Crush (film 2014)

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Crush adolah film Indonesia taun 2014 nan disutradarai dek Rizal Mantovani sarato dibintangi dek babarapo anggota Cherrybelle.

Sinopsis[suntiang | suntiang sumber]

Cherrybelle nan baranggotaan Cherly (Cherly Yuliana Anggraini), Angel (Margareth Angelina), Gigi (Brigitta Cynthia), Anisa (Anisa Rahma), Ryn (Jessyca Stefani Auryn), Steffy (Stefanny Margaretha Aay), Felly (Yefani Filliang), Kezia (Kezia Karamoy), dan Christy (Christy Saura Noela Unu) dimintak dek Produser (Farhan), untuak mambuek koreografer tari baru demi kapantiangan image Cherrybelle nan labiah progresif daripado girlband lain di Indonesia.

Pihak panguruih pun mandatangan palatih baru, Andre (Deva Mahenra), nan dikana subagai panari senior nan handal di Jakarta. Kahadiran Andre nan kharismatik mambuek anggota Cherrybelle salah tingkah, tarutamo Kezia. Hinggo suatu hari, Andre manamuan surek cinto dari panggemar rahasia. Hal ko mambuek Andre berang jo kecewa hinggo mamutuihan untuak baranti mangaja.

Cherly, subagai katuo Cherrybelle, maraso basalah. Katiko inyo mancari Andre, Cherly alah tau bahwa Andre alah pai ka kota Glenmore. Manuruik Ryn, kota tasabuik barado di Australia. Tapeknyo di dakek kota Melbourne.

Samantaro tu Angel mahadokan pasoalannyo surang. Uninyo, Karen (Yuanita Christiani), nan alah satahun ko tingga di Melbourne taruih manaruih mahino Angel nan dianggap mahabihan wakatu jo Cherrybelle, nan dimato Karen, hanyolah kalompok sirkus.

Dilain kasempatan Cherrybelle mandapekan bonus jalan-jalan ka Melbourne. Kasado anggota Cherrybelle basamangaik, tarutamo Cherly, nan baniaik mancari Andre di sinan. Tapi indak jo Angel, karano inyo harus basobok jo Karen.

Sasampainyo di Melbourne inyo fokus mancari Andre untuak mamintaknyo baliak manjadi palatih. Tapi disinan justru Cherrybelle haruih bahadokan jo Karen basamo kalompok tarinyo. Hasil dari pancarian Andre pun indak ado dan inyo baliak ka Jakarta.

Namun tanyato kota Glenmore nan dimakasuik, bukanlah di Australia, tapi talatak di ciek dari desa di Indonesia tapeknyo namo kecamatan di daerah Banyuwangi. Cherrybelle jo samangaik mandatangi Glenmore nan dimakasuik.[1]

Pemeran[suntiang | suntiang sumber]

Lagu[suntiang | suntiang sumber]

Rujuakkan[suntiang | suntiang sumber]

Pautan Lua[suntiang | suntiang sumber]