Diet randah karbon
Diet rendah karbohidrat adolah pola makan nan mambatehi jumlah karbohidrat sarato maningkekan konsumsi protein jo lemak. Karbohidrat adolah jinih nutrisi nan dapek diperoleh dari babagai jenis makanan jo minuman dalam bantuak tapuang jo gulo. Karano itu balabiahnyo karbohidrat sangaik mungkin tajadi, tarutamo pado urang Indonesia nan sabagian gadang mengkonsumsi nasi sabagai makanan pokok. Diet randah karbohidrat adolah pola makan nan mambatasi asupan karbohidrat, atau manyasuaiannyo jo kabutuhan jo aktivitas harian. Hal iko bamanfaaik mampartahankan barek badan sarato mancegah obesitas.[1][2]
Diet randah karbohidrat indak mampunyoi definisi khusus, cukuik mangurangi asupan karbohidrat dari biasonyo. Pado umumnyo, urang gadang nan sihaik dianjuakan mangkonsumsi karbohidrat sakitar 300-400 gram per hari. Katiko manjalani diet, asupan karbohidrat dapek dikurangi satangahnyo atau sakitar 150-200 gram. Pangurangan karbohidraik harus disasuaikan jo pola aktivitas, sarato dilakuan sacaro parlahan dalam hituangan mingguan ataupun bulanan. Hindari manurunan asupan karbo talalu banyak jikok talampau aktif baaktivitas jo intensitas nan cukuik tinggi. Talalu saketek karbohidrat manurunkan metabolisme sahinggo dapek mahilangkan massa otot. Panurunan asupan karbohidrat harus diimbangi jo asupan protein jo serat nan mancukuiki.[1]
Sabagian gadang jumlah karbohidrat nan dikurangi sarancaknyo diganti jo mangkonsumsi babagai protein nan barasal dari dagiang, ikan, talua, sarato kacang-kacangan. Untuak mampartahankan raso kanyang, konsumsi sayua jo buah sarato sumber lemak nan sehat dari olahan susu, minyak karambia, jo mentega.[2]
Diet randah karbohidrat pado umumnyo indak manurunkan kalori balabiah, hanyo mahindari asupan karbohidrat sederhana talalu banyak. Dalam menjalankan diet, hindari babagai minuman manih, makanan manganduang gluten, lemak trans, pamanih buatan, sirup jaguang tinggi fruktosa, makanan “low fat” sarato makanan olahan tapuang. Pilihlah babagai makanan mantah atau nan dimasak talabiah dahulu dibandiangkan jo makanan kemasan.[1][2]
Caro malakukan Diet Randah Karbohidrat
[suntiang | suntiang sumber]Minum Aia Putiah
[suntiang | suntiang sumber]Katiko malakukan diet randah karbohidrat, badan akan mangalami parubahan metabolisme. Pado urang nan malakukan diet randah karbo, manggantinyo jo konsumsi lemak nan tinggi, badan akan mangalami ketosis. Ketosis adolah kondisi di mano badan manusia mamproduksi keton untuak digunokan sabagai bahan bakar, karano alah indak ado lagi bahan bakar dari karbohidrat. Keton salanjuiknyo akan dikaluakan dek tubuh malalui urin. Samakin tinggi kanduangan keton dalam tubuh, samakin banyak nan harus dikaluakan malalui urin. Risiko dehidrasi manjadi labiah tinggi. Untuk itu, minumlah labiah banyak untuak mahindari kamungkinan dehidrasi.[2]
Makan Sayua
[suntiang | suntiang sumber]Serat memang tamasuk golongan karbohidrat, namun serat indak bisa diserap tubuh, indak mahasilkan energi, Sarato indak mampangaruhi kadar gula darah. Serat justru manjago tubuh dari tajadinyo sembelit, efek sampiang nan acok tibo katiko saurang maubah pola makannyo. Contoh sumber serat adolah sayua. Sayua manganduang karbohidrat nan randah namun manganduang banyak serat nan sangaik diparalukan badan. Serat jo kanduangan aia dalam sayua mambarikan isi bagi paruik sahinggo labiah capek kanyang. Hipotalamus (area otak nan manarimo sinyal untuak baranti makan) mandapekan pasan “kanyang” sabagai respon tahadok panuahnyo kondisi makanan di dalam paruik. Jikok mangkonsumsi banyak sayua, otak akan manarimo pasan. Panuahi kabutuahan serat, satidaknyo 25 gram untuak wanita dewasa, jo 38 gram untuak laki-laki dewasa.[2]
Makan indak buliah bakalabiahan
[suntiang | suntiang sumber]Katiko saurang sadang malakukan diet randah karbohidrat, bukan bararti konsumsi protein jo lemak bisa sabanyak-banyaknyo. Mangkonsumsi dagiang jo keju nan balabiahan mambarikan risiko pado kesehatan, malainkan dapek maningkekan barek badan, sebab makanan-makanan tasabuik manganduang tinggi kalori. Makanlah katiko lapa, barantilah sabalum kanyang.[2][3]
Agiah tubuh maso adaptasi katiko baru mamulai diet
[suntiang | suntiang sumber]Katiko mamutuihkan untuak diet randah kabohidrat, tubuah paralu malewati maso adaptasi. Jadi, kurangilah jumlah karbohidrat sacaro bertahap, indak buliah langsuang mamangkeh asupan karbohidrat gadang-gadang. Tubuh lemas, indak batanago,sembelit marupokan parubahan awal yang akan dialami. Di minggu awal diet, parhatikan apo nan di rasokan badan. Jikok gejalanyo makin buruak, konsultasian ka dokter atau ahli gizi nan balisensi karano mungkin diet indak cocok. [2]
Olahraga
[suntiang | suntiang sumber]Olahraga mambantu sistem kardiovaskuler bakarajo labiah efisien. Katiko kesehatan jantuang jo paru-paru manjadi labiah elok, akan mampunyoi banyak energi untuak manjalani aktivitas sahari-hari.[2]
Rujuakan
[suntiang | suntiang sumber]- ↑ a b c "Tips Menurunkan Berat Badan Dengan Diet Rendah Karbohidrat • Hello Sehat". Hello Sehat (dalam bahasa Indonesia). 2017-01-05. Diakses tanggal 2020-03-12.
- ↑ a b c d e f g h Media, Kompas Cyber. "6 Aturan Aman Menjalani Diet Rendah Karbohidrat Halaman all". KOMPAS.com (dalam bahasa Indonesia). Diakses tanggal 2020-03-12.
- ↑ "Manfaat Diet Karbohidrat dan Cara Melakukannya". Alodokter. 2017-05-24. Diakses tanggal 2020-04-14.