Cimangko

Cimangko ;
	Citrullus lanatus
	;
Data
Sumber dari	Semangka (id) , watermelon seed (en) , watermelon seed oil (en) , watermelon juice (en) jo Kalahari melon oil (en)
Tumbuahan
Jenis buah	Buah beri
Taksonomi
Divisi	Tracheophytes
Subdivisi	Spermatophytes
Klad	Angiosperms
Klad	mesangiosperms
Klad	eudicots
Klad	core eudicots
Klad	Superrosids
Klad	rosids
Klad	Eurosids
Klad	fabids
Ordo	Cucurbitales
Famili	Cucurbitaceae
Tribus	Benincaseae
Genus	Citrullus
Spesies	Citrullus lanatus ; (Matsum. jo Nakai, 1916)
Tata namo
Basionim	Momordica lanata (en)
Sinonim takson	Citrullus lanatus subsp. lanatus (en) ; Citrullus lanatus subsp. vulgaris (en) ; Citrullus lanatus var. vulgaris (en) ; Momordica lanata (en) ; Cucurbita citrullus (en) ; Citrullus battich (en) ; Colocynthis citrullus (en) ; Cucumis citrullus (en) ; Cucumis purpureus (en) ; Citrullus vulgaris (en) ; Anguria citrullus (en) ; Citrullus citrullus (en) ; Citrullus citrullus Small (en) ; Cucurbita anguria (en)
	; Media: Cimangko; Media: Cimangko

Cimangko (Citrullus lanatus, dari Cucurbitaceae) adolah tanaman marambek nan asalnyo dari wilayah semi gurun di Afrika bagian selatan.^[1] Tanaman ko masih badunsanak jo labu (Cucurbitaceae), melon (Cucumis melo), jo antimun(Cucumis sativus). Cimangko biasonyo dimakan segar atau diulah manjadi jus, kadang dibuek pulo manjadi selai. Bijinyo dapek dikariangan jo disangrai manjadi kuaci.

Bantuak

Tanaman cimangko marambek sabagaimano dunsanak tanamannyo nan lain, tapi indak bisa marambek ka ateh dan hanyo manyulua di tanah. Batang gadang cimangko babulu dan basagi, panjangnyo 1,5-5 meter, sadangkan batang nan marambek buliah tumbuh 3-5,5 meter.^[2]

Bungo cimangko bawarna kuniang dan baukuran ketek (3 cm). Bungo nan kambang dalam satu tanaman tabagi duo: bungo jantan nan punyo banang sari sajo (stamen), jo bungo banci/hermafrodit, nan punyo benang sari jo putik (pistillum). Bunga banci manganduang ovarium, calon buah di pangka bungonyo babantuak oval.

Buah cimangko kulitnyo kasa, warnanyo hijau tarang nan punyo gurek hijau tuo. Sabagian varian cimangko bawarna kuniang, sabagiannyo sirah. Ado pulo varian buah nan indak babiji. Kalau babiji, inyo babantuak pipih mamanjang, hitam, tapi buliah pulo warana kuniang, putiah atau pirang. Bantuak buahnyo pado umumnyo bulek atau oval, panjangnyo 20-40 cm, diameternyo 15-20 cm, bareknyo 4-20 kg. Kadang bantuaknyo lonjong; kini ado lo varian babantuak kotak.^[3]