Darnis Habib

H.Darnis Habib lahia di Bukittinggi, 15 September 1937 adolah direksi PT Gunung Giri Indah yang bamulo pado tahun 1975. Darnis tingga di Padang Lua, Banuhampu, Kabupaten Agam. Ia marupoan anak dari Habib nan mampunyoi gala Datuak Sinaro. Darnis mampunyoi istri banamo Reny Novita dan surang anak banamo Denny Wardhana nan pandidikan tarakhirnyo di Narthope University, Los Angeles, AS. Samoso iduiknyo manjadi putra Minang, Darnis acok mangamukoan pandangannyo nan bakaitan jo pakambangan Sumatra Barat. Ia mangecekan kalau Sumatra Barat adolah sumber alim-ulamo nan tangguah jo disagani dek sakolah agamo batabaran di Sumbar nan mamacik arek "adaik basandi syarak, syarak basandi kitabullah"

Riwayaik Pandidikan

Darnis tamaik Sakolah Dasar (SD) pado tahun 1955, Sakolah Manangah Partamo (SMP) tahun 1953, Sakolah Manangah Ateh (SMA) di Bukittinggi. Salasai SMA, ia malanjuikan pandidikan di Universitas Indonesia, Fakultas Ekonomi jurusan Perusahaan, sarjana mudo pado tahun 1960. Salain manjadi mahasiswa, ia juga manjada karyawan parusahaaan asuransi Belanda, International Asurantir Bedrijef jo mondok di asrama mahasiswa UI nan batambek di Rawa Mangun. Salain manampuah pandidikan wajib, Darnis maikuikan kursus-kursus bahaso Inggris.

Riwayaik Karir

Sabalum manjalani karir karajo, sabalumnyo Darnis manjalani karir organisasi nan dimulai dari manjadi anggota HMI salamo jadi mahasiswa, dilanjuikan manjadi sesepuh HMI. Sasudah tu, ia manjadi anggota Golkar dan parusahaan lainnyo. Salain itu, ia marupoan pambina dari beberapa yayasan sosial jo yayasan Islam. Darini juga manggaluti dunia trading, jasa, dan industri nan hasil dari pajuangannyo tu nampak pado tahun 1965.

Peran Hidup

Salamo iduik, Darnis barusaho untuak maatasi pambarantokan PRRI yang maambuek hancua dan luluahnyo spritual masyarakaik. Keadaan ko mulai maelok sasudah adonyo pamarintah orde baru. sahinggo mambuek Sumatra Barat malaju dalam sagi pambangunan, tarutamo bangunan jalan jo pamarintah.