Dendang Raimah

Wikipedia Minangkabau - Lubuak aka tapian ilimu

Dendang Rimah adolah aliran sastra lisan barupo dendang atau carito nan ado di Kenagarian Jaho, Kecamatan X Koto, kabupaten Tanah Datar, Sumatera Barat. Dendang Raimah iko barisi tantang masalah rumah tanggo Raimah. Caro pembaokan caritonyo jo caro berdendang sarato batanyo jawek antaro Raimah jo lakinyo, Pandeka Alam. Manuruik Syarif (1989), Dendang Raimah tarakhir diadokan pado taun 1975 pado upacao adaik batagak panghulu (maankek panghulu). Sastra lisan diadokan pado malam hari, sasudah shalat Isya sampai manjalang Subuh. partunjukan dendang Raimah ko diadokan salamo anam malam, nan tigo malam sabalun upacaro adaik dan tigo malam sesudahnyo. Kagunoan acaro dendang raimah ko adolah untuak manghibur sakaligus untuak maaja masyarakaik pado umumnyo, pado saaik meramian acaro Batagak Panghulu. Dalam partunjukannyo, tukang padendang duduak dimuko, dapek juo duduak baadokan jo panonton sarato jo tukang saluang nan mairiangan dendang nantun. Biasonyo dibaokan dek laki-laki, tapi adolo nan dibaokan dek laki-laki maupun padusi. Urang duo nantun diibaraikan sapasang laki bini. Bininyo banamo Raimah, lakinyo banamo Pendeka Alam. Dendang iko dimulai jo saluang ,sarato panendang maikuikan sacaro bagantian dalam bantuak batanyo jawek. Mako pado akhianyo tajadilah carito tantang masalah rumah tanggo Raimah.[1]

Bantuak ko caro urang batanyo jawek, iko contohnyo:

A : Raimah kama kau cako lah Raimah oi?

B : Manyilau sawah nan karieng yo tuan oi

A : Baato talambek bana lah Raimah oi?

B : Mungko banda dipatah urang yo Tuan oi Di ateh kubangan badak yo Tuan oi Di bawah kubangan babi yo Tuan oi

A : Diato baju gau cabiek lah Raimah oi?

B : Disangkuik kacang paringek yo Tuan oi

A : Baato rambuik gau kusuik lah Raimah oi ?

B : Disangkuik duri cimayak yo Tuan oi

A : Maatonya galang kau lah Raimah oi ?

B : Galang ambo patah sambilan ya Tuan oi

Caliak pulo[suntiang | suntiang sumber]

Rujuakan[suntiang | suntiang sumber]

  1. Amir, Adriyetti, dkk (2006). Pemetaan Sastra Lisan. Padang: Andalash University press. pp. 195-196. ISBN 9791097089.