Dubalang
Dubalang (bahaso Indonesia: Hulubalang) adolah suatu gala pajabaik dalam pamarentahan nagari manuruik adaik-istiadaik Minangkabau. Surang Dubalang adolah urang bagak namun indak parewa, nan tugehnyo sabagai kapalo kaamanan kaumnyo.[1][2] Dubalang batangguang-jawab ka Pangulu kaumnyo, basamo jo para pajabaik lainnyo iyolah Panungkek, Malim, jo Manti.[3][2] Samaso daulu, pajabaik ko manjadi palimo bagi kaumnyo sarato mamimpin mareka bakarajo-samo jo suku-suku lainnyo untuak manjago nagari dari sarangan pihak lua (Parik Paga di Salingka Nagari).[1][2] Dek karano di maso panjajahan Ulando maadoan polisi desa, Dubalang kailangan tugehnyo.[4] Kini ko, paran sabagai panjago kaamanan umumnyo indak lai dilakuan, malainkan labiah sabagai urang nan manjalanan kaputusan adaik dari Pangulu.[1]
Catatan kaki
[suntiang | suntiang sumber]- ↑ a b c Graves 2009, hlm. 33.
- ↑ a b c Teguh 21 Oktober 2012.
- ↑ Blackwood 2000, hlm. 109.
- ↑ Graves 2009, hlm. 81.
Rujuakan
[suntiang | suntiang sumber]- Evelyn, Blackwood (2000). Webs of Power: Women, Kin, and Community in a Sumatran Village. Maryland: Rowman & Littlefield Publishers. ISBN 9781461646891. http://books.google.co.id/books?id=ZV8eAAAAQBAJ&pg=PT367&dq=Dubalang&hl=en&sa=X&ei=eAITUo2yNsmArgftj4BI&redir_esc=y#v=onepage&q=Dubalang&f=false.
- Graves, Elizabeth E. (2009). The Minangkabau Response to Dutch Colonial Rule in the Nineteenth Century. Singapore: Equinox Publishing. ISBN 9786028397322. http://books.google.co.id/books?id=tAZoI-7qWicC&pg=PP35&dq=Dubalang&hl=en&sa=X&ei=mQATUpqCB4KyrAfi14GABA&redir_esc=y#v=onepage&q=Dubalang&f=false.
- Teguh (21 Oktober 2012). "Nagari Tanpa Dubalang, Bak Sup Kurang Garam". Harian Haluan. Diakses tanggal 20 Agustus 2013.
