Candi Pulau Sawah

Candi Pulau Sawah

Candi Pulau Sawah adolah candi bacorak agamo Buddha nan talatak di Nagari Siguntur, Kecamatan Sitiung, Dharmasraya, Sumatra Barat. Prasasti iko tasobok dek tim panaliti dari Pusat Penelitian Arkeologi Nasional (Puslit Arkenas).

Bantuak

Candi ko punyo 2 buah bangunan nan patamo Candi Pulau Sawah I jo Candi Pulau Sawah II. Candi Pulau Sawah I tadiri dari ciek bangunan gadang satinggi 2,4 meter. Bangunan ko babantuak kotak basegi duo puluh, nan tiok-tiok sisinyo indak samo panjang. Tapek di tangah bangunan, ado sabuah lubang gadang babantuak ampek basegi panjang baukuran 2,06 x 1,82 meter dan kadalamannyo 2,4 meter. Bagian mungko bangunan ko ado sabuah lubang nan kadalamannyo samo tapi luwehnyo babeda. Lubang ko agak labiah ketek dari ukuran lubang sabalunnyo, baukuran 1,2 x 1,57 meter. Kaduo lubang ko babantuak persegi panjang iko iyolah kolam tampek pamandian. Candi Pulau Sawah II dipakirokan barupo sabuah kompleks candi, di mano di dalamnyo ado candi ketek jo tabek pincuran mandi. Ado juo, parik-parik nan lawehnyo 100 x 100 meter.