teori nan dikambangkannyo mambuek banyak urang baminek dan diakui sukses sarato panah dipresentasiaan di Malaysia.[23]

Rujuakan[suntiang | suntiang sumber]

  1. ↑ a b c d e f g Chaniago, Hasril (ed). 2023. Ensiklopedia Tokoh 1001 Orang Minang. Padang: UMSB Press
  2. ↑ OrangRamai, Raya (2023-06-09). "Ersis Warmansyah Abbas". Orang Ramai (dalam bahasa Inggris). Diakses tanggal 2024-01-18. 
  3. ↑ https://repo-dosen.ulm.ac.id/bitstream/handle/123456789/17528/Menulis%20Artikel%20Jurnal%20Internasional.pdf?sequence=1 (Diakses 18 Januari 2024)
  4. ↑ "Pendidikan Karakter by Ersis Warmansyah Abbas - Flip eBook Pages 351-400 | AnyFlip". anyflip.com. Diakses tanggal 2024-01-18. 
  5. ↑ "Masuk 100 Ilmuan Terbaik di Indonesia, Prof Ersis Kaget Lihat Ucapan Selamat Beredar di Medsos". Banjarmasinpost.co.id (dalam bahasa Indonesia). Diakses tanggal 2024-01-18. 
  6. ↑ "SINTA - Science and Technology Index". sinta.kemdikbud.go.id. Diakses tanggal 2024-01-18. 
  7. ↑ a b Asnan, Gusti, Hasril Chaniago, Siti Fatimah (ed). 2019. Mestika Zed: Bintang Sejarawan Indonesia Generasi 80-an. Yogyakarta: Penerbit Ombak
  8. ↑ https://repo-dosen.ulm.ac.id/bitstream/handle/123456789/24609/Ersis%20Writing%20Theory%20Cara%20Mudah%20Menulis%2BCover_compressed.pdf?sequence=1&isAllowed=y (Diakses 18 Januari 2024)
  9. ↑ "Pengelola – Program Doktoral Pendidikan Universitas Lambung Mangkurat" (dalam bahasa Inggris). Diakses tanggal 2024-01-18. 
  10. ↑ https://repo-dosen.ulm.ac.id/bitstream/handle/123456789/19990/Banjir%20Banua-Menulis%20Keempatian%20Banjir%20Kalimantan%20Selatan%202021%2BCOVER.pdf?sequence=3&isAllowed=y (Diakses 18 Januari 2024)
  11. ↑ SASTRA, YOLA (2019-09-01). "Sejarawan Mestika Zed Tutup Usia". kompas.id (dalam bahasa Indonesia). Diakses tanggal 2024-01-18. 
  12. ↑ "Edisi 02, April-Juni 2021". MAJALAH FKIP ULM (dalam bahasa Indonesia). 2021-07-17. Diakses tanggal 2024-01-18. 
  13. ↑ "Ersis Warmansyah Abbas". Ersis Warmansyah Abbas (dalam bahasa Inggris). 2013-09-08. Diakses tanggal 2024-01-18. 
  14. ↑ "Harian Pelita -" (dalam bahasa Indonesia). 2024-01-18. Diakses tanggal 2024-01-18. 
  15. ↑ Abbas, Ersis Warmansyah (2023-01-17) (dalam bahaso id). Menulis Menyamankan Pikiran Menenteramkan Perasaan. Penerbit NEM. ISBN 978-623-423-622-4. https://books.google.co.id/books?id=80-qEAAAQBAJ&pg=PA14&lpg=PA14&dq=materpamur+agency&source=bl&ots=_u0k7y_AOT&sig=ACfU3U3Su8HbLW0mP0xqI_bvgQw-MCB3YA&hl=id&sa=X&ved=2ahUKEwis34vJtuaDAxVeUGcHHRFEChkQ6AF6BAgIEAM#v=onepage&q=materpamur%20agency&f=false. 
  16. ↑ "Struktur Pengurus – APRIPSI" (dalam bahasa Indonesia). Diakses tanggal 2024-01-18. 
  17. ↑ http://pipsprogramdoktor.ulm.ac.id/wp-content/uploads/2023/03/Susunan-Pengurus-DPP-ARTIPENA-2022-2025.pdf (Diakses 18 Januari 2024)
  18. ↑ http://pipsprogramdoktor.ulm.ac.id/wp-content/uploads/2023/03/Sertifikat-Penilai-Angka-Kredit-Dosen-Nasional.pdf (Diakses 18 Januari 2024)
  19. ↑ http://pipsprogramdoktor.ulm.ac.id/wp-content/uploads/2023/03/Tim-Percepatan-Kenaikan-Jabatan-Akademik-Dosen-ULM.pdf (Diakses 18 Januari 2024)
  20. ↑ http://pipsprogramdoktor.ulm.ac.id/wp-content/uploads/2023/03/Sertifikat-Asesor-BKD_NIRA.pdf (Diakses 18 Januari 2024)
  21. ↑ admin (2022-08-12). "Selamat atas terpilihnya Prof. Dr. Drs. Ersis Warmansyah Abbas, BA, M.Pd" (dalam bahasa Indonesia). Diakses tanggal 2024-01-18. 
  22. ↑ "EWA, Sang Dosen yang Produktif Menulis Buku – ISPI" (dalam bahasa Inggris). Diakses tanggal 2024-01-18. 
  23. ↑ "Hebat, Teori Menulis Karya Dosen ULM Ini Dipresentasikan di Univesitas Malaysia". Banjarmasinpost.co.id (dalam bahasa Indonesia). Diakses tanggal 2024-01-18. 
Diambiak dari "https://min.wikipedia.org/w/index.php?title=Ersis_Warmansyah_Abbas&oldid=3148926"