Bubur lambok

Bubur lambok adolah makanan nan paliang banyak disukoi dek urang Malayu di Pulau Penyengat. Makanan khas Riau ko alah dijadian sabagai makanan warisan budayo Indonesia pado tahun 2018. Bahan utamo bubua ko sagu nan bulek atau sagu nan lah ancua tu dikariangan. Bubua ko biasanyo dimakan wakatu pagi atau siang sabagai pangganti nasi dek bisa manganyangan paruik. Bubua ko makanan sahari-hari urang Riau, tapi sakali-sakali sajo. Sabagai makanan tambahan, bubua lambok ko indak di jua di pasa atau toko kue. Biasonyo masyarakaik satampek mambueknyo surang atau bapasan ka urang nan buek kue. Makanan tradisonal ko arek kaitannyo jo lingkungan sakitarnyo.

Pulau Penyengat lataknyo di sabalah barat kota Tanjungpinang nan jaraknyo kurang labiah 15 kilometer dari Palabuahan Sri Bayintan, Tanjungpinang. Pulau ko pada zaman dulunyo panah jadi pusek Karajaan Malayu Riau-Lingga. Pulau ko pado dulunyo hanyo sabidang pulau kosong nan disinggahi palauik nan indak sangajo basobok jo pulau iko.

Bahan

• Sagu
• Merica
• Bawang merah
• Bawang putiah
• Aia
• Ikan tamban
• Daun kunyik
• Minyak
• Saledri

Caro mambuek

Caro mambuek bubua lambok barikuik:

1. Sagu bulek dimasuakan ka dalam panci isi aia angek sudah tu diaduak aduak sampai rato
2. Sagu ditakan-takan dalam piriang sampai basatu
3. Cetak sagu model kotak kotak
4. Siapan bumbu nan paralu kayak merica,bawang merah,bawang putiah tu giliang haluih
5. Angek aia untuk maabuih ikan tamban nan lah barisiah dari tulangnyo sampai dagiang ikan tu hancua
6. Masuakan bumbu haluih tadi kadalam rabuihan ikan samo sagu tadi
7. Masak bubua lambok sabanta jo api ketek
8. Samantaro tu goreng bawang merah samo minyak saketek tu masuak ka dalam bubua lambok tadi
9. Bia harum masuakan daun kunyik samo seledri potong kasa se