Demang Loetan Datoek Rangkajo Maharadjo

Dari Wikipedia baso Minang, ensiklopedia bebas
Loncat ke navigasi Loncat ke pencarian

Demang Loetan Datoek Rangkajo Maharadjo adolah politisi Volksraad[lower-alpha 1] (Dewan Rakyat) dari Batu Palano, Sungai Pua, Agam, Sumatera Baratt nan lahia pado tanggal 25 Agustus 1884 dan wafaiknyo tahun 1941. Baliau marupokan politisi Volksraad nan sabalunnyo indak mandapek pandidikan formal, tatapi karano kasungguahannyo mancari ilmu jo pamikiran yang maju mambuek Demang Loetan manjadi salah ciek anggota dalam posisi pantiang pado maso itu, yaitu anggota Volksraad walaupun pado mulonyo "urang minang" indak namuah mangakui baliau manjadi wakia minangkabau untuak manjadi anggota Volksraaad.

Loetan Mudo[suntiang | suntiang sumber]

Loetan mudo punyo parinsip hiduik Alam Takambang Jadi Guru, sahinggo baliau mancari guru samapai basobok surang bule yang bakarajo di tangsi tentara di Bukiktinggi karano tasabuik kalau di daerah Batu Palano wakatu tu, alun ado sakolah desa, apolai akses ka sakolah barat. Dari bule ko, Loetan mudo baraja tulih-baco bahaso Balando jo ilmu pengetahuan lainnyo dan sabagai imbalan, Loetan harus maagiah beberapa boto minuman kareh satiok minggunyo.

Karier[suntiang | suntiang sumber]

Pado tanggal 21 Mei 1908, Loetan manjadi kerani[lower-alpha 2] perusahaan kereta api SS Koto Baru, sabagai Tahap patamo yang dilalui Loetan sasudah baliau baraja ka bule tu. Di sinan, baliau bagaji f 20- (20 Gulden).

Sataun kamudian, tapeknyo pado tanggal 24 Desember 1909, Loetan menjadi Panghulu Kapalo[lower-alpha 3] di Batu Palano manggantian Makkah Datuk Rangkajo Mahardjo, Panghulu Kapalo sabalumnyo yang bapulang ka Rahmatullah.

Sarangkek jo dibueknyo layanan kasejaheraan otonom di Hindia Belanda nan dikana sabagai “Sistem Kredit Rakyat” tahun 1912, Loetan menjadi mantri Kredit Bumiputera di Fort De Kock, siap tu duo tahun kamudian baliau batugas di tigo tampek manjadi; Demang[lower-alpha 4] di Saruaso, Demang di Maninjau, Asisten Demang Canduang IV angkat. Taruih sampai tahun 1921 manjadi Demang di daerah lain.

Karano kapandaian Loetan dalam bahaso Balando mambuek Loetan dipiliah masuak Bestuur School[lower-alpha 5] untuak bisa mandapek pangatahuan sahubuangan jo pangkeknyo nan alah manjadi demang, babaka surek tugeh dari Residen Sumatera's West Kurst baliau pai ka Batavia untuk mangikuti Bestuurschool tu. Puncaknyo, Pado 29 Juni 1924 Demang Loetan manjadi wakia Minangkabau di Volksraad pariode nan katigo satalah sebelumnyo manang dalam pamiliahan anggota Volksraad tu. Baliau mangumpuaan labiah dari 70 suaro (dari 900 suaro pamiliah) mangalahan suaro calon kasanangan “urang minang” Abdoel Moeis yang hanyo dapek 47 suaro, kamanangan Demang Loetan ko didukuang suaro PEB[lower-alpha 6]. Hal iko nan mambuek kabarangkekkan Demang Loetan indak bamandat dari Minangkabau karano baliau indak disatujui sabagian urang minang karano dianggap baliau indak cocok mawakili minangkabau karano yang mamiliah inyo bukan urang minang malainkan urang partai[1].

Catatan Kaki[suntiang | suntiang sumber]

  1. Volksraad adalah suatu lembaga terhormat dan berderajat tinggi serta dapat membawa suara rakyat. Namun begitu, jumlah anggota Volksraad tidak banyak seperti DPR sekarang, dan dipilih oleh perwakilan beberapa orang: anggota Dewan Kota dan Dewan Daerah
  2. Kerani adalah pegawai yang mengurusi administrasi sederhana (misalnya mencatat, mengetik, menerima, dan mengirimkan surat); juru tulis
  3. Panghulu Kapalo adalah panghulu yang dituakan daripara panghulu
  4. Demang adalah pangkat tertinggi pejabat pemerintah Bumiputera di Minangkabau
  5. Bestuur School adalah pendidikan bagi pejabat Bumiputera untuk mengimbangi kemampuan pejabat Belanda yang untuk masuk kesana, harus memenuhi beberapa persyaratan
  6. PEB adalah salah satu partai yang mempunyai program di bidang ekonomi khusus di bidang perkreditan rakyat

Referensi[suntiang | suntiang sumber]

  1. Mursyid AM, Azizah Etek, M. Nazief Etek (2016). DEMANG LOETAN Sang Politisi Volsraad dari Lereng Marapi. Jakarta Selatan: TERAS. pp. 97. ISBN 978-602-74724-0-2.