Danau Chini

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Danau Chini nan dikalialingi dek banyak batang kayu

Danau Chini, atau disabuik juo dek masyarakaik lokal jo namo 'Tasik Chini' , adolah sabuah danau di Distrik Pekan, Pahang, Malaysia. Disakitaran atau di tapian danau tasabuik dihuni dek suku asli nan banamo Orang Asli Jakun.[1]

Danau Chini adolah danau air tawar nan nomor duo gadang di Samananjuang Malaysia. Di Samananjuang Malaysia tu tadapek 12 buah danau, salah cieknyo Danau Chini. Aia nan mangalia dari danau ko disabuik jo Sungai Chini, kamudian aia ko mangalia pulo ka Sungai Pahang. Sungai Chini iko dibuekan bendungannyo supayo untuak manjago tasadionyo aia danau salamo musim kamarau. Namun, adonyo bendungan tasabuik dapek mangganggu ekologi alami danau jo mambuek akibaik batang-batang kayu nan ado di pinggia-pinggia danau mati di karanokan dek aia danau nan talampau tinggi atau aia tu alah naiak ka daratan.[1]

Danau atau Tasik Chini adolah salah ciek dari situs Cagar Biosfer UNESCO nan barado di Samananjuang Malaysia, nan lainyo adolah Kisaran Crocker nan barado do Malaysia Timur[1]

Legenda[suntiang | suntiang sumber]

Danau iko manawarkan lingkuangan nan tanang jo damai yang panuah jo mitos dan legenda yang tetap indak dapek dijalehan hingga hari kini. Manuruik panduduak Orang Asli danau iko, danau iko dihuni dek nago nan disabuik panduduak sakitar jo Nago Seri Gumum (kadang-kadang disabuik juo sabagai "Loch Ness Monster Malaysia)"). Panduduak satempek mayakini ado tadapek kota kuno banamo Khmer nan barado di dasar danau. Manuruik legendanyo kota tasabuik tanggalam dek gadangnyo aia danau ko.[2]

Tumbuahan jo binantang[suntiang | suntiang sumber]

Danau iko mampunyoi hutan hujan tropis nan sangaik labek jo subur, nan kayo akan kaanekaragaman hayati sarato jo marupoan rumah dek 138 spesies flora, 300 spesies hiduik non-akuatik, jo 144 spesies ikan aia tawa. Antaro bulan Agustus jo September, danau iko diubah manjadi taman tarapuang nan mampunyoi ribuan bungo putiah jo marah mudo lotus nan tumbuah di parmukaan danau.[3]

Kaadaan danau kini[suntiang | suntiang sumber]

Panduduak asli nan tingga di tapi danau atau tasik Chini mangaluah bahwasanyo danau tasabuik alah tercemar.[4][5] Tokoh masyarakaik desa dari panduduak asli nan banamo Tok Batin Awang Alok, mangatoan bahwasanyo kagiatan panabangan batang kayu jo penambangan biji basi sacaro liar alah mambuek polusi sarato jo manambah masalah dek panduduak satampek. Anak-anak nan mandi di danau mangaluah gata-gata. Ikan nan ditangkok di danau manjadi indak layak untuak dimakan lai. Panduduak Asli indak dapek pai ka dalam-dalam hutand untuak mangumpuan atau mancari aka-aka tanaman nan kan digunoan untuak pangobatan tradisional karano daerah tasabuik alah ditutuik untuak panambangan.[4] Dr Hedzri Adnan dari Asian Public Intellectuals mangatoan bahwasanyo parubahan nan tajadi di danau akan mangakibaikan ekosistem runtuah pado tahun 2030.[4] Transparency International's secretary-general Josie Fernandez also said that the lake also risked losing its UNESCO Biosphere Reserve status.[4][5] Namun, Mentri Pahang, Adnan Yaakob mangatoan bahwasanyo Departemen Kesehatan negara manamuan bahwa kualitas aia manjadi normal sasduah tigo bulan kamudian. Manuruik hasil kajian samintaronyo titiak danau nan balumpua hanyo tadapek di dakek kantua Dewan Kepabeanan Islam dan Melayu jo Perkebunan RISDA nan indak jauh dari danau.[4]

Rujuakan[suntiang | suntiang sumber]

  1. a b c "Sabah's Crocker Range recognised as biosphere reserve by Unesco". Bernama. The Star. 13 November 2019. Diakses tanggal 13 November 2019. 
  2. Tasik Chini
  3. Geost, Flysh. "Ekosistem Danau | Lengkap dengan Komponen Biotik, Abiotik dan Ciri-Cirinya". Geologinesia - Portal Geologi, Tambang dan Ilmu Bumi (dalam bahasa Indonesia). Diakses tanggal 2019-11-15. 
  4. a b c d e "Orang asli insist lake is dirty". thestar.com.my. 2019-11-13. Diakses tanggal 2019-11-13. 
  5. a b "Sampul JSP 2012.cdr". webcache.googleusercontent.com. Diakses tanggal 2019-11-15.