Bumi Manusia (novel)
| Bumi Manusia | |
|---|---|
| Pangarang | Pramoedya Ananta Toer |
| Panarjamah | Maxwell Lane (Inggris) |
| Nagara | Indonesia |
| Bahaso | Indonesia ditajamahan pulo ka dalam bahaso: |
| Seri | Tetralogi Buru |
| Genre | Drama sijarah |
| Panabik | Hasta Mitra |
| Tanggal tabik | 1980 |
| Jumlah laman | Kertas, 535 Halaman |
| ISBN | 9799731232 (ISBN13: 9789799731234) |
| Diikuti dek | Anak Semua Bangsa |
Bumi Manusia (Inggris:This Earth of Mankind[1]) adolah buku partamo dari Tetralogi Buru karya Pramoedya Ananta Toer. Buko ko tabik partamo kalo pado tahun 1980 ditabik an dek Hasta Mitra. Pado tahun 2005, Lentera Dipantara mulai manabik an novel Bumi Manusia.[2]
Buku iko ditulih dek Pramoedya Ananta Toer kutiko masih mendekam di Pulau Buru. Sabalun ditulih pado taun 1975, duo tahun sabalunnyo atau taun 1973 kisah ko alah nyo caritoan labiah dulu ka kawan dakeknyo.
Sinopsis
[suntiang | suntiang sumber]Novel Bumi Manusia ko mancariton pajalanan saurang tokoh nan pribumi banamo Minke. Minke adaloh salah satu anak pribumi nan sakola di HBS. Pada maso itu, nan dapek sikolah di HBS adolah urang-urang katurunan Eropa. Salain itu Minke adolah saurang pribumi nan pandai manulih. Tulisannyo bisa mambuek urang sampai takagum-kagum sabab dimuek di banyak Koran Balando pado maso itu. Dek inyo pribumi, inyo kurang disukoi dek urang Eropa lainnyo.[2]
Dalam buku ko Minke digambaran sabagai saurang revolusioner di buku iko. Inyo barani malawan pakuan yang indak adia nan tajadi pado banso ko. Inyo juo barani mambarontak taadok kabudayaan Jawa, nan mambuek inyo acok barado di bawah.
Salain tokoh Minke ado pulo tokoh lain banamo, Nyai Ontosoroh. Nyai pado maso itu dianggo sabagai padusi nan indak baradaik karano inyo manjadi bini simpanan urang kayo. Dek statusnyo sabagai Nyai tapaso sansaro inyo kahilangan hak akan dirinyo. Tapi bedanyo, Nyai Ontosoroh sadar jo posisi tu inyo taruih manaruih baraja, supayo dapek diakui sabagai manusia. Nyai Ontosoroh bapandapek, untuak malawan kecek buruak nan inyo dapek, kebodohan, kemiskinan, jo sabagainyo hanyolah jo baraja. Minke manjalin karajo samo akhianyo manikah jo Annelies, anak dari Nyai Ontosoroh dan tuan Mellema.[2]
Malalui buku ko, Pram manarangan baa kaadaan pamarintah kolonialisme Balando pado maso itu. Pram manunjuak an pantiangnyo baraja jo bapangatahuan. Dek baraja dapek maubah nasib. Sarupo buku ko, Nyai bisa mangelola sado bisnis Melemma, Minke dapek sikolah. Dek pengetahuan nan didapek dari pangalaman, buku-buku, jo kahidupan sahari-hari tanyato labiah lueh dari sakola HBS.
Riwayaik panabikan
[suntiang | suntiang sumber]Hasjim Rachman, mantan pemimpin redaksi Bintang Timur, jo Pramoedya mandatangi Joesoef Isak, mantan wartawan Merdeka nan balasan taun mandakam di Rutan Salemba. Diskusi bakambang, jo supakaik dicapai untuak manabikan karya eks-tapol nan salamo ko indak dapek sambutdan elok dari panabik lain.[3] Naskah partamo tapiliah untuak ditabikan adolah Bumi Manusia. Pramoedya kambali bakarajo kareh untuak mamiliah tumpuak an karateh doorslag nan barasia disalamaik an dari Pulau Buru. Ampia sado naskah aslinyo ditahan dek patugas pinjaro sampai indak parnah dibaliak an. Dama wakatu tigo bulan inyo manyalin balia jo marajuik tumpuak karateh nan alah rulapuak dek cuaca manjadi naskah buku. Samantaro itu, Hasjim jo Joesoef bakaliliang dari babarapo panjabat pamarintah, tamasuak wakil persiden Adam Malik nan maagiah sambutan elok.
Awal Juli 1980 naskah Bumi Manusia dikiriman ka percetakan Aga Press jo harapan manjalang terbit naskah ko manjalang peringatan Proklamasi. Catakan partamo kalua tanggal 25 Agustus, maleset dari rencana samulo. Sampul catakan partamo tu masih sangaik biasoa sajim hanyo barupo tulisan sajo. Bagi Pramoedya panabik an Bumi Manusia, sarupo nan dicataiknyo bararti, "suatu kebulatan tekad, keikhlasan, jo sekaligus ketabahan untuak maagiah saham pado pakambangan demokrasi di Indonesia – jo indak demokrasi warisan sah kolonial, demokrasi hasiia karingek surang".
Dalam wakatu 12 ari sakitar 5.000 eksemplar abih tajua. Anyo babarapo bulan satalah Bumi Manusia kalua, sajumlah panabik di Hongkong, Malaysia, Belanda jo Australia mendekati Hasta Mitra untuak mandapek an hak tajamahan. Pramoedya sabagai panulih tetap mandapek royalti samantaro Hasta Mitra anyo batindak sabagai parantaro. Panabik Wira Karya di Malaysia mabayia royalti sagadang 12% langsuang ka Pramoedya.
Dalam bulan November Hasta Mitra alah mambuek catakan katigo, barasia manjua sakruangnyo 10.000 eksemplar. Dan sambutan pun semakin rami, mulai dari kritikus Jakob Soemardjo jo Parakitri Simbolon sampai artis remaja Yessy Gusman nan manyabuik "karya sastra nan paliang rancak paso maso itu." Harian Angkatan Bersenjata nan dikelola Markas besar ABRI pun panah manyabuik Bumi Manusia sabagai "sumbangan baru untuk khasanah sastra Indonesia".
Masikipun alah tabik, Pram jo Bumi Manusia haruih maadoik i tantangan baru. Jaksa Agung pado tahun 1980 malarang peredaran Bumi Manusia karano dianggok mambahayoan Pancasila sabagai ideologi negara. Buku Bumi Manusia pun akhianyo tetap dijua sacaro sembunyi-sembunyi. Hal itu taruih manaruih dilakuan inggo sekitar 2000-an. Namun, tiga sakawan ko harus manalan pil pahit karano salah satu anggotanyo, Hasyim Rahman, maningga. Pram jo Joesoef akhianyo mamiliah mambuek panabik baru Lentera Dipantara.[4]
Lapeh ditabik an, Bumi Manusia kudian dilarang beredar dek parintah Jaksa Agung atau saat Orde Baru.[5] Samantaro itu sabalun dilarang, buku ko alah 10 kali catak ulang dalam satahun dari 1980-1981. Sampai taun 2005, buku iko alah ditabik an dalam 33 bahaso. Pado September 2005, buko ko ditabik an baliak dalam bahaso Indonesia dek Lentera Dipantara. Buku ko mangisahan kajadian pado taun 1898 inggo taun 1918, maso iko adolah masa muncuanyo pamikiran politik etis jo masa awal periode Kebangkitan Nasional. Maso iko juo manjadi awal masuaknyo pamirikan rasional ka Hindia Balando, maso awal patumbuhan organisasi-organisasi modern nan juo marupoan awal kalahiran demokrasi pola Revolusi Prancis.
Catakan
[suntiang | suntiang sumber]Bumi manusia ditabik an dek duo penerbit catakan 1-10 ditabik an dek Hasta Mitra, sadangkan catakan 10 sampai sataruihnyo ditabik an dek Lentera Dipantara.[2]
- Catakan Partamo: November 1999
- Catakan Kaduo: Desember 1999
- Catakan Katigo: April 2000
- Catakan Kaampek: Juni 2000
- Catakan Kalimo: Juli 2000
- Catakan Kaanam: Agustus 2000
- Catakan Katujuah: September 2000
- Catakan Kalapan: Desember 2000
- Catakan Kasambilan: Maret 2001
- Catakan Kasapuluah: April 2001
- Catakan Kasabaleh: Juli 2001
- Catakan Kaduobaleh: September 2001
- Catakan Katigobaleh: Oktober 2001
- Catakan Kaampekbaleh: November 2001
- Catakan Kalimobaleh: Maret 2002
- Catakan Kaanambaleh: April 2002
- Catakan Katujuahbaleh: Mei 2002
- Catakan Kalapanbaleh: Juni 2002
- Catakan Kasambilanbaleh: Juli 2002
- Catakan Kaduopuluah: November 2002
- Catakan Kaduopuluahsatu: November 2015
- Catakan Kaduopuluahduo: Desember 2015
- Catakan Kadupuluahtigo: Juli 2016
- Catakan Kaduopuluahampek: September 2016
- Catakan Kaduopuluahlimo: November 2017
Diangkek ka film
[suntiang | suntiang sumber]Rumah produksi Falcon Pictures mambali hak adaptasi Bumi Manusia jo karya Pram lainnyo, yakni Perburuan pado tahun 2014. Sarato manunjuak Hanung manjadi sutradara, Hanung langsuang manarimo tawaran tasabuik sabab inyo alah punyo kainginan untuak mambuek film Bumi Manusia sajak tahun 1996, namun pado maso itu ndak diizinan dek Pram. Panulisan naskah dimulai sajak awal 2017, nan diakui Salman begitu sulit sabab alur dalam novel nan condong maju-mundur, samantaro inyo manggunoan alua maju untuak film. Parekaman gambar dilakuan pado akhia Juli inggo Agustus 2018. Lokasi parekaman diantaronyo, Studio Gamplong, Sleman, Yogyakarta; Semarang, Jawa Tengah; jo Balando.Pancarian lokasi alah mulai sajak akhia 2005. Awal 2006 proses produksi dimulai jo panulisan skenario dek dengan penulisan Jujur Prananto, penulis skenario Ada Apa dengan Cinta. Jo Garin Nugroho akan menyutradarai film iko. Namun, pada 24 Mei 2018, diadoaan konferensi pers nan maumuman bahwa Bumi Manusia akan difilmkan dek Falcon Pictures Hanung Bramantyo sabagai sutradara. Sosok Minke akan diparanan dek Iqbaal Ramadhan, Annelies Mellema akan diparanan dek Mawar de Jongh, jo Sha Ine Febriyanti sabagai Nyai Ontosoroh.[6]
Rujuakan
[suntiang | suntiang sumber]- ↑ Lane, Max (1983). This Earth of Mankind. Australia: Penguin Book.
- ↑ a b c d Toer, Pramoedya Ananta, 1925-2006. (2005). Bumi manusia. Jakarta: Lentera Dipantara. ISBN 979-97312-3-2. OCLC 277151769. https://www.worldcat.org/oclc/277151769.
- ↑ Tempomedia (2008-07-21). "Joesoef IsakJejak Langkah Pergulatan Pena". Tempo (dalam bahasa Inggris). Diarsipkan dari versi asli tanggal 2020-06-29. Diakses tanggal 2020-06-26.
- ↑ "Kegalauan Pramoedya Saat Akan Terbitkan 'Bumi Manusia'". hiburan (dalam bahasa Indonesia). Diakses tanggal 2020-06-26.
- ↑ "Bumi Manusia, Novel Sejarah Karya Pramoedya yang Dilarang Orde Baru". tirto.id (dalam bahasa Indonesia). Diakses tanggal 2020-06-25.
- ↑ Nurhayati, Nunuy (2018-05-26). "Bumi Manusia Difilmkan, Ini Pesan Keluarga Pramoedya Ananta Toer". Tempo (dalam bahasa Inggris). Diakses tanggal 2020-06-26.