Lompat ke isi

Bima Sakti

Suntiang pautan
Wikipedia Minangkabau - Lubuak aka tapian ilimu
Galaksi Bima Sakti
Pusek Galaksi Bima Sakti ajak nan tacaliak dari Observatorium Paranal pado malam ari. Laser tasabuik ditembakkan untuak mangoreksi panampakan bando langik nan tardistorsi nan ditarimo teleskop.
Data pangamatan
JinihSb, Sbc, atau SB(rs)bc[1]
(Galaksi spiral babatang)
DiameterPiriangan bintang:
170–200 Kly[2][3]
Materi gelap halo:
≈1.9 ± 0.4 Mly (580 ± 120 kpc)[4]
Banyak bintang100-400 miliar
Massa(0,8–1,5)×1012 M☉[5][6][7][8]
Momentum suduik≈1×1067 J s[9]
Jarak matahari ke Inti galaksi25.6–27.1 kly (7.86–8.32 kpc)[10][11]
Periode rotasi galaksi Matoari240 Myr[12]
Pola Spiral pariode rotasi220–360 Myr[13]
pariode rotasi karapatan Bar100–120 Myr[13]
Laju relatif ka CMB rest frame552,2±5,5 km/s[14]
Laju lapeh pado posisi Matoari550 km/s[8]
Kapadekan materi galok pado posisi Matoari0,0088+0,0024
−0,0018 M☉pc−3 or 0,35+0,08
−0,07 GeV cm−3[8]
Caliak pulo: Galaksi, Daftar galaksi

Bima Sakti (bantuak nan salalu tapakai dek ahli astronomi[15][16]) atau Bimasakti (bantuak baku manuruik KBBI[17]) adolah galaksi spiral nan gadang, nan di dalamnyo ado tadapek Tata Surya, tampek planet Bumi bagarak mangalilingi matoari. Matoari hanyo ciek dari sakitar 200 miliar[18] hinggo 400 miliar bintang[19] nan mambantuak galaksi Bima Sakti. Galaksi iko tamasuak pado tipe Hubble SBbc dangan banyak massa sakitar ciek triliun () kali massa matoari saroto punyo diameter 100.000 taun cahayo dan katabalan 1.000 taun cahayo.[20]

Matoari awak indak barado di pusek Bima Sakti dek tu barado agak ka tepi, dangan jarak antaro matoari jo pusek galaksi sakitar 27.700 taun cahayo. Kamungkinan bosegh, di pusek galaksi basamayam lubang itam supermasif (bahasa Inggris: super massive black hole, SMBH). Titiak tampek lubang itam tu barado nan disabuik sabagai Sagittarius A* (dibaco: Sagittarius A-star), suatu objek nan mamancarkan galombang radio nan sangek kuek.

Galaksi Bima Sakti punyo banyak sakali sistem tata surya didalamnyo. Hinggo kini, alun ado caro pasti untuak mangatahui pastinyo jumlah tata surya di Bima Sakti. Dek tu, para ilmuwan mamparkiroan basonyo tadapek jutaan hinggk miliaran tata surya di dalam galaksi awak. Sabagai contoh, kini go para astronom dapek ribuan planet ekstrasurya atau planet nan mangalilingi bintang lain di Bima Sakti manggunoan metode transit* dan pangamatan garakan bintang. Tomuan iko manunjuakan basonyo kamungkinan adonyo jutaan planet nan tadapek pado Bima Sakti. Dek tu, basobok ukuran dan skala Bima Sakti nan sangek gadang, awak masih parolu malanjuikan panalitian dan eksplorasi antariksa untuak mamahami dangan labiah baiak tontang tata surya di galaksi awak.

Sadonyo objek nan barado di Bima Sakti mangorbit di sakaliliang pusek galaksi. Tata Surya parolu wakatu 225–250 juta taun untuak manyalosaian ciek putaran orbit mangalilingi pusek galaksi, nan bararti alah 20–25 kali mangitari pusek galaksi sojak saat tabantuaknyo. Laju orbit Tata Surya pado Bima Sakti iyolah 217 km/s.

Dari bumi, Bima Sakti nampak pado langik malam nan corah dan bebas polusi cahayo sabagai kabut putiah kalabu mamanjang mangitari busur langik jo bagian tangahnyo tadapek alur galok. Basobok jalua putaran busur langiknyo indak badokek-an jo garih ekuator langik pun ekliptika, Bima Sakti tacaliak dari babagai suduik bumi. Sabananyo, kabuik putiah tu marupoan kumpulan bintang-bintang nan sangek banyak dan labiah rapek daripado di bagian langik lain saroto debu dan gas angkaso nan taparangkap pado piriangan orbit.

Namo

[suntiang | suntiang sumber]

Namo dalam bahaso Indonesia mangadopsi istilah dalam pabintangan Jawa. Sabuikan "Bima Sakti" dalam astronomi urang Jawa diilhami dari gambaran tokoh pewayangan, yaitunyo Bima nan tangah dililik ula nago, sabagaimano dicaritoan dalam lako "Bima Suci". Gambaran pawayangan itu dikenal sabagai "Sang Bima Sakti". Susunan kabuik putiah nan malilntasi angkaso jo diselingi alur hitam di tangahnyo maagiah kesan pado urang Jawa sarupo Bima (kabuik putiah) nan tangah dililik nago (alua hitam).[21][22]

Namo Bima Sakti barasa dari bahaso Sanskerta, yaitu Bhīmaśakti (Dewanagari: भीमशक्ति)[23] kato Bhima bararti "manakjubkan", "manakuikan", "mangerian", dan dijadian namo salah satu tokoh kisah Hind Mahabharata nan bakakuatan lua biaso.[23] Sadangkan Sakti bararti "kamampuan", "kakuatan, jo "energi", dan marupokan konsep agamo Hindu tentang personifikasi feminimdari kekuatan Tuhan.[24][25]

Samantaro itu, masyarakaik Eropa manyabuiknyo "jalur Susu" (misanyo Ing.: Milky Way, Jer.: Milchstrasse, Pra.: voie lactee), nan marupokan tajamah langsuang dari bahaso latin Via Lactea, nan pado gilirannyo diambiak dari bahaso Yunani Γαλαξίας κύκλος ("Galaxias kyklos") nan bararti "lingkaran susu". Mereka maliheknyo sabagai kabuik bacahayo putiah sarupo susu nan mambantang pado bola langik. Dalam mitologi Yunani, itu adolah tumpahan susu nan mangalia di langik kutiko Dewi Hera (Juno dalam mitologi Romawi) manyusui Herakles (Herkules).

Panampakan dari bumi

[suntiang | suntiang sumber]

Bima Sakti taramati dari babagai suduik Bumi. Dari bumi, Bima Sakti tampak pado langik malam nan cerah dan bebas polusi cahayo sabagai kabuik putiah kalabu mamanjang mangitari busur langik jo bagian tangahnyo tadapek alua galok. Sabananyo, kabuk putiah ko marupokan kumpulan bintang-bintang nan sangaik banyak dan labiah rapek daripado di bagian langik lain sarato debu dan gas angkaso nan taparangkok dalam piriangan orbit. Busur Bima Sakti mambantuak suduik sakitar 60 drajat dari ekliptika (piriangan orbit bumi relatif kapado matahari).

Kabuik Bima Sakti mamanjang mangaliliangi busua langik malinteh 29 konstelasi bintang. Bagian nan tampak paliang tarang jo leba barado di arah Sagitarius dan Scorpio, dan memang di arah tasabuik taletak pusek Bima Sakti. Barikuik adolah konstelasi nan dilintasi dek Bima Sakti ka arah barat daya, dimulai dari arah pusek galaksi:

  • Sagittarius
  • Scorpius
  • Ara
  • Norma
  • Triangulum Australe
  • Circinus
  • Centaurus
  • Musca
  • Crux (paling selatan)
  • Carina
  • Vela
  • Puppis
  • Canis Major
  • Monoceros
  • Orion
  • Gemini
  • Taurus
  • Auriga (posisi anticenter)
  • Perseus
  • Andromeda
  • Cassiopeia (paling utara)
  • Cepheus
  • Lacerta
  • Cygnus
  • Vulpecula
  • Sagitta
  • Aquila
  • Ophiuchus
  • Scutum (lalu kembali ke Sagittarius)

Rujuakan

[suntiang | suntiang sumber]
  1. ↑ Frommert, Hartmut; Kronberg, Christine (26 Agustus, 2005). "Classification of the Milky Way Galaxy". SEDS. Diarsipkan dari versi asli tanggal May 31, 2015. Diakses tanggal May 30, 2015.
  2. ↑ Freeman, David (25 Mei 2018). "The Milky Way galaxy may be much bigger than we thought". NBCNews.com. Diakses tanggal 18 November 2020.
  3. ↑ Howell, Elizabeth (2 Juli 2018). "It Would Take 200,000 Years at Light Speed to Cross the Milky Way". Space.com. Diakses tanggal 18 November 2020.
  4. ↑ Croswell, Ken (23 Maret 2020). "Astronomers have found the edge of the Milky Way at last". ScienceNews. Diarsipkan dari versi asli tanggal 24 Maret 2020. Diakses tanggal 18 November 2020.
  5. ↑ McMillan, P. J. (July 2011). "Mass models of the Milky Way". Monthly Notices of the Royal Astronomical Society. 414 (3): 2446–2457. arXiv:1102.4340 alt=Dapat diakses gratis. Bibcode:2011MNRAS.414.2446M. doi:10.1111/j.1365-2966.2011.18564.x.
  6. ↑ McMillan, Paul J. (February 11, 2017). "The mass distribution and gravitational potential of the Milky Way". Monthly Notices of the Royal Astronomical Society. 465 (1): 76–94. arXiv:1608.00971 alt=Dapat diakses gratis. Bibcode:2017MNRAS.465...76M. doi:10.1093/mnras/stw2759.
  7. ↑ Kafle, P.R.; Sharma, S.; Lewis, G.F.; Bland-Hawthorn, J. (2012). "Kinematics of the Stellar Halo and the Mass Distribution of the Milky Way Using Blue Horizontal Branch Stars". The Astrophysical Journal. 761 (2): 17. arXiv:1210.7527 alt=Dapat diakses gratis. Bibcode:2012ApJ...761...98K. doi:10.1088/0004-637X/761/2/98.
  8. 1 2 3 Kafle, P.R.; Sharma, S.; Lewis, G.F.; Bland-Hawthorn, J. (2014). "On the Shoulders of Giants: Properties of the Stellar Halo and the Milky Way Mass Distribution". The Astrophysical Journal. 794 (1): 17. arXiv:1408.1787 alt=Dapat diakses gratis. Bibcode:2014ApJ...794...59K. doi:10.1088/0004-637X/794/1/59.
  9. ↑ Karachentsev, Igor. "Double Galaxies §7.1". ned.ipac.caltech.edu. Izdatel'stvo Nauka. Diarsipkan dari versi asli tanggal March 4, 2016. Diakses tanggal 5 April 2015.
  10. ↑ Boehle, A.; Ghez, A. M.; Schödel, R.; Meyer, L.; Yelda, S.; Albers, S.; Martinez, G. D.; Becklin, E. E.; Do, T.; Lu, J. R.; Matthews, K.; Morris, M. R.; Sitarski, B.; Witzel, G. (October 3, 2016). "An Improved Distance and Mass Estimate for SGR A* from a Multistar Orbit Analysis" (PDF). The Astrophysical Journal. 830 (1): 17. arXiv:1607.05726 alt=Dapat diakses gratis. Bibcode:2016ApJ...830...17B. doi:10.3847/0004-637X/830/1/17. Diarsipkan dari versi asli (PDF) tanggal December 2, 2017. Diakses tanggal July 31, 2018.
  11. ↑ Gillessen, Stefan; Plewa, Philipp; Eisenhauer, Frank; Sari, Re'em; Waisberg, Idel; Habibi, Maryam; Pfuhl, Oliver; George, Elizabeth; Dexter, Jason; von Fellenberg, Sebastiano; Ott, Thomas; Genzel, Reinhard (November 28, 2016). "An Update on Monitoring Stellar Orbits in the Galactic Center". The Astrophysical Journal. 837 (1): 30. arXiv:1611.09144 alt=Dapat diakses gratis. Bibcode:2017ApJ...837...30G. doi:10.3847/1538-4357/aa5c41.
  12. ↑ Sparke, Linda S.; Gallagher, John S. (2007). Galaxies in the Universe: An Introduction. pp. 90. ISBN 9781139462389.
  13. 1 2 Gerhard, O. (2010). "Pattern speeds in the Milky Way". arXiv:1003.2489v1 alt=Dapat diakses gratis.
  14. ↑ Kogut, Alan; et al. (December 10, 1993). "Dipole anisotropy in the COBE differential microwave radiometers first-year sky maps". The Astrophysical Journal. 419: 1…6. arXiv:astro-ph/9312056 alt=Dapat diakses gratis. Bibcode:1993ApJ...419....1K. doi:10.1086/173453.
  15. ↑ "Bima Sakti, Galaksi Rumah Kita". planetarium.jakarta.go.id. Diarsipkan dari versi asli tanggal 2017-10-18. Diakses tanggal 2021-02-12.
  16. ↑ Mumpuni, Emanuel Sungging (2010-09-01). "Lubang Hitam di Pusat Galaksi Bima Sakti". Berita Dirgantara (dalam bahasa Indonesia). 9 (3). Diarsipkan dari versi asli tanggal 2023-06-10. Diakses tanggal 2023-11-10.
  17. ↑ "Hasil Pencarian - KBBI Daring". kbbi.kemdikbud.go.id. Diarsipkan dari versi asli tanggal 2023-06-10. Diakses tanggal 2023-11-10.
  18. ↑ Sanders, Robert (January 9, 2006). "Milky Way Galaxy is warped and vibrating like a drum". UCBerkeley News. Diakses tanggal 2006-05-24.
  19. ↑ Frommert, H.; Kronberg, C. (August 25, 2005). "The Milky Way Galaxy". SEDS. Diarsipkan dari versi asli tanggal 2011-08-11. Diakses tanggal 2007-05-09.
  20. ↑ Christian, Eric; Samar, Safi-Harb. "How large is the Milky Way?". Diakses tanggal 2009-02-06.
  21. ↑ Sawitar, W. (26 Oktober 2016). "BIMA SAKTI, Mitologi dalam Budaya Jawa". planetarium.jakarta.go.id. Diarsipkan dari asli tanggal 2017-10-18. Diakses tanggal 31 Juli 2020.
  22. ↑ Putri, Gloria Setyvani (19 Oktober 2018). Putri, Gloria Setyvani (ed.). "9 Fakta Galaksi Bima Sakti, dari Kisah Wayang sampai Serangan Bintang". Kompas.com. Diakses tanggal 30 Juli 2020.
  23. 1 2 "Etimologi Bimasakti", Kamus Besar Bahasa Indonesia[pranala nonaktif permanen] (Edisi 5)
  24. ↑ "Definition of SHAKTI". www.merriam-webster.com (dalam bahasa Inggris). Diakses tanggal 2026-01-04.
  25. ↑ Jones, Constance; Ryan, James D. (2006). Encyclopedia of Hinduism (dalam bahasa Inggris). Infobase Publishing. ISBN 978-0-8160-7564-5.
Diambiak dari "https://min.wikipedia.org/w/index.php?title=Bima_Sakti&oldid=3342691"