Buruang antu

Wikipedia Minangkabau - Lubuak aka tapian ilimu
Buruang hantu
Buruang hantu di Omriyama
Klasifikasi ilmiah
Kingdom: Animalia
Phylum: Chordata
Class: Aves
Order: Strigiformes
Pasebaran buruang hantu di berbagai nagara

Buruang antu adolah sajinih buruang nan biasonyo aktif di malam ari (nocturnal). Buruang antu ko mamiliki mato nan gadang jo maadok ka muko. Hewan ko juo mamiliki paruah nan runciang saparti buruang alang. Buruang ko mamilki ciri kas yoitu kapalo nyi bia mamuta sajauah 270 derajat. Biasonyo buruang ko mamiliki bulu nan bawarna coklat jo bercak putiah. Buruang ko mamilki rantang sayok nan lueh jo mamiliki ikua nan pendek. Buruang ko ampiang tasebar di saluruah dunia kacuali di daerah es saparti antaratika jo kutub selatan. Buruang ko biasonyo mamakan saranggo, buruang, jo ikan. [1][2]

Karakteristik[suntiang | suntiang sumber]

Buruang antu mamiliki ciri fisik diantaronyo, mamiliki mato jo lubang nan gadang nan maadok ka muko sarato mamiliki wajah nan data. Pado bagian muko tadapek bulu nan mangaliliangi mukonyo. Buruang antu bisa mancaliak benda dalam tigo arah, katiko nio maubah pamandangannyo inyo mamutakan kapalonyo. Hewan ko bisa juo mancaliak benda dalam jarak nan sangaik jauah sarato mampu mancaliak dalam galok sacaro jaleh. Buruang antu mamiliki 14 tulang lihia, sarato nyo bisa mamuta kapalonyo sajauah 270 derajat. Buruang ko bisa mamuta kapalonyo sajauh 270 derajat karano, katiko mamuta inyo indak mamotong aliran darah nan maalir ka utak. Foramen pado buruang antu (Calah lubang pado tubuh nan tabukak). Sarato mamiliki pambuluah darah arteri nan gadangnyo samo jo punyo manusia. Karano buruang antu mamiliki tulang pungguang nan labiah tinggi daripado buruang lainnyo, hal iko mambuek pambuluah darah nyo manjadi lantua sahinggo katiko inyo mamuto kapalo sajauh 270 derajat indak mancederai kapalonyo. [3][4]

Sampai kini ko Buruang antu nan paliang gadang mamiliki panjang badan sakitar 71 cm, sarato mamiliki sayok nan panjangnyo skaitar 190 cm jo mamiliki barek badan sakitar 4.5 kg. Biasonyo buruang antu nan mamiliki ukuran badan jo barek diateh rato-rato barasa dari jinih (Xenoglaux loweryi) jo (Glaucidium sanchezi). Samantaro itu buruang antu nan paliang ketek adolah buruang antu elf nan mamiliki panjang badan sakitar 13.5 cm jo barek 31 gram. [5]

Satiok buruang antu mangaluan suaro nan babeda-beda tagantuang jinihnyo. Buruang antu mangaluaan suaro untuak manacari pasangan sarato untuak maagiah tando kabaradaannyo ka buruang antu nan babeda jinih. [1][2]

Sayok[suntiang | suntiang sumber]

Buruang antu mamiliki kaunikan pado sayonyo, katiko buruang antu tabang sayoknyo indak mangaluan suaro. Kelebihan ko maagiah buruang antu kauntungan, yoitu inyo bisa mandangaan suaro apopun di sakitarnyo pado malam ari. Bulu nan tadapek pado buruang antu mamiliki barek nan labiah dibandiangan jinih buruang pado umumnyo. Maskipun mamiliki bulu nan barek, buruang antu bisa tabang tanpa mangaluaan suaro karano sayoknyo aluih saparti kapeh, pado sisi lakang sayoknyo tadapek jumbai nan maredam galombang suaro nan timbua dek angin nan mangalir di ateh sayok katiko mangepakan sayoknyo ka bawah. Bulu-bulu di bagian badannyo dapek maredam suaro juo. Bulu pado badannyo bisa maredam frekuensi 2 khz kaateh. [6]

Bulu pado buruang antu indak tahan taadok aia, sahinggo katiko musim dingin buruang antu indak bisa baburu makanan sarato wakatu nan buruak untuak kawin. Buruang antu bisa manjago badannyo tetap angek karano bulu nyo nan indak bisa tahan jo aia. [1][7]

Panglihatan[suntiang | suntiang sumber]

Buruang antu marupoan hewan nan aktif di malam ari, sahinggo panglihatan sangaik baguno katiko baburu di malam ari. Maskipun tamasuak hewan nan aktif di malam ari, buruang antu indak mamanfaikan ekolokasi sabagai panunjuak jalan. Maskipun mamiliki panglihatan nan rancak mato pado buruang antu indak bisa mancaliak ka arah sadoalah arah, tatapi inyo dapek mamuta kapalonyo sajauah 270 derajat. Caro iko bisa mambuek suaro nan dihasiakan dari gerakan badan dapek bakurang. Mato pado buruang antu bisa mancaliak jarak nan jauah sacaro jaleh, tatapi hewan ko marupoan hewan nan tamasuak rabun dakek karano indak bisa mancaliak benda nan bajarak sangaik dakek. [1][8][3]

Pandangaran[suntiang | suntiang sumber]

Katiko buruang antu baburu, inyp sangaik mangandalkan talingo nyo. Fungsi talingo pado buruang antu adolah sabagai manantuan tampek mangsanyo barado sarato dapek manantuan arah datangnyo suaro dalam waktu nan babeda. Katiko ado suaro buruang antu mamuta kapalonyo sahinggo suaro tadi dapek tadanga di kaduo talngo nyo. Buruang antu indak pernah kahilangan pandengarannyo bahkan satalah inyo baumua 15 tahun. Hal iko disebabkan karano inyo mamiliki kamampuan berevolusi untuak maregenerasi sel sensorik pado talingo bagian dalam. [1][9]

Kabiasaan[suntiang | suntiang sumber]

Burung antu marupoan hewan nokturnal nan biasonyo aktif di malam hari. Inyo mamiliki panyasuaian fisik sarato mandeteksi nan mamungkinkan untuak baburu jo bajariah pado malam hari.

Baburu[suntiang | suntiang sumber]

Katiko malam hari, buruang ko baburu jo caro duduak jo manunggu" . Inyo duduak di tampek nan tinggi sarato mamantau daerah sakitaranyo sacaro teliti, manunggua mangso nan ka tibo. Sausai tu mandeteksi mangso, inyo akan tabang sacaro maluncua untuak manangkoknyo. Katiko dakek jo mangsonyo inyo manggunoan cakar nyo nan tajam untuak manangkok sarato mambunuah mangso sacaro capek. Babarapo buruang antu mamangso mamalia ketek saroman mancik jo kalinci, samantaro nan lain mamiliah buruang ketek atau saranggo.

Babarapo jinih buruang antu mamakai caro panggilan khusus untuak mamikek atau mangicuah mangso nyo. Inyo bisa mangaluakan suaro serak atau suaro nan manyorupai mangso buruang atau hewan nan ketek untuak mamanciang mangso nyo kalua dari tampek manyuruak. Burung antu nan labiah tuo sarato bapangalaman, biasonyo labiah santiang katiko baburu karano inyo alah punyo pangatahuan sarato baraja dari kasalahan nan alah lalu, sapanjang hiduik nyo.

Bakambang biak[suntiang | suntiang sumber]

Proses bakambang biak buruang antu bamacam-macam bagantuang pado jinihnyo. Namun, sacaro umum, barikuik babarapo tahapan umum dalam proses bakambang biak buruang antu. [10][11]

Mencari Pasangan[suntiang | suntiang sumber]

Pado musim kawin, buruang antu biasonyo mancari pasangan untuak bakambang biak. Babarapo jinih buruang antu adolah monogami, nan bararti inyo mambantuak pasangan monogami hanyo satu pasangan untuak musim kawin dalam wakatu tertentu. Katiko mancari pasangan buruang antu jantan acok bajariah jo pertunjukan khusus atau panggilan khusus untuak mancari perhatian batino. jo caro mamparagkan sayok atau ikua, atau mangaluakan suaro panggilan khusus. [10][11]

Mambuek sarang[suntiang | suntiang sumber]

Katiko alah mandapekan pasangan, inyo akan mancari lokasi nan sasuai untuak mambuek sarang. Babarapo buruang antu mamiliah untuak manggunoan lubang pohon sabagai tampek untuak batalua sarato tampek untuak manggadangan anak-anak nyo. Batino biasonyo mamiliki satu hinggo babarapo talua, inyo akan maarami talua salamo babarapo minggu.

Ktiko talua alah manateh, jantan jo batino akan bakarajo sama untuak manggadangkan anak-anak nyo. Inyo akan maagiah makan anak-anak nyo jo caro maagiah hasil buruan nyo. Anak buruang akan barado di sarang salamo ba minggu-minggu sampai inyo cukuik kuek untuak tabang jo mancari makan surang. [10][11]

Rujuakan[suntiang | suntiang sumber]

  1. a b c d e Novi, Veronika (01-01-2023). "Jenis Burung Hantu". https://www.gramedia.com/. Gremedia. Diakses tanggal 12-09-2023.  Hapus pranala luar di parameter |website= (bantuan)
  2. a b "Owls – IOC World Bird List". www.worldbirdnames.org. Diakses tanggal 2023-09-12. 
  3. a b MBLWHOI Library, Gordon L. (Gordon Lynn) (1942). The vertebrate eye and its adaptive radiation. Bloomfield Hills, Mich., Cranbrook Institute of Science. http://archive.org/details/vertebrateeyeits00wall. 
  4. University, Libraries (12-09-2023). "Welcome to SORA, the Searchable Ornithological Research Archive" (PDF). https://sora.unm.edu/. University Libraries. Diakses tanggal 12-09-2023.  Hapus pranala luar di parameter |website= (bantuan)
  5. "Posters & Graphics". Science (dalam bahasa Inggris). 339 (6119): 514–515. 2013-02. doi:10.1126/science.339.6119.514. ISSN 0036-8075. 
  6. Stevenson, John; London, City University. "Small finlets on owl feathers point the way to less aircraft noise". phys.org (dalam bahasa Inggris). Diakses tanggal 2023-09-12. 
  7. https://www.ncbi.nlm.nih.gov/pmc/articles/PMC2211483/
  8. König, Claus; Weick, Friedhelm; Becking, Jan-Hendrik (1999). Owls: a guide to the owls of the world. New Haven: Yale Univ. Press. ISBN 978-0-300-07920-3. 
  9. "The Hearing of the Barn Owl". Scientific American (dalam bahasa Inggris). Diakses tanggal 2023-09-12. 
  10. a b c Martin, Dennis J. (24/1973). "Selected Aspects of Burrowing Owl Ecology and Behavior". The Condor. 75 (4): 446. doi:10.2307/1366565. 
  11. a b c AskanAcademic.com (2017-07-21). "How do owls reproduce?". Ask an Academic (dalam bahasa Inggris). Diakses tanggal 2023-09-13. 

Pautan lua[suntiang | suntiang sumber]

Wikidata: Strigiformes