Catur

Wikipedia Minangkabau - Lubuak aka tapian ilimu

Catur adolah permainan nan dimainan dek duo urang di ate kotak bawarna hitam jo putiah, catur ko tamasuak olahraga walau ndak pakai fisik tapi catur ko di perlombakan. Satiok warna di papan catur mamiliki jumblah warna nan berbeda, warna hitam ado 32 kotak dan warna putiah ado 32 kotak jadi sadonyo ado 64 kotak. satiok pemain di agia 16 bidak catur nan masiang-masiang ado namonyo, 8 bidak catur di muko namonyo pion nan mempunyoi nilai nan samo, 8 di belakang tadiri dari rajo dan mentri, 2 gajah, 2 benteng, 2 kudo. Dalam permainan catur tadapek juo nilai bagi nan menang, seri /remis, kalah, nan manang dapek 1 angka, nan remis dapek 0,5 angka, nan kalah dapek 0 angka. Dalam setiok pemain di agia wakatu 2,5 jam untuak 40 langkah jiko alah 2,5 jam tapi alun salasai 40 langkah mako urang itu di nyatakan kalah, dan bilo keduo urang alah manyalasaikan 40 langkah tapi wakatu alun habis mako permainan di sambuang lain hari.

Dalam dunia catur tadapek peraturan dimano pihak lawan jo awak manyatoan remis walaupun baru 30 langkah dan masih ado kemungkinan untuak awak menang. Dalam dunia catur ko tawaran remis ko di kenal jo namo Remis GrandMaster, karno acok tajadi pado urang nan lah master mamainan catur ko. Bilo seseorang mengancam rajo lawan pihak itu harus menyabuikan SKAK, Lawan harus maambiak langkah pangamanan kepado rajo jo menutuikan rajo jo bidak catur nan lain.

Langkah dan Tempo[suntiang | suntiang sumber]

Dalam malangkah satiok bidak catur mamiliki banyak macam langkahnyo. Pion malangkah lurui ka muko indak buliah baliak ka balakang atau ka sampiang, dalam awal permainan satiok pemainan buliah malangkahan pion sabanyak 2 kotak tapi siap tu cuman buliah 1 kota, pion hanyo buliah mamakan bidak lawan jo serong, kudo hanyo malangkah mambantuak huruf L sajo dan kudo dapek mundur jalannyo beda samo pion, benteng jalannyo bebas kacuali serong, kalau gajah jalannyo harus serong dan harus sawarna se.[1]

Rujuakan[suntiang | suntiang sumber]

  1. Catur. Jakarta: PT. Cipta AdiPustaka.