Lompat ke isi

Billy Sunday

Wikipedia Minangkabau - Lubuak aka tapian ilimu
Billy Sunday
Billy Sunday (1921)
Lahia
William Ashley Sunday

19 November 1862
Story County, Iowa, U.S.
Maningga6 November 1935 (umua 72)
Chicago, Illinois, U.S.
Resting placeForest Home Cemetery, Forest Park, Illinois
KarojoPamain Bisbol
Penginjil
PasanganHelen Thompson Sunday
Anak4

William Ashley Sunday atau Billy Sunday adolah saurang atlet bisbol nan barasa dari Amerika Serikat. Billy Sunday tamasuak pulo tokoh agama nan maninggaan karir bisbolnyo untuak manjadi saurang penginjil. Baliau baguru ka Pendeta J. Wilbur Chapman. Lambek laun baliau mangambangan perspektif teologisnyo surang, mangambangan gaya khotbah jo kamampuan mangecek di muko umum. Dek karano itulah baliau manjadi penginjil di Amerika salamo duo dekade patamo abaik ka duo puluah.[1][2][3][4]

Billy Sunday alah manjadi anak yatim sajak baumua limo minggu. Sajak ketek baliau alah bakarajo nan baragam macamnyo, pado taun 1883 baliau resmi bagabuang jo klub bisbol Chicago White Stockings (White Sox) sarato manjadi pamain bisbol profesional di umuanyo nan ka duo puluah satu. Salamo tujuah tahun baliau bamain di liga utamo jo pensiun dari karir bisbolnyo pado bulan Maret 1891 untuak manjadi asisten sekretaris di YCMA (Young Men's Christian Association).[4][5][6][7][8]

Pado taun 1903 Billy Sunday ditetapan sabagai pendeta dek Majelis Presbiterium Chicago. Baliau bakhotbah di kamp angkatan darat salamo parang dunia patamo di sajumlah kota di Amerika. Sapanjang karirnyo manjadi penginjil, baliau alah bakhotbah sabanyak 20.000 khotbah jo jumlah pandanga khotbahnyo sakitar 100 juta urang.[3]

Maso Ketek

[suntiang | suntiang sumber]

Billy Sunday lahia di Ames, sabuah kota di Story County, Iowa Amerika Serikat pado tanggal 19 November 1862.[4][9][10][11] Ayahnyo, William Sunday (1828-1862), saurang prajurit parang sipil nan marupoan anak bungsu dari Johannes Sontag jo Jane Kennedy.[3][12] Billy Sunday punyo tigo sanak laki-laki; Barnett Barney Sunday, Jeremiah Sunday, jo John Sunday, sarato surang sanak paduusi nan banamo Mary Ann Sunday.[12] Ibu Billy Sunday banamo Mary Jane Corey (1841-1917) nan marupoan anak tunggal saurang pandai basi, petani, pambuek roda jo pamilik panggilingan “Squire” Martin Corey jo Mary Wood.[13][14]

Limo minggu sasudah Billy Sunday lahia, ayahnyo maningga nan mambuek baliau tingga basamo kakek jo nenek dari pihak ibunyo.[15] Dek kareno indak mampu sacaro finansial, Billy Suday jo sanak-sanaknyo diserahan ka panti asuhan untuk anak-anak tentara di Gleenwood Lowa kemudian ke panti asuhan di Davenport dalam periode tahun 1872-1876 pado umua sapuluah taun.[1][3][4][9][10][16][15][17]

Kahidupan di panti asuhan mambuek Billy Sunday matang sacaro fisik jo emosional. Di panti asuhan baliau baraja iduik taratur, mandapekan pendidikan dasa nan layak jo manyadari basonyo baliua punyo kamampuan atletik.[4][15] Baliau basakolah di Sekolah Menengah Nevada, namun indak salasai dek baliau mamiliah untuak bagabuang jo tim bisbol.[15][16]

Awal karirnyo di dunia bisbol profesional dimulai pado taun 1882, pado maso tu baliau mancetak limo angko di pertandingan kajuaraan negara bagian Iowa.[18] Di taun nan samo, baliau bamain di sayok kida daerah luar katiko tim bisbol Marshalltown mangalahan juara negara bagian, tim Des Moines 15-6.[15][16]

Karir Bisbol

[suntiang | suntiang sumber]
Billy Sunday
Outfielder
Lahia: 19 November 1862
Story County, Iowa
Maningga: 6 November 1935 (umua 72)
Chicago
Mamukua: Kida Malempa: Suok
Panampilan partamo di MLB
May 22, 1883, untuak Chicago White Stockings
Panampilan MLB nan taakhia
October 4, 1890, untuak Philadelphia Phillies
Statistik MLB
Rato-rato pukulan.248
Home runs12
Runs batted in170
Stolen bases246
Tim
Pangaragoan
  • National League Pennant: 1885, 1886

Billy Sunday mamulai karir profesional bisbolnyo katiko baumua 21 taun nan katiko itu manakan kontraknyo jo Chicago White Stockings (White Sox).[17] Debut patamo Billy Sunday tajadi pado tanggal 22 Mei 1883, baliau mandapek posisi paliang bawah katiko tu.[11] Sasudah pertandingan patamonyo, baliau labiah acok di bangku cadangan.[11] Namun baliau punyo kamampuan balari dapek mancapai 95 base dalam 1 musim.[5][8] Salamo musim patamonyo di White Sox, rato-rato pukulan baliau mancapai 241. Baliau punyo kecepatan balari mangaliliangan base dalam wakatu 14 detik.[4]

Pado taun 1887, Billy Sunday manjadi pamain utamo di lapangan suok. Namun dek cideran nan dialaminyo, baliau hanyo dapek bamain di 50 patandiangan. Pado taun nan samo baliau manjadi palatih di tim bisbol Universitas Northwestern.[10] Pado taun 1888 Billy Sunday pindah ka tim Pittsburgh Alleghenys. Baliau dipacayo sabagai kapten tim Pittsburgh Allegheny pado taun 1890. Namun timnyo mangalami masalah finansial sahinggo baliau pindah ka tim Philadelphia Phillies, baliau bamain di 31 pamainan.[15]

Sasudah mancetak rekor 90 base dalam 116 patandiangan, Billy Sunday kalua dari tim Philadelphia Phillies pado taun 1891. Salanjuiknyo baliau karajo di YMCA (Young Men's Christian Association) nan bagaji $83/bulan.[10][15] Karir bisbol professional Billy Sunday barakhia pado taun 1881. Baliau pernah lo manjadi paringkek 17 di nasional.[15]

Panikahan jo Kaluargo

[suntiang | suntiang sumber]

Billy Sunday patamo kali basuo jo Helen Amelia “Nell” Thompson (25 Juni 1868-20 February 1957)[19] pado taun 1886 katiko Nell baumua 18 taun, indak lamo sasudah Billy Sunday memeluk agama Kristen Protestan. Katiko itu kaduonyo alah punyo pasangan, barulah katiko putuih dari pasangannyo, kaduonyo manjalin hubungan.[4][15]

Walaupun babeda latar belakang sacaro ekonomi, Billy Sunday maminang Nell pado tanggal 31 Desember 1887, baliau manikah pado tanggal 5 September 1888 di Chicago.[5][8][15] Nell Sunday lahia di Illinois dari kaluargo barado. Ayahnyo, William Thompson adolah pamilik pabrik pambuek jo distributor es krim patamo di Chicago. Kaluargo Thompson adolah anggota Gereja Presbiterian Jefferson Park.[4]

Dari panikahan Billy Sunday jo Nell Sunday, baliau punyo ampek urang anak.[8][15][20] Helen Edith Sunday (29 Januari 1890-12 Oktober 1932), George Marquis Sunday (12 November 1892-11 September 1933), William Ashley Sunday, Jr. (15 Juni 1901-2 April 1938) jo Paul Thompson Sunday ( 15 Juni 1907-24 Februari 1944).[8]

Tahun 1920, Nell Sunday mangalami kecelakaan lalu lintas.[7][10][20] Pado taun 1932, anak padusinyo, Helen Edith, maningga dek pneumonia.[20][21] Tahun 1933, George Marquis maningga dek bunuah diri dmalompek dari jendela hotel di San Fransisco.[7][10][20][22] Paul Thompson maningga dalam kecelakaan pesawat patrol Angkatan laut nan maantak sisi gunuang di dekat Palmdale, California pado taun 1944.[23] William Ashley, Jr. mambuek skandal kawin carai inggo ampek kali.[24]

Rujuakan

[suntiang | suntiang sumber]
  1. ↑ a b "Billy Sunday Bio, Age, Quotes, Sermons, Death, Baseball, And Timeline". InformationCradle (dalam bahasa Inggris). 2019-06-09. Diakses tanggal 2020-12-01. 
  2. ↑ "Billy Sunday Biographies - Christian Biography - Wholesome Words". www.wholesomewords.org. Diakses tanggal 2020-12-01. 
  3. ↑ a b c d "Who was Billy Sunday?". GotQuestions.org (dalam bahasa Inggris). Diakses tanggal 2020-12-01. 
  4. ↑ a b c d e f g h "Billy Sunday - New World Encyclopedia". www.newworldencyclopedia.org (dalam bahasa Inggris). Diakses tanggal 2020-12-01. 
  5. ↑ a b c "Billy Sunday". u-s-history.com. Diakses tanggal 2020-12-01. 
  6. ↑ "Faith Hall of Fame - William Ashley Sunday". www.eaec.org. Diakses tanggal 2020-12-01. 
  7. ↑ a b c "BILLY SUNDAY". www.jesus-is-savior.com. Diakses tanggal 2020-12-01. 
  8. ↑ a b c d e "Billy Sunday". geni_family_tree (dalam bahasa Inggris). Diakses tanggal 2020-12-01. 
  9. ↑ a b "Billy Sunday: Athlete and Evangelist - Topics in Chronicling America (Newspaper and Current Periodical Reading Room, Library of Congress)". www.loc.gov. Diakses tanggal 2020-12-01. 
  10. ↑ a b c d e f "Billy Sunday On-line". www.billysunday.org. Diarsipkan dari versi asli tanggal 2021-05-10. Diakses tanggal 2020-12-01. 
  11. ↑ a b c "Of Bibles and Baseball, The Billy Sunday Story Part I". Professional Sports Authenticator (PSA) (dalam bahasa Inggris). Diarsipkan dari versi asli tanggal 2020-06-02. Diakses tanggal 2020-12-01. 
  12. ↑ a b "William Sunday". geni_family_tree. Diakses tanggal 2020-12-01. 
  13. ↑ "Mary Jane Cory". geni_family_tree. Diakses tanggal 2020-12-01. 
  14. ↑ "Squire Cory (Corey) (meninggal) - Genealogy". geni_family_tree. Diakses tanggal 2020-12-01. 
  15. ↑ a b c d e f g h i j k "Who was Billy Sunday? Everything You Need to Know". www.thefamouspeople.com (dalam bahasa Inggris). Diakses tanggal 2020-12-01. 
  16. ↑ a b c ""Squire" Martin Corey". geni_family_tree (dalam bahasa Inggris). Diakses tanggal 2020-12-01. 
  17. ↑ a b Federer, Bill (2018-02-17). "What a life: From baseball star to evangelist". WND (dalam bahasa Inggris). Diakses tanggal 2020-12-01. 
  18. ↑ "Despite a Modest Baseball Career, Billy Sunday Cards Remain Popular". Pre-War Cards (dalam bahasa Inggris). 2019-04-05. Diakses tanggal 2020-12-01. 
  19. ↑ "Helen Thompson Sunday". geni_family_tree (dalam bahasa Inggris). Diakses tanggal 2020-12-03. 
  20. ↑ a b c d "Helen Amelia Sunday Woos and Survives Billy Sunday" (dalam bahasa Inggris). Diakses tanggal 2020-12-03. 
  21. ↑ "Helen Edith Haines". geni_family_tree (dalam bahasa Inggris). Diakses tanggal 2020-12-03. 
  22. ↑ "George Marquis Sunday, Sr". geni_family_tree (dalam bahasa Inggris). Diakses tanggal 2020-12-03. 
  23. ↑ "Paul Thompson Sunday". geni_family_tree (dalam bahasa Inggris). Diakses tanggal 2020-12-03. 
  24. ↑ "Billy Sunday Jr". geni_family_tree (dalam bahasa Inggris). Diakses tanggal 2020-12-03. 
Diambiak dari "https://min.wikipedia.org/w/index.php?title=Billy_Sunday&oldid=2463456"