Dolok tinggi raja

Dolok Tinggi Raja adolah kawasan cagar alam nan mampunyoi laweh 167 Ha nan talatak di Kecamatan Silao Kahean, Kabupaten Simalungun, provinsi Sumatra Utara. Di dalam area kawasan cagar alam dolok tinggi raja, ado objek wisata kawah putiah, nan labiah dikenal jo namo kawah putih tinggi raja seluas 30 Ha. Namun, hal itu manjadikan objek wisata kawah putiah tinggi raja susah untuk bakambang karano berbenturan jo status area iko nan talatak dikawasan Cagar Alam. Sumber aia angek Tinggi Raja berado di kawasan bukit kapur nan lawehnyo kiro-kiro mancapai satangah hektar. Luapan sumber aia angeknyo berado di retakan nan menghubungkan tigo bukit dikawasan tersebut, masiang-masiang di arah selatan, timur dan barat. Laweh retakan nan manjadi tampek luapan aia angek itu adolah 10-60 cm, dengan tinggi cipratan aia rato-rato 30 cm.

Sijarah

Dolok Tinggi Raja ditetapkan sebagai cagar alam dengan keputusan Zelfbestuur Besluit (ZB) Nomor 24 Tangga 16 April 1924, pado maso pemerintahan kolonial Belanda. Sampai saat iko, kawasan itu masih bastatus cagar alam.

Sejarah tabantuanknyo kawah putih dolok tinggi raja alun diketahui sacaro pasti. Warga Simalungun masih picayo tabantuaknyo kawah putih dan mata aia angek dolok tinggi raja berdasarkan legenda rakyat.

Dulu, Dolok Tinggi Raja adolah kawasan cagar alam. namun kini sabagian wilayah di dolok tinggi raja manjadi kawasan wisata alam. Para pelancong paralu mangatahui status iko supayo indak salah kaprah katiko bakunjuang lantaran statusnyo alah barubah dari cagar alam nan indak buliah disentuh samo sakali manjadi taman wisata alam.

Di maso pamarintahan kolonial hindia balando, cagar alam dolok tinggi raja marupokan kawasan hutan linduang Sianak-anak I dan Hutang Linduang Sianak-anak II. Kaduo kawasan konservasi iko masiang-masiang ditetapkan sabagai hutan linduang di tahun 1916 dan 1918. Panetapannyo dilakukan berdasarkan hasia kesepakatan basamo rajo-rajo di Simalungun.

Lantaran keunikan ekosistem jo keanekaragaman hayati nan dimilikinyo, makonyo rajo-rajo di Simalungun basepakat untuak maningkekkan status kaduo hutan linduang itu manjadi cagar alam salaweh 167 hektare. Kasapakatan iko diterakan dalam bantuak Zeelfbestuur Besluit No. 24 Tanggal 18 April 1924.

Tinggi Raja ditetapkan jadi cagar alam basamo Cagar Alam Batu Gajah. Batu Gajah talatak di Dusun Pematang, Desa Negeri Dolok, Kecamatan Dolok Panribuan, di kabupaten nan samo. Luas cagar alam Batu Gajah hanya 0,80 hektare.

Pemerintah Hindia Belanda di maso itu mangakui para sultan jo rajo sebagai kapalo pemerintahan kesultanan dan kerajaan nan punyo otonomi daerah sahinggo mereka punyo wewenang untuak manujuak kawasan konservasi di bagian-bagian wilayah sebagai cagar alam (natuurmonument) maupun suaka margasatwa (wildreservaat) untuak malinduangi kekayaan alam Hindia Belanda nan paralu dilestarikan.

Sasuai jo sistem pemerintahan nan balaku di maso itu, panunjuakan kawasan konservasi dek sultan atau rajo harus dikatahui dek pengawas daerah (controlleur), dinas kehutanan (dienst van het boschwezen), asisten residen, jo residen, sarato harus disetuji dek gubernur.

Panjuakan kawasan konservasi di lua Pulau Jawa dalam peraturan parundangan wakatu itu dikenal jo istilah ZB ZB (zeelfbestuur besluit). ZB marupokan surek kaputusan nan basifat otonom nan ditabikkan dek tingkek pamarintahan nan diwakili dek gubernur jo rajo atau sultan nan diagiah kawenangan untuak manabikkan surek kaputusan dalam manunjuak kawasan konservasi.

Surek kaputusan nan ditabikkan mangacu pado paraturan antaro lain, Undang-undang cagar alam (Natuurmonumenten Ordonnantie) 1916 No. 278; Undang-Undang Perlindungan Binatang (Dierenbescherming Ordonnantie) 1931 No. 134; serta Undang-Undang Cagar-Cagar Alam dan Suaka-Suaka Margasatwa (Natuur-monumenten en Wildreservaten Ordonantie) 1932 No. 17.

Carito rakyaik

Dahulu kala daerah tinggi raja iko marupokan sabuah daerah rajo-rajo nan makmur. Dalam caritonyo, ado surang rajo nan punyo urangtuo nan alah tua renta, suatu maso rajo itu nio mangirimkan makanan lamak untuak urangtuonyo nan alah tuo itu. Sang rajo langsuang mamarintahkan salah seorang petani aren nan wakatu itu nio pulang ka daerah tampek urangtuo sang rajo. Namun di tangah jalan, petani aren nan disuruah rajo maraso lapar, lalu nyo makan sadonyo makanan nan ka diantar untuak ibu sang rajo dan hanyo manyisokan makanan nan indak layak, barupo tulang-tulang. Mandapati kiriman makanan na indak layak itu, ibu sang rajo berang, si ibu maimbau anak-anaknyo nan lain untuak maadokan sabuah acara tari-tarian dengan media saikua kuciang. Di tangah acara sadang bajalan tajadi sabuah insiden, aia nan sadang angek-angek siap dimasak tumpah. aia angek nan tumpah itu baserak-serak sampai meluas kasaluruh daerah dan mambanjiri daerah itu. Daerah nan dibanjiri aia angek itulah nan kini manjadi sebuah kawah aia angek dengan namo Tinggi Raja juo diambiak karano carito legenda itu dulunyo adolah kawasan para rajo-rajo.

Akses

Tinggi Raja alah ditamukan sajak ratusan tahun lalu, tetapi karano akses manuju tampek iko sangat memprihatinkan. Akses jalan menuju ke cagar alam iko nan sangat terjal dan rusak parah. Sampai saat iko pemerintah setempat alun mampu memperbaiki akses jalan sacaro maksimal ka lokasi tersebut.

Untuak sampai ka daerah cagar alam dolok tinggi raja, pengunjung dapek manggunokan kendaraan roda ampek atau roda duo, nan salanjuiknyo manampuah jarak sajauah 95 Km dari pusat kota Medan dengan rute pajalanan sebagai berikut: Medan malewati perisimpangan Kota Lubuk Pakam lalu manuju Galang salanjuiknyo malewati Dolok Masihul kamudian masuak kapersimpangan Nagori Dolok dan sampailah ka kawasan cagar alam Dolok Tinggi Raja. Bukan hanyo dari Lubuk Pakam, Malalui berastagi juo bisa di tampuah, yaitu malewati Saribu Dolok taruih ka Tiga Runggu dan masuak malalui simpang Pangalbuan Kecamatan Raya. Sampai saat iko alun ado kendaraan umum untuak mencapai ka kawasan itu.

Barado di kawasan hutan hujan tropis

Kawasan iko sajak tahun 1924 alah dilinduangi karano adonyo kaputusan basamo dari rajo-rajo Simalungun. Cagar alam nan eksotik iko barado di luasan sekitar 176 hektar jo punyo hamparan kawah salju dolok tinggi raja mancapai 4 hektare. Disiko juo ado kawasan hutan hujan tropis dataran randah nan subur jo hijau dengan baragam jenis pohon.

Sumber aia barasa dari endapan-endapan kapua

Sumber aia angeknyo barasa dari endapan-endapan kapua. Endaan kapua tajadi karano angek bumi nan manganduang balerang nan manghsiakan teras-teras babukit. Luasan teras kapua mancapai 35 hektare.

Pranala lua

• (Indonesia) Kawah Putih Dolok Tinggi Raja Simalungun Archived 2020-02-06 di Wayback Machine.