Dhumavati

Wikipedia Minangkabau - Lubuak aka tapian ilimu
Dhumavati
Dewi nan mangilangan pasalisiahan, kesepian, kainginan nan indak tapanuahi jo hal-halnan indak manguntuangan
Anggota The Ten Mahavidyas
A dark woman with a halo, wearing dark clothes and gold ornaments sits on a crow and holding a winnowing basket.
Dhumavati dalam lukisan Rajput awal abaik ka-20 nan babeda jo gambaran tradisionalnyo
AfiliasiParvati/Sati, Mahavidyas, Adishakti, Shivasakthi and Mahakali
BaitTanah kremasi
MantraOm Dhum Dhum Dhumavati Tha Tha Svaha
WahanaGagak
SelirShiva

Dhumavati (dalam Sansekerta: धूमावती, Dhūmāvatī) adolah bagian dari Mahavidya, kalompok sapuluah dewi Tantrik.[1] Dhumavati acok digambaran sarupo jando tuo nan buruak, acok dikaikan jo hal-hal nan indak manguntuangan jo indak ancak di agamo Hindu sarupo buruang gagak jo pariode Chaturmas. Buruang gagak digambaran sabagai sasuatu nan buruak sarupo kakecewaan, kahilangan, kamiskinan, kakalahan, indak baruntuang, frustasi, jo panyakik.[2][3] Salain itu Dhumavati acok pulo digambaran di ateh kereta indak bakudo atau manugnggang saikua buruang gagak di tanah kremasi. Doa-doanyo disabuik dapek mananangan Ketu.[4][5]

Pamujaan tahadok Dhumavati hanyo dilakuan dek urang nan mamiliah untuak indak manikah, atau nan alah jando. Kagiatan pamujaan tu dilakuan sacaro khusus katiko Festival Dhumavati Jayanti nan dalam kalender Masehi balangsuang sakitar bulan Mei-Juni jo tanggal nan baragam satiok taunnyo sasuai posisi bulan.[6]

Asa mulo[suntiang | suntiang sumber]

Dhumavati punyo arti nan babeda dari sajumlah baso jo suduik pandang agama Hindu. Dalam agama Hindu, Dhumavati dinamoan dalam tigo panamoan, yaitu Purana jo Itihasa, Shaktisme (filosofi Shakta) jo arti umum. Dhumavati dalam kosakato Purana jo Itihasa barati tampek suci. Doa urang nan bapuaso salamo tigo hari di tampek suci akan tawujuik. Dhumavati marujuak pulo pado Tirtha (tampek ziarah) nan disabuikan dalam kitab Mahabharata. Dalam Mahabarata tasabuik basonyo Dhumavati ado di dalam puisi kapahlawanan dalam baso Sansekerta nan tadiri dari 100.000 slokas (sajak barirama) nan baumua labiah dari 2000 tahun. Dalam filosofi Shakta diartian sebagai "the smoky one" atau yang barasa dari asok.[7]

Dhumavati adolah dewi Mahavidyas nan katujuah dari sapuluang urang dewi. Sambilan dewi nan lainnyo adolah Kali, Tara, Shodashi, Bhuvaneshwari, Bhairavi, Chinnamasta, Matangi, Kamala jo Bagla Mukhi.[8] Dhumavati mampunyoi kakuatan untuak maancuan sagalo sasuatu jo pamimpin dewa nan manguasoi hujan. Kakuatannyo malambangan kamiskinan jo kamalangan. Dhumavati digambaran sabagai dewi nan sadang galak nan indak takok jo raso takuik di mukonto sarato ampek tangannyo saliang tajalin jo ula babiso di rambuinyo. Salainitu, Dhumavati punyo tigo mato nan barono sirah, lidah nan malambai, sarato gigi nan babulu.[9][10][11]

Legenda[suntiang | suntiang sumber]

Dhumavati dalam lukisan Molaram sakitar abaik ka-18 jo banyak perhiasan di badannyo

Dhumavati acok dikaikan jo Dewi Jyeshtha, nan barati "nan tatuo". Jyeshtha manggambaran panurunan kondisi sasaurang dek lah baumua lanjuik. Sabagai padusi nan alah baumua, sacaro naluriah pangananyo lah abih dek mamikian rumah tanggo nan basalisiah, anggota kaluarhonyo batangka, jo indak mampadulian anak-anaknyo nan kalaparan. menggambarkan penurunan kondisi seseorang akibat usia tua. Sebagai wanita yang berumur, dia secara naluriah tertarik pada rumah tangga yang berselisih, di mana anggota keluarga saling bertengkar, atau saat orang dewasa makan untuk diri mereka sendiri tanpa mempedulikan anak-anak yang kelaparan.

Legenda manyabuikan basonyo Dhumavati lahia katiko Dewi Sati (namo lainnyo Dewi Uma, Gauri, Parvati, Durga) mambaka dirinyo surang sampai mati di api pangorbanan lelehurnyo. Dhumavati tabantuak dari asok nan kalua dari badan Sati nan tabaka. Muko Dhumavati barono itam, talahia manggambaran parasaan Sati nan tahino katiko kamatiannyo.[3]

Ado pulo legenda nan manyabuikan basonyo Sati sadang manahan lapa nan manyeso. Dek karano lapa nan indak tatahanan, Sati mamintak Dewa Shiva maagiahnyo sasuatu nan bisa dimakan, namun ditulak dek Dewa Shiva. Sati tetap tageh mamintak ka dewa tapi indak diacuahan dek dewa. Sahinggo Sati malulua Dewa Shiva. Dek ulah Sati, Dewa Shiva berang jo mamintak Sati malapehannyo, nan akhianyo dilapehan dek Sati. Sasudah itu, Dewa Shiva mangutuak Sati manjadi jando nan marasoan sagalo hal tantang padusi nan indak balaki. Katiko manadanganyo, dari badan Sati kalua asok. Sadolah elok rupo Sati tatutuik dek asok nan kudian manjelma manjadi padusi jando nan buruak rupo. Dewa Shiva maimbaunyo Dhuma (asok) atau Dhumavati.[2]

Pamujaan[suntiang | suntiang sumber]

Yantra Dhumavati nan dipakai dalam ritual pemujaan Dhumavati

Kuil Dhumavati jarang basuo tampeknyo. Kuilnyo nan paliang dikana talatak di Varanasi. Di sinan Dhumavati diagiah pasembahan buah-buahan, bungo, dagiang, bhang (olahan ganjo), minuman kareh, rokok, bahkan kadang-kadang darah. Di kuil ko, patuang Dhumavati dibuek dari batu hitam, matonyo gadang, bibia sirah, tangannyo ampek nan mamacik kipeh, sapu, cawan jo tangan kaampeknyo nan mambuek gestur mudra, gestur nan indak manunjuakan raso takuik. Pahatannyo tadiri dari atribut nan biasonyo dipakai dek dewi nan alah manikah sarupo parhiasan jo pewarna sirah. Dhumavati digambaran sabagai ppaagiah siddhis (kakuatan supranatural), panyelamat dari sadolah masalah, pangabua sadolah hasrat jo hadiah tamasuak kasalamatan. Pamujanyo adolah urang nan mamiliah untuak iduik surang. Dhumavati pun mautamoan untuak urang nan indak manikah atau alah manjando. Disabuikan basonyo urang nan indak manikah lah nan mampu batahan malewati ritual pamujaan sapanjang malam di kuilnyo. Urang nan alah manikah disabuikan indak bisa batahan jo barujuang kamatian.[12]

Pado akhia abaik ka-19, nyanyian doa nan manyabuikan Dhumavati dibuek di dalam bab Dhumayatitantra buku Mantramaharnava. Dalam pamujaan Dhumavati, buruang gagak dibaka jo abunyo dikumpuan untuak mambuek musuah indak badayo. Dhumavati disabuikan bakuaso salamo ampek bulansabalun sukla ekadasi (hari kasabaleh bulan kamariah /tithi) dari duo fase bulan nan ado di kalender bulanan agamo Hindu. Dalam agamo Hindu, wakatu tu sagalo macam parayoan sarupo panikahan indak dianjuan dilakuan. Katiko itulah ritual pamujaan tahadok Dhumavati dimulai. Ritual pamujaan tahadok Dhumavati disabuikan dalam bab Phetrakarinitantra Patala, nan manggambaran ritualnyo dilakuan di tampek nan langang atau dalam krematorium katiko panurunan siklus bulan.[8]

Ado pulo festival pamujaan tahadok Dhumavati nan banamo Festival Dhumavati Jayanti. Di hari pamujaan tu urang-urang alah jago sabalun matahari tabik untuak pai ka kuil pamujaan. Dhumavati disambah jo dhoop, dupa tungkek jo bungo. Pado hari tu disiapan pulo Prasadam (pasambahan barupo makanan vegetarian. Diyakini pulo basonyo katiko wijen itam diikekan ka kain barono itam, kainginan pamujanyo akan dikabulan dek Dhumavati.[6]

Rujuakan[suntiang | suntiang sumber]

  1. LLP, Adarsh Mobile Applications. "Dhumavati | Goddess Dhumavati | Dhumavati Mahavidya". www.drikpanchang.com (dalam bahasa Inggris). Diakses tanggal 2020-03-26. 
  2. a b "The Legend of Goddess Dhumavati - The widow Goddess". VedicFeed (dalam bahasa Inggris). 2019-01-07. Diakses tanggal 2020-03-26. 
  3. a b "Dhumavati – The Widow Goddess | Brave World" (dalam bahasa Inggris). Diakses tanggal 2020-03-26. 
  4. "Dhumavati | Mahavidya" (dalam bahasa Inggris). Diarsipkan dari versi asli tanggal 2023-06-04. Diakses tanggal 2020-03-26. 
  5. "Dhumavati | Mahavidya" (dalam bahasa Inggris). Diarsipkan dari versi asli tanggal 2023-06-03. Diakses tanggal 2020-03-26. 
  6. a b "About Dhumavati Jayanti | Dhumavati Jayanti 2020 date". www.prokerala.com (dalam bahasa Inggris). Diakses tanggal 2020-03-26. 
  7. www.wisdomlib.org (2014-09-14). "Dhumavati, Dhūmāvatī, Dhuma-vati: 7 definitions". www.wisdomlib.org. Diakses tanggal 2020-03-26. 
  8. a b "Hindu Goddesses : Dhumavati - the Beholder of Smoke". www.sanatansociety.org. Diakses tanggal 2020-03-26. 
  9. "DHUM, DHUM, DHUMAVATI: THE MAHAVIDYA (WISDOM GODDESS) OF DETACHMENT, SMOKE AND THE ETERNAL VOID". Dr Bairavee : The Sky Priestess (dalam bahasa Inggris). 2014-08-22. Diarsipkan dari versi asli tanggal 2020-01-14. Diakses tanggal 2020-03-26. 
  10. "Dhumavati, Goddess Dhumavati, Dhumavati Mahavidya". www.astroved.com. Diakses tanggal 2020-03-26. 
  11. "Goddess Dhumavati – VedicYagyaCentre" (dalam bahasa Inggris). Diarsipkan dari versi asli tanggal 2020-01-14. Diakses tanggal 2020-03-26. 
  12. "Dhumavati Yantra, Dhumavati Yantra Benefits, Dhumavati Mata Story, Devi Mantra – Rudraksha Ratna". www.rudraksha-ratna.com (dalam bahasa Inggris). Diakses tanggal 2020-03-26.