Dhow

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Sebuah dhow di Samudera Hindia, dekat pulau-pulau Zanzibar di lepas pantai Swahili.

Dhow (Arab: داو‎, daw) adolah namo nan umum untuak babarapo kapa layar tradisional jo ciek atau labiah tiang, mamakai layar lateen, nan digunoan di wilayah Lauik Merah dan Samudera Hindia. Para Sejarawan punyo pandapek babeda tantang apokah dhow diciptakan urang Arab atau urang India.[1][2] Dhow biasonyo balambuang panjang tipis, digunoan untuak kapa dagang terutamo untuak mambaok barang berek, sarupo buah, aia tawar, atau babagai galeh. di sapanjang jalur galeh di sapanjang pantai Arabia Timur (negara-negara Arab di Teluk Persia),[3] Afrika Timur, Yaman, jo babarapo wilayah Asia Selatan (Pakistan, India, jo Bangladesh). Dhow baukuran gadang punyo awak sakitar tigo puluah urang, sadangkan bantuak nan labiah ketek biasonyo baawak sakitar duo baleh urang.

Sejarah[suntiang | suntiang sumber]

Sajarah asa mulo dhow nan sabananyo masih alun jaleh. Babarapo peneliti mangiro inyo ditamukan antaro 600 SM hinggo 600 M di India. Ado pulo nan mangecekan bahwa sambuk, sajenis dhow, mungkin barasal dari caravel Portugis.[4]

Urang-urang Yaman Hadramaut sarato urang Oman salamo barabad-abad alah pai ka Beypur di Kerala India untuak mandapekan dhow mareka . Hal iko karano hutan-hutan Kerala manyadioan sumber kayu jo tali sabut nan baiak, sarato adonyo tukang kayu khusus nan terampil dalam mambuek kapal. Pado zaman dulu, papan salubuang lambuang dhow digabuang samo tali sabuik karambia. Dhow Beypur dikenal samo namo Uru dalam bahaso Malayalam, iyolah bahaso satampek di Kerala. Para pemukim dari Yaman, nan dikenal sabagai Baramis, saaik iko masih talibaik dalam pambuatan Uru di Kerala.

Pado taun 1920-an, para panulih Britania mangatoan kalau Al Hudaidah di Yaman marupakan pusek pambuatan dhow. Ukuran kapal-kapal nan dibuek di Al Hudaidah labiah ketek, jo digunoan untuak pajalanan panjang. Mereka dibangun manggunoan kayu akasia nan tumbuah di Yaman.[5]

Panulih jo patualang Alan Villiers (1903–1982) mandokumentasikan kahidupan sahari-hari padagangan lauik di Samudera India katiko antaro 1938-1939 inyo barlayar manggunoan dhow, mengabadikannya dalam baragam foto, sarato menerbitkannya dalam babarapo buku nan membahas manganai navigasi dhow.[6][7]

Navigasi[suntiang | suntiang sumber]

Para pelaut dhow tradisional manggunoan kamal sabagai alat navigasi perbintangan mareka . Kamal marupoan alat observasi untuak manatuan garih lintang jo caro mengukur kemiringan sudut Bintang Kutub di ateh cakrawala.[8]

Referensi[suntiang | suntiang sumber]

  1. Briggs, Philip. "Dhows of the swahili coast". Zanzibar Travel Guide. http://www.zanzibar-travel-guide.com/bradt_guide.asp?bradt=1904.. Diakses pado 6 September 2012. 
  2. "The History & construction of the dhow". Nabataea. http://nabataea.net/ships.html. Diakses pado 6 September 2012. 
  3. "Arab Dhows of Eastern Arabia". 4 Desember 1949. http://books.google.com/books?id=LG4gAAAAMAAJ&ql. 
  4. Taylor, James. "Traditional Arab sailing ships". The British-Yemeni Society. http://www.al-bab.com/bys/articles/taylor03.htm. Diakses pado 6 September 2012. 
  5. Prothero, GW (1920). Arabia. London: HM Stationery Office. p. 99. http://www.wdl.org/en/item/11767/view/1/99/. 
  6. Lua error in Modul:Citation/CS1 at line 3828: attempt to index field 'date_names' (a nil value)..
  7. Lua error in Modul:Citation/CS1 at line 3828: attempt to index field 'date_names' (a nil value)..
  8. "Ancient Sailing and Navigation". Nabataea.net. http://nabataea.net/sailing.html. Diakses pado 7 September 2012.