David Silva

Wikipedia Minangkabau - Lubuak aka tapian ilimu

David Josué Jiménez Silva (pengucapan bahasa Spanyol: [daˈβið xoˈswe xiˈmeneθ ˈsilβa]

lahia di Arguineguín, Spanyol, 8 Januari 1986; umua 33 tahun

) adolah pamain sipak bola Spanyol nan bamain untuak klub Inggirih Manchester City dan tim nasional Spanyol. Silva bamain tautamo baposisi sabagai gelandang sarang, tatapi juo alah bamain sabagai pamain sayok atau striker kaduo pado babarapo kesempatan.

Manjadi pamain internasional Spanyol sajak usio 20, inyo adolah anggota integral dari tim nan mamanangkan tigo turnamen internasional baturuik-turuik - UEFA Euro 2008, Piala Dunia FIFA 2010, dan UEFA Euro 2012 - manjadi tim patamo kalinyo di Eropa nan alah mancapai prestasi tasabuik.

Silva maahabihkan anam tahun karier profesionalnya basamo Valencia, hadir di labiah dari 150 patandiangan dan mamanangkan satu Copa del Rey pado tahun 2008, sabalum pindah pado musim panas 2010 ka Manchester City. Kamampuan panguasaan bola dan kualitas passingnyo alah mandapekan julukan "Merlin" dari rakan-rakan satimnyo.[1] Sajak bagabuang jo City, Silva alah hadir di labiah dari 150 patandingan salamo tigo musim, mamanangkan Piala FA, Piala Liga Sepak bola dan liga Utamo Inggirih

Kahidupan Mulo-mulo[suntiang | suntiang sumber]

Silva lahia di Arguineguín, Gran Canaria, Pulau Canary, dari Fernando Jiménez saurang mantan perwira polisi kota nan akhirnyo bertanggung jawab ateh kaamanan stadion Valencia CF, dan mandenyo Eva Silva. Ayahnya, Fernando, adolah urang Canaria samantaro mandenyo, Eva, adolah katurunan Japang, nan diklaim dek media Canarian.[2][3] Silva mamiliki duo adiak, kakak dan saudara Nando Natalia

 [butuh rujukan]

. inyo biaso disabuik jo julukan Chino (sabutan Spanyol untuak "Cina") karano panampilan fisiknyo.

 [butuah rujuakan]

Silva mamulai bamain sipak bola di tim mudo dari UD San Fernando, dakek Maspalomas. Awalnyo, inyo bamain sabagai saurang panjago gawang, sabalum manjadi pamain sayok dan manirukan pamainannyo kapado idola pamain sipak bola, Michael Laudrup. Katikao inyo baumua 14, inyo manarimo tawaran untuak manjadi pamain mudo di Valencia CF nan kamudian inyo ditarimo. Inyo tingga di Valencia sabagai bagian dari tim mudo sampai inyo baumua 17 tahun.

Karier[suntiang | suntiang sumber]

Klub[suntiang | suntiang sumber]

Valencia[suntiang | suntiang sumber]

David Silva manjalani panampilan patamo profesionalnyo pado musim 2004–05 basamo klub SD Eibar di Segunda División, sabagai pamain pinjaman dari Valencia. Inyo pun kambali manjadi pamain pinjaman pado musim salanjuiknyo, kali iko ka Celta Vigo.

Silva akhirnyo kambali ka Valencia pado musim panas 2006. Ateh panampilan apiknyo salamo maso paminjaman, inyo manjadi pilihan patamo dalam skuat Valencia maskipun umuanyo masih tabilang mudo (20). Pado musim 2009-10, inyo turuik mangantakan Valencia ka posisi tigo klasemen akhia La Liga dan luluih ka putaran final Liga Champions UEFA musim 2010-11.

Manchester City[suntiang | suntiang sumber]

Pado bursa transfer musim panas 2010, Manchester City marekrut David Silva jo biaya transfer £24 juta. Bamain sangaik ancak pado musim patamonyo basamo Manchester City di Liga Utamo Inggirih, Silva manorehkan 15 assist di saluruah kompetisi dan muncua sabagai salah satu playmaker tabaik di Liga Inggirih. Paformanyo mangasankan para pandukuang dan inyo pun diganjar panghargaan sabagai Manchester City Player of the Month tigo kali baturuik-turuik (Oktober hinggo Desember 2010).[4] Carlos Tévez manyabuiknyo sabagai "Kontrak (pambelian) tabaik nan parnah kami (Manchester City) buek."[5]

Silva kambali malanjuikan paforma impresifnyo di lapangan dan manjadi "roh" Manchester City pado musim salanjuiknyo. Salain mamanangi gala Liga Utamo Inggirih, inyo juo manjadi top assist musim tasabuik jo koleksi 17 assist dan masuak sabagai Tim Terbaik PFA 2011-12.

Rujuakan[suntiang | suntiang sumber]

  1. "Happy Birthday Merlin!". mcfc.co.uk. 8 January 2013. Diarsipkan dari versi asli tanggal 10 January 2013. Diakses tanggal 9 January 2013. 
  2. "David Silva, el nieto de ´la tirajanera´". Diarsipkan dari versi asli tanggal 2012-10-27. Diakses tanggal 2019-09-09. 
  3. "Manchester City new boy David Silva: The Prada-wearing Japanese machete fighter who started life in goal..." 
  4. "Silva streak as David completes hat-trick". MCFC Official Website. 7 January 2011. Diarsipkan dari versi asli tanggal 10 January 2011. Diakses tanggal 9 September 2019. 
  5. "Carlos Tevez: David Silva is Manchester City's best signing – ESPN Soccernet". Soccernet.espn.go.com. 9 February 2011. Diarsipkan dari versi asli tanggal 13 February 2011. Diakses tanggal 1 October 2011.