Cimangko
| Cimangko | |
|---|---|
Klasifikasi ilmiah  | |
| Missing taxonomy template (fix): | Cimangko |
| Spesies: | Template:Taxonomy/CimangkoCimangko |
| Namo binomial | |
| Template:Taxonomy/CimangkoCimangko | |
| Subspecies | |
Cimangko (Citrullus lanatus, dari Cucurbitaceae) adolah tanaman marambek nan asalnyo dari wilayah semi gurun di Afrika bagian selatan.[1] Tanaman ko masih badunsanak jo labu (Cucurbitaceae), melon (Cucumis melo), jo antimun(Cucumis sativus). Cimangko biasonyo dimakan segar atau diulah manjadi jus, kadang dibuek pulo manjadi selai. Bijinyo dapek dikariangan jo disangrai manjadi kuaci.
Bantuak
[suntiang | suntiang sumber]Tanaman cimangko marambek sabagaimano dunsanak tanamannyo nan lain, tapi indak bisa marambek ka ateh dan hanyo manyulua di tanah. Batang gadang cimangko babulu dan basagi, panjangnyo 1,5-5 meter, sadangkan batang nan marambek buliah tumbuh 3-5,5 meter.[2]
Bungo cimangko bawarna kuniang dan baukuran ketek (3 cm). Bungo nan kambang dalam satu tanaman tabagi duo: bungo jantan nan punyo banang sari sajo (stamen), jo bungo banci/hermafrodit, nan punyo benang sari jo putik (pistillum). Bunga banci manganduang ovarium, calon buah di pangka bungonyo babantuak oval.
Buah cimangko kulitnyo kasa, warnanyo hijau tarang nan punyo gurek hijau tuo. Sabagian varian cimangko bawarna kuniang, sabagiannyo sirah. Ado pulo varian buah nan indak babiji. Kalau babiji, inyo babantuak pipih mamanjang, hitam, tapi buliah pulo warana kuniang, putiah atau pirang. Bantuak buahnyo pado umumnyo bulek atau oval, panjangnyo 20-40 cm, diameternyo 15-20 cm, bareknyo 4-20 kg. Kadang bantuaknyo lonjong; kini ado lo varian babantuak kotak.[3]
Galeri
[suntiang | suntiang sumber]
Jus cimangko
Buah cimangko, dipotong
Cimangko biji lunak ("tanpo biji") nan dagiangnyo kuniang
Cimangko persegi
Buah utuh
Rujuakan
[suntiang | suntiang sumber]- ↑ Reni Yuslianti, Euis (2021). Sayuran dan Buah Berwarna Merah, Antioksidan Penangkal Radikal Bebas. Yogyakarta: Dee Publish. pp. 01. ISBN 978-623-0226-55-7. https://www.google.co.id/books/edition/Sayuran_Dan_Buah_Berwarna_Merah_Antioksi/vZYoEAAAQBAJ?hl=id&gbpv=0.
- ↑ Daya, Budi (dalam bahaso id). Semangka. PT Niaga Swadaya. ISBN 978-979-002-439-7. https://books.google.com/books?id=EIjcRG4AXisC&newbks=0&hl=id.
- ↑ Ade Sandra, Apriogi (2012). "Pengaruh Pemberian Bokashi terhadap Pertumbuhan dan Hasil Tanaman Semangka (Citrullus vulgaris L.)" (PDF). Pertenakan UIN Sultan Syarif Kasim, Pekanbaru,. Diakses tanggal 13 Januri 2021.