Cimuntu

Si Muntu marupokan sosok makhluk hitam, yang saluruh badannyo di tutuik ijuak, dan mamakai topeng, dan bantuknyo nampak seram. Si muntu biaso di jumpoi di acara alek nagari di Andaleh Baruk Bukik, Kecamatan Sungayang, Kabupaten Tanah Datar, Sumatera Barat. Kalau dari kota Padang kiro-kiro manampuah perjalnan 4 jam manggunoan kendaraan darat.

Pado alek nagari baragam kesenian Minangkabau banayak wak jumpoi, kayak ,tari piriang, lukah gilo, pencak silat, dan kesenian lainnyo. Indak katinggalan pulo kesenian Cimuntu, karano Cimuntu sangat unik.

Konon manuruik carito Cimuntu marupokan salah satu bantuk penyamaran para pejuang-pejuang pado maso parang. Dahulunyo Cimunto baperan pantiang mangatur taktik parang pado zaman parang Padri yang di pimpin Tuangku Imam Bonjol.

Kehadiran Cimuntu sabagai kesenian, bamulo dari pamarintah rajo pagaruyuang yang manyuruh satiap nagari untuk manghadiran karya seni daerah. Kamudian tabiklah ide pemuda-pemuda pado maso itu untuk maiduikkan baliak sosok Cimutu. Bekonyo Cimutu di arak kaliliang kampuang, manggunokan alat music pupuik batang padi. Bekonyo iriang-iriangan dimariahan samo tariakan anak-anak yang basorak: “oii muntuk… oii muntuk,”.