Cult film

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Poster film untuak Plan 9 from Outer Space
Plan 9 from Outer Space adolah salah satu contoh dari cult film.

Cult film adolah adolah istilah nan digunokan untuak manyabuik film nan punyo sakalompok urang nan sabana sangaik suko ka filmnyo sampai-sampai talok untuak manonton filmnyo bakali-kali, mambahas, jo maotaan filmnyo, sarato punyo iktanan emosi nan kuek jo film nan disukoinyo. Film nan disukoinyo itu bisa se malah indak laku ditonton dek urang banyak, tapi punyo urang-urang nan sangaik suko ka filmnyo. Bahasan carito di filmnyo bisa jadi indak samo jo kabanyakan film nan ditonton, bahkan manyimpang, indak biaso, hinggo nan ganjia-ganjia se.[1]

Ado banyak pandapek takaik jo kriterua nan bisa disabuik cult film, akan tatapi umumnyo disapakati jikok cult film punyo kasatoan aktif dari panonton. Misalnyo suatu sekte (cult), panonton manikmati film indak hanyo dari manontonnyo, tatapi juo kasatoan dalam ritual, takah dalam bantuak festifal film atau kopi darat di antaro urang-urang nan suko.[2]

Di Indonesia, cult film banya diproduksi katiko maso orde baru.[3] Banyak film di maso itu nan bakisah tantang film horor, film eksploitasi, jo film lago. Contoh cult film nan populer antaro lain Ratu Ilmu Hitam (1981), Perawan Rimba (1982), jo Bercinta dengan Maut (1992).

Rujuakkan[suntiang | suntiang sumber]

  1. "Ganjil dan Terasa Menyimpang, Itulah Film Cult". Tirto.ID (dalam bahasa Indonesia). Diakses tanggal 2019-11-28. 
  2. "What makes a cult film?". BBC News (dalam bahasa Inggris). Diakses tanggal 2019-11-28. 
  3. "The Other Side of Indonesia: New Order's Indonesian Exploitation Cinema as Cult Films". Cinema Poetica (dalam bahasa Inggris). Diakses tanggal 2019-11-28.