Bukik lontiak

Bukik Lontiak

Bukik Lontiak adolah bukik nan tadapek di Nagari Sumpur Kudus, Kabupaten Sijunjuang. Bukik ko dulu tanamo angker, urang-urang di Bukik Lontiak tanamo dan ditakuti urang lua daerah. Adoh sabuah tradisi nan mawajibkan urang lua untuak masuak ka Bukik Lontiak, iyolah mananam kayu atau maninggakan barang lainnyo sabagai tando masuak ka daerah tu. Urang-urang disakitar tu picayo kalau adoh nan malangga pantangan tu akan tajadi sasuatu nan buruak bagi nan malangga.

Namun kini tradisi itu hanyo tingga carito, saolah-olah carito tu hanyo paubek lalok dan banilai hanyo untuak manakuik-nakuik an sajo. Tapi, picayo ndak picayo kajadian tu memang pernah tajadi. Bukik Lontiak adolah bagian dari Minangkabau nan kayo adaik jo budaya. Ado sabagian urang bapandapek tradisi tu harus ditinggakan, karano batantangan jo agamo, ado juo sabagian nan mangatoan tradisi tu harus dipatahankan, karano itu bagian dari kabiasaan dan itu ndak maubah aqidah

Dibaliak angkernyo carito Bukik Lontiak, Bukik ko punyo aia tajun nan rancak, dan aia tajun ko kini manjadi tampek wisata bagi banyak anak mudo-mudo lua daerah. Salain itu, bukik ko punyo sajarah kaagamoan pulo, iyolah kuburan Rajo Ibadat sabagai salah satu Rajo di Minangkabau dulunyo.