Cangkuak
Cangkuak atau samba lado cangkuak marupoan jinih samba lado nan barasa dari Padang Panjang, Sumatera Barat. Cangkuak tabuek dari aia tajin atau aia rebusan bareh. Bahan-bahan lainnyo yaitu lado, bawang, tomat, bawang, patai, kjo karupuak jangek. Biasonyo cangkuak banyak dijua di rumah makan atau kadai nasi. Cangkuak pernah pulo diusulan masuak Warisan Budaya Tak Benda (WBTB) Indonesia dek Balai Pelestarian Nilai Budaya (BPNB) Sumatera Barat.[1]
Sijarah[suntiang | suntiang sumber]
Pado mulonyo, cangkuak hanyo dibuek dek masyarakaik di wilayah Darek. Masyarakaik satampek zaman dahulu biaso mamasak nasi manggunoan pariuak, katiko nasi masak, samba lado cangkuak bisa pulo disajian manggunoan aia dari mamasak nasi tu. Namun cangkuak ko alah mulai manyeba ka daerah Minangkabau nan lain. Ado pulo sijarah nan manyabuikan basonyo cangkuak ko dibuek dek keterbatasan pangan pado maso itu. Bahan-bahan untuak mambuek cangkuak didapek dari hasia tanaman di pakarangan rumah sarupo bawang, tomat, jo kantang. Wakatu itu cangkuak acok dibaok dek petani nan bakarajo ka ladang.[2]
Rujuakan[suntiang | suntiang sumber]
- ↑ Basoni, Sonia. "Samba Uwok hingga Cangkuak, Ini Sambal Khas Minang yang Menggoyang Lidah". detikfood (dalam bahasa Indonesia). Diakses tanggal 2021-05-27.
- ↑ "Samba Lado Cangkuak Jadi Viral ! Ini Keistimewaannya..." (dalam bahasa Indonesia). Diakses tanggal 2021-05-27.