Enola Holmes (film)

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Enola Holmes adolah film misteri, aksi, patualangan, kajahatan, jo drama tahun 2020 nan diadopsi dari buku patamo seri fiksi dengan judul nan samo oleh Nancy Springer. Film iko mancaritoan tantang saurang saudaro parampuan Sherlock Holmes nan barusaha untuak mancari amanyo nan ilang. Film iko disutradarai jo Harry Bradbeer dan rancanonyo akan rilis oleh Warner Bros Picture. Namun karano kaadaan pandemi COVID-19 iko, mako distribusi film dialihkan ka Netflix. Enola Holmes ditayangkan patamo kali pado 23 September 2020.[1][2]

Sinopsis[suntiang | suntiang sumber]

Film iko mamiliki latar balakang di Inggirih pado tahun 1884 dan pado saat itu dunia sadang mangalami parubahan nan gadang. Enola Holmes marupokan film nan mancaritoan tantang pajalanan Enola Holmes untuak mancari amanyo yang ilang. Enola marupokan gadih remaja nan bausia 16 tahun sarato anak tarakhia dari kaluargo Holmes jo adiak dari Sherlock Holmes.[3][4]

Carito bamulo katiko Enola apanyo maningga jo abangnyo pai, sahinggo Enola hanyo tingga samo amanyo, Eudoria Holmes. Dari amanyo tasabuik, Enola mandapekan ilmu sains jo bela diri jinjutsu. Tapi pado ulang tahunnyo nan ka 16, Enola mandapekan kaba kalau amanyo ilang. Walaupun inyo indak tau amanyo kama, tapi Enola manamukan sabuah kode patunjuak nan barasal dari hadiahnyo dan itu digunoan Enola untuak manamukan amanyo.[4]

Kaba amanyo ilang pun langsuang tadanga ka udanyo Enola. Mereka pun manamui Enola dan mancoba untuak manamukan dima amanyo. Namun, Mycroft mangusulkan untuak Enola masuak ka sakolah padusi untuak manjadi padusi kelas ateh. Urusan mancari ama adolah urusan udanyo. Enola nan maraso bahwa rencano inyo untuak manamukan amanyo akan taganggu, mako inyo pun malarikan diri dari rumah.[4]

Di tangah parjalanan, Enola batamu bangsawan mudo (Louis Partridge) nan kondisinyo samo jo Enola, sadang kabur dari rumah. Urang baduo ko karajo samo untuak mamacahan misteri, jo mancari jati dirinyo. Tanpa Enola sadari, jiwa detektifnyo pun muncul dalam perjalanan tasabuik dan manjadikan inyo sabagai detektif nan hebat mangalahan udanyo, Sherlock Holmes.[3][4]

Enola Holmes
SutradaraHarry Bradbeer
Produser
PanulihJack Thorne
Badasar padoThe Enola Holmes Mysteries: The Case of the Missing Marquess
oleh Nancy Springer
Pamain
Musik dekDaniel Pemberton
SinematografiGiles Nuttgens
PanyuntiangAdam Bosman
Parusahaan
produksiy
DistributorNetflix
Tangga rilis
Durasi
123 menit
NagaraAmerika Serikat
BahasoInggris

Daftar Pamaran[suntiang | suntiang sumber]

Pamaran film Enola Holmes tabagi manjadi duo, yaitu pamaran utamo jo pamaran pandukung.

Pamaran Utamo[1][suntiang | suntiang sumber]

Pamaran Pandukung[1][suntiang | suntiang sumber]

Produksi[suntiang | suntiang sumber]

Tampek Mambuek Film[suntiang | suntiang sumber]

Film iko marupoan film nan diangkek dari serial buku Nancy Springer "The Enola Holmes Mysteries" dan dikambangan di Legendary Pictures.[5] Film Enola Holmes iko difilimkan di Greenwich Old Royal Naval College, Ashridge Forest, perpustakaan Universitas Russell Grup, jo di Severn Valley Railway. Indak di situ se, babarapo rumah mewah jo megah nan ado di Hertfordshire, Bedfordshire, jo Shropshire ado pula dalam film iko.[6]

Dalam film Enola Holmes tadapek adegan palarian di kereta api. Adegan tasabuik dilakukan di Severn Valley Railway dan jalur nan digunoan adolah Kidderminster jo Arley. Di film Enola Holmes untuak adegan di pasar, adegan tasabuik dilakukan di Old Royal Navy College di Greenwich. Di lokasi iko, proses mambuek film tajadi pado akhia Juli 2019.[6]

Kaluargo Holmes tingga di sabuah rumah di padesaan. Rumah tasabuik adolah Benthall Hall dan marupoan salah satu dari rumah nan gadang di sinan. Rumah iko alah acok dijadian sabagai lokasi pambuekan film. Adegan patunjuk nan mangarahan Enola ka East ENd London itu difilmkan di Limehouse Lane nan ado di kompleks Luton Hoo Home Farm.[6]

Pamilihan Pamain[suntiang | suntiang sumber]

Millie Bobby Brown dipilih sabagai pamaran utamo dalam film iko. Disusul jo Henry Cavill, Helena Bonham Carter, Adeel Akhtar, dan Fiona Shaw bagabuang manjadi pamaran film Enola Holmes pado bulan Juni.[7][8][9] Sadangkan Sam Claflin, Susie Wokoma jo Burn Gorman baguang manjadi pamain pado bulan Juli saat film sadang dibuek di London.[10][11][12][13]

Rujuakan[suntiang | suntiang sumber]

  1. a b c "Enola Homes (2020)". imdb.com. imdb. Diakses tanggal 29 Desember 2020. 
  2. "Enola Holmes | Netflix Official Site". www.netflix.com (dalam bahasa Inggris). Diakses tanggal 2020-12-29. 
  3. a b "Sinopsis Film Enola Holmes: Kisah Detektif Perempuan Adik Sherlock". tirto.id (dalam bahasa Indonesia). Diakses tanggal 2020-12-29. 
  4. a b c d "Sinopsis Enola Holmes Tayang di Netflix". suara.com (dalam bahasa Indonesia). 2020-09-30. Diakses tanggal 2020-12-29. 
  5. Kroll, Justin; Kroll, Justin (2019-02-08). "'Killing Eve' Director to Helm Millie Bobby Brown's 'Enola Holmes' (EXCLUSIVE)". Variety (dalam bahasa Inggris). Diakses tanggal 2020-12-30. 
  6. a b c "Enola Holmes Filming Locations: Adventures in Mystery Solving". findthatlocation.com (dalam bahasa Inggris). Diakses tanggal 2020-12-30. 
  7. "Henry Cavill Joins Millie Bobby Brown in Legendary's 'Enola Holmes' | Hollywood Reporter". www.hollywoodreporter.com. Diakses tanggal 2020-12-30. 
  8. N'Duka, Amanda; N'Duka, Amanda (2019-06-28). "'Enola Holmes': 'Murder Mystery' Actor Adeel Akhtar Joins Legendary Film". Deadline (dalam bahasa Inggris). Diakses tanggal 2020-12-30. 
  9. "'Killing Eve' Actress Fiona Shaw Joins Millie Bobby Brown in 'Enola Holmes' (Exclusive) | Hollywood Reporter". www.hollywoodreporter.com. Diakses tanggal 2020-12-30. 
  10. Smith, Josh. "'I'd be filming with Millie Bobby Brown & go to school the next day with people taking the piss': Enola Holmes' Louis Partridge on overnight fame (he's the UK's answer to Timothée Chalamet, FYI)". Glamour UK (dalam bahasa Inggris). Diakses tanggal 2020-12-30. 
  11. N'Duka, Amanda; N'Duka, Amanda (2019-07-01). "Sam Claflin Boards 'Enola Holmes' Film At Legendary". Deadline (dalam bahasa Inggris). Diakses tanggal 2020-12-30. 
  12. N'Duka, Amanda; N'Duka, Amanda (2019-07-02). "'Enola Holmes': 'Chewing Gum' Actress Susan Wokoma Cast In Legendary Movie". Deadline (dalam bahasa Inggris). Diakses tanggal 2020-12-30. 
  13. "Millie Bobby Brown and Henry Cavill to Star as Sherlock and His Exceptional Younger Sister, "Enola Holmes," as Legendary Pictures Begins Production in London to Bring Nancy Springer's Bestselling Books to the Big Screen". www.businesswire.com (dalam bahasa Inggris). 2019-07-22. Diakses tanggal 2020-12-30. 

Pranala Lua[suntiang | suntiang sumber]