Diponegoro
| Pangeran Diponegoro | |
|---|---|
| Sultan Abdul Hamid Herucakra Amirul Mukminin Sayyidin Panatagama Kalifatu Rosulillah ing Tanah Jawa | |
 Lukisan Pangeran Diponegoro | |
| Lahia | Bendara Raden Mas Antawirya 11 November 1785 Ngayogyakarta Hadiningrat |
| Maningga | 8 Januari 1855 (umua 69) Makassar, Hindia Belanda |
| Pamakaman | |
| Wangsa | Mataram |
| Ayah | Sultan Hamengkubuwana III |
| Mandeh | R.A. Mangkarawati |
| Pasangan | Raden Ajeng Ratu Ratna Ningsih |
| Agamo | Islam |
| Dikana dek | |
Bendara Raden Mas Mustahar (atau biaso dikana jo namo Pangeran Diponegoro), namo nan bakaikan jo "fajar" dalam istilah Jawa, sahinggo bararti "Sang Bangsawan nan lahia pado Fajar" lahia di Kaputren, Keraton Yogyakarta, pado pukua 3.30-4.00, 11 November 1785, tapek manjalang fajar, katiko sahur pado 8 Muharam 1200 H. Dalam tarikh jawa, hari kalahirannyo tu sangaik batuah karano jatuah pado bulan Sura, bulan partamo dalam taun Ja, katiko sacaro tradisional, kerajaan baru didirikan jo galombang sijarah baru dimulai. Lahia pado Jumat Wage marupokan hari nan pantiang dalam almanak atau primbon Jawa modern.[1] Pangeran Diponegoro iolah saurang pahlawan nasional Republik Indonesia atau Perang Jawa salamo periode taun 1825 hinggo 1830 malawan pamarentah Hindia Balando.
Sijarah mancataik, Parang Diponegoro atau Parang Jawa dikana sabagai parang nan mambuek korban tabanyak dalam sijarah Indonesia, yaitunyo 8.000 korban serdadu Hindia Belanda, 7.000 pribumi, jo 200 ribu urang Jawa sarato karugiah materi hinggo 25 juta Gulden.
Ranji jo asanyo[suntiang | suntiang sumber]
Diponegoro lahia di Yogyakarta pado tanggal 11 November 1785 dari ibu nan marupokan selir (garwa ampeyan), banamo R.A. Mangkarawati, dari Pacitan jo ayahnyo banamo Gusti Raden Mas Suraja, nan dikamudian hari naiak takhto bagala Hamengkubuwana III.[2] Pangeran Diponegoro wakatu dilahian banamo Bendara Raden Mas Mustahar, kamudian diubah manjadi Bendara Rade Mas Antawirya.[3] Namo Islamnyo adolah Abdul Hamid.[4] Sasudah ayahnyo naik takto, Bendara Raden Mas Antawirya diwisuda sabagai pangeran jo namo Bendara Pangeran Harya Dipanegara.
Katiko gadang, Pangeran Diponegoro manulak kainginan ayahnyo untuak manjadi rajjo. Inyo surang baralasan bahwa posisi ibunyo nan indak sabagai istri permaisuri, mambuek dirinyo maraso indak taka untuak manduduaki takhto tasabuik.[5]
Pangeran Diponegoro dikana sabagai urang nan cadiak, banyak mambaco, jo ahl di bidang hukum Islam-Jawa.[2] Inyo juo labiah suko pado masalah-masalah keagamaan daripado masalah pamarentahan keraton jo inyo labiah mambaua ka rakyat. Sang Pangeran juo labiah mamiliah tingga di Tegalrejo, Badakekan jo tampek tingga eyang buyut putrinyo, yakni Gusti Kangjeng Ratu Tegalrejo, permaisuri dari Sultan Hamengkubuwana I, daripado tingga di keraton.[6]
Parang Diponegoro (1825-1830)[suntiang | suntiang sumber]
Parang Diponegoro atau Parang Jawa diawali dari kaputusan jo palakuan Hindia Balando nan mamasang patok-patok di ateh lahan milik Diponegoro di Desa Tegalrejo. Tindakan ko ditambah babarapo kalakuan Hinda Balando nan indak mangharagoi adaik-istiadaik satampek jo eksploitasi balabihan kapado rakyak dengan maagiah pajak nan sangek tinggi, mambuek Pangeran Diponegoro samakin muak hinggo mancatuihan sikap perlawanan sang Pangeran.[7]
Di babarapo literatur nan ditulih dek Hindia Balando, manuruik mantan Menteri Pendidikan jo Kabudayaan Profesor Wardiman Djojonegoro, tadapek pambelokan sijarah panyabab palawanan Pangeran Diponegoro karano sakik hati ka pamarentah Hindia Balando jo keraton, nan manulaknyo manjadi rajo. Padahal, palawanan nan dilakuan disababkan sang Pangeran ingin malapehan pandaritoan rakyat miskin dari sistem pajak Hindia Balando jo mambebasan istana dari madat.[8]
Rujuakan[suntiang | suntiang sumber]
- ↑ Carey, Peter (2022). Percakapan dengan Diponegoro. Jakarta: KPG (Kepustakaan Populer Gramedia). hlm. 157. ISBN 978-602-481-900-2.
- ↑ a b "Memenuhi Ramalan Pangeran Diponegoro". Historia. Diarsipkan dari versi asli tanggal 2022-08-27. Diakses tanggal 2020-03-20.
- ↑ Raditya, Iswara N. "Intrik Keraton dan Misteri Kematian Sultan Hamengkubuwana IV". tirto.id. Diakses tanggal 2017-12-06.
- ↑ "Pangeran Diponegoro Syaratkan Perang Jawa Libur Selama Ramadan". Liputan6.com. 2016-06-07. Diakses tanggal 2020-03-21.
- ↑ "Pangeran Diponegoro Komandan Perang Jawa". Tagar.id. 2017-12-23. Diakses tanggal 2020-03-21.
- ↑ "Pangeran Diponegoro Komandan Perang Jawa". Tagar.id. 2017-12-23. Diakses tanggal 2020-03-21.
- ↑ "Biografi Pangeran Diponegoro, Pemimpin Perang Jawa". Kompas.com. Diakses tanggal 2020-03-20.
- ↑ "Meluruskan Fakta dalam Sejarah Pangeran Diponegoro". Republika Online. 2019-07-13. Diakses tanggal 2020-03-21.