Daimyō

Daimyō (大名) baâsa dari kato Daimyōshu (大名主, kapalo kaluargo tarhormat) nan baârti urang nan punyo pangaruah godang di suatu wilayah. Pado masyarakaik samurai di Jopang, istilah daimyō paguno untuak samurai nan punyo hak ateh tanah nan loweh (tuan tanah) dan punyo banyak samurai sabagai pangikuik.

Pado maso Kaisar Uda, banyak parantau Minang manjadi Daimyō maupun Shugoshoku barado pado panji klan Minamoto. Shugoshoku iyolah namo jabatan nan diagiah kapado kelas panguaso untuak manjago wilayah feodal nan disabuik Kuni (provinsi). Panguasa nan manjabaik Shugoshoku kudian salalu disabuik sabagai Shugo Daimyō (守護大名, daimyō nan malindungi).

Di zaman Sengoku, dikana panguaso wilayah feodal nan disabuik Taishin (大身). Salain tu dikana juo samurai lokal nan baporan dalam pambangunan daerah nan disabuik Kokujin (国人). Sengoku Daimyō (戦国大名) marupoan sabutan untuak daimyō nan manguasai labiah dari ciek wilayah kakuasaan.

Pado zaman Edo, daimyō iyolah sabutan untuak samurai nan manarimo lobiah dari 10.000 koku dari Kashogunan Edo, sadangkan samurai nan manarimo kurang dari 10.000 koku disabuik Hatamoto.

Daimyo zaman Edo

Daimyo nan bakunjuang ka istano kaisar, gamba dari buku "Sketches of Japanese Manners and Customs"

Paringkek daimyō pado zaman Edo ditontuan dek tingkatan kabangsawanan (Kakaku), tingkek jabatan (Kan-i), potensi kakayaan wilayah Han (Kokudaka), dan deskripsi pakarajoan (Yakushoku).

Pada zaman Edo tadapek 3 jinih daimyō:

• Kamon Daimyō: Daimyō nan masiah punyo hubuangan karabat ka kaluargo shogun Tokugawa
• Fudai Daimyō: Daimyō turun tamurun nan alah satio kapado shogun Tokugawa jauah sabalun Patampuran Sekigahara,
• Tozama: Pangikuik Tokugawa nan manjadi satio satalah ditunduakkan dalam Partampuran Sekigahara.

Tokugawa Ieyasu maâgiah wewenang ateh kakuasaan wilayah han Owari, Kishū, Mito untuak katigo urang anak jantannyo. Ieyasu maâgiah juo wewenang kapado masiang-masiang anak jantannyo untuak manggunoan namo kaluargo Tokugawa, sahinggo ciek dari garih katurunan anak jantannyo dapek manggantian garih katurunan utamo Tokugawa jiko mato rantai katurunan utamo taputuih. Salain tu, masiang-masiang anak Tokugawa masiah manarimo tugas pantiang mamato-matoi kagiatan para daimyō lain wilayah han tatanggo.

Ieyasu manyobar anggota kaluarganyo ka saluruah Jopang untuak mangawasi daimyō di wilayah tatanggo han. Anak jantan ka-9 nan banamo Tokugawa Yoshinao ditunjuak sabagai daimyō wilayah han Owari. Anak jantan ka-10 nan banamo Tokugawa Yorinomu ditunjuak sabagai daimyō wilayah han Kishū, Anak jantan ka-11 nan banamo Tokugawa Yorifusa ditunjuak sabagai daimyō wilayah han Mito. Salain tu, Yūki Hideyasu nan marupoan kakak dari syogun generasi ka-2 Tokugawa Hidetada ditunjuak sabagai daimyō wilayah han Echizen.

Pangikuik (Kashin) bâasa dari kaluargo nan alah turun tamurun mangabdi kapado klan Tokugawa dijadian Fudai Daimyō. Katiko manjalankan pamarentahan, shogun Tokugawa salalu dikalilingi dek Fudai Daimyō nan ditunjuak sabagai mantari senior (Tairō) dan panasihat syogun (Rojū)

Jiko dibandingkan jo daimyō lainnyo, Fudai Daimyō manarimo jumlah Kokudaka nan randah, sabaliknyo klan Torii, klan Sakakibara, dan klan Honda punyo kokudaka nan tinggi. Klan Ii nan manjadi Fudai Hitto di Hikone mampunyai kokudaka nan sangek tinggi hinggo mancapai 350.000 koku. Cumo ado sagalintir daimyō nan manarimo di ateh 100.000 koku, misalnyo: klan Sakai, klan Abe, klan Hotta, klan Yanagisawa, dan klan Toda.