Buah seri

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Batang Seri[suntiang | suntiang sumber]

Batang seri adolah tanaman nan tumbuh di daerah tropis, mode Indonesia ko. Tanaman ko barasa dari Filipina, tumbuhan ko mudah tumbuh ndak harus pakai pupuk. Kini ko batang seri ko banyak dipakai untuak panaduh jalan karano daunnyo rindang, batang seri ko ado buah nan biaso disabuik buah seri.

Buah seri ukurannyo ketek-ketek, katiko diambik dari batangnyo taraso lakek di tangan. Buah seri ko rasonyo manih, manganduang banyak aia, baunnyo khas tapi ndak padih di hiduang, inceknyo aluih bawarna merah atau kakuniangan. Buah seri nan masih mudo warnanyo ijau, nan alah masak warnanyo merah. Buah seri ko mudah didapekan, karano buah seri ko babuah taruih ndak bamusiman.

Kanduangan Buah Seri[suntiang | suntiang sumber]

Buah seri ko ndak terkenal bana di masyarakat do, karano ukurannyo ketek-ketek ndak menarik di mato. Padohal buah ko punyo banyak manfaat untuk kesehatan, buah seri ko bisa manunrunkan paneh, maambek perkembangan sel kanker dan bisa maubekan asam urek. Salain nan disabuik tadi buah seri ko mampunyoi kanduangan nutrisi nan langkok, ado sumber gizi dalam buah ko. Dalam satiok 100 gram barek buah seri takanduang nutrisi nan langkok yoitu aia (76,3 gram), protein (2,1 gram), lemak (2,3 gram), karbohidrat (17,9 gram), serat (6,0 gram), abu (1,4 gram), kalsium (125 miligram), fosfor (94 miligram), vitamin A (0,015 miligram), vitamin C (90 miligram), jo energi (380 kj/100 gram).

Manfaat Buah Seri[suntiang | suntiang sumber]

Antibiotik nan takanduang di dalam buah seri ko bisa maningkekan sistem imun  di dalam tubuh. Vitamin C paguno untuk daya tahan tubuh awak, buliah kuek. Sakik kapalo biasonyo karano peredaran darah nan indak lancar di kapalo, buah seri ko bisa malancaran peredaran darah. Dalam buah seri ko ado antioksidan yang bafungsi untuk malawan panuoan dini. Buah seri nan ketek-ketek ko kalau dimakan 9 sampai 10 buah sahari, bisa mangurangan nyeri asam urek, kalau di jus bisa mangurangan risiko cidera otot.

Umumnyo anak-anak suko makan buah seri ko, sambia mamanjek batangnyo. Mode buah-buahan lainnyo, buah seri ko bisa diolah manjadi manisan, raga-raga, selai roti, dodol, dan bisa pulo dijadian minuman. Jiko diolah mungkin buah seri ko akan lebih menarik bagi urang untuk mamakannyo.


Buah Seri