Deportasi

Wikipedia Minangkabau - Lubuak aka tapian ilimu

Deportasi adolah katatapan sipil nan dipalakuan pado urang nan bukan warga nagara asali atau naturalisasi (urang asiang).[1] Urang asiang tasabuik biasonyo indak baliak ka nagara asanyo. Mareka biasonyo masuak nagara sacaro ilegal atau indak punyo paspor dan visa nan sasuai. Dek karano itu, mareka dikambalian lai ka nagara asanyo dek Direktorat Jenderal Imigrasi.[2]

Deportasi babedo jo eksklusi, pangasiangan dan ekstradisi. Eksklusi adolah panulakan dari pamarintah untuak maakui urang asiang. Pangasiangan adolah kaadoan saaik saurang barado jauah dari tampek tingganyo.[3] Pangasiangan dapek dilakuan sacaro sukarela atau badasakan parentah dari panguaso. Samantaro itu ekstradisi adolah mamindahan tindak pidana saurang ka nagara tampek inyo malarian diri untuak maindari ukuman.

Sijarah deportasi di Amerika Sarikat[suntiang | suntiang sumber]

Ukum manganai deportasi di Amerika Sarikat nan patamo adolah Alien Act 1798. Manuruik ukum ko, presiden dapek mandeportasi urang asiang nan dianggap babahayo.[4] Salamo dekade patamo abaik ka-20 babarapo urang asiang nan dianggap subversif dideportasi tarutamo nan anarki dan manyebaan sosialisme. Pado taun 1980-an dan 1990-an tajadi paningkekan jumalah imigran ilegal dari Amerika Latin, Amerika Tangah, Haiti jo Kuba nan mancubo masuak ka Amerika Sarikat. Saaik iko, kasus deportasi sabagian gadang tajadi pado imigran ilegal.

Rujuakan[suntiang | suntiang sumber]

  1. (Inggirih) "What Is Deportation?". Diarsipkan dari versi asli tanggal 2017-11-09. Diakses tanggal 23 Mei 2014. 
  2. "Deportasi". Diarsipkan dari versi asli tanggal 2014-05-27. Diakses tanggal 23 Mei 2014. 
  3. "Exile". Diarsipkan dari versi asli tanggal 2014-05-23. Diakses tanggal 23 Mei 2014. 
  4. (Inggirih) "History of Deportation in the United States". Diakses tanggal 23 Mei 2014.