Lompat ke isi

Benazir Bhutto

Suntiang pautan
Wikipedia Minangkabau - Lubuak aka tapian ilimu

 Templat:Infobox PM

Benazir Bhutto ([./Https://id.wikipedia.org/wiki/Bahasa_Urdu bahaso Urdu]: بینظیر بھٹو) (lahia di Karachi, 21 Juni 1953 – maningga di Rawalpindi, Pakistan, 27 Desember 2007 pado umua 54 taun) adolah padusi partamo nan mamimpin sabuah nagara Muslim pado maso pasca-kolonial. Bhutto nankarismatis tapiliah sabagai Pardano Mantari Pakistan pado 1988, tatapi 20 bulan kamudian inyo diguliangan dekpresiden nagara itu nan didukuang militer, Ghulam Ishaq Khan, nan sacaro kontroversial manggunoan Amendemen ke-8 untuak mambubarkan parlemen jo mamaso disalanggaraannyo pamilihian umum. Bhutto tapiliah baliak pado 1993 namun tigo tahun kamudian dibarantian di tangah-tangah babagai skandal korupsi dek presiden bakuaso bakuaso wakatu itu, Farooq Leghari, nan jugo menggunaan kakuasaan patimbangan khusus nan diagiah dek Amendemen ka-8

Maso mudo

[suntiang | suntiang sumber]

Benazir Bhutto adolah anak suluang dari Pardano Mantari Pakistan nan digusur, Zulfikar Ali Bhutto (nan digantuang dek pamarintah militer Pakistan dalam kaadaan lua biaso) jo Begum Nusrat Bhutto, saurang Kurdi Iran . Kakeknyo dari pihak apaknyo adolah Sir Shah Nawaz Bhutto, saurang Sindhi sarato tokoh pantiang dalam garakan kamardekaan Pakistan .

Bhutto baraja di TK Lady Jennings jo kudian di Convent of Jesus and Mary di Karachi. Sasudah duo taun baraja di Rawalpindi Presentation Convent, inyo dikirim ka Jesus and Mary Convent di Murree . Inyo luluih ujian O-level (dalam sistem pandidikan Inggirih, satara jo SMA kelas 1). Pado bulan April 1969, inyo ditarimo masuak Radcliffe College di Universitas Harvard . Pado bulan Juni 1973, Benazir luluih dari Harvard jo gala ilimu politik . Inyo juo tapiliah sabagai anggota Phi Beta Kappa . Inyo kamudian masuak ka Universitas Oxford pado musim gugur 1973 jo luluih jo gala sarjana Filsafat, Politik jo Ekonomi . Inyo tapiliah manjadi Presiden Oxford Union nan bergengsi .

Panahanan, pamiliahan, jo pangasingan

[suntiang | suntiang sumber]

Sasudah salasai pandidikannyo di universitasnyo, inyo babaliak ka Pakistan, tapi dek ayahnyo dipanjarokan jo kudian dieksekusi, inyo ditahan di rumah. Sasudah dibuliahan baliak ka Inggirih pado taun 1984, inyo manjadi pamimpin Partai Rakyaik Pakistan (PPP), partai ayahnyo, dalam pangasingan, namun inyo indak dapek mambuek kakuasoan politiknyo taraso di Pakistan sampai maningganyo Jenderal Muhammad . Zial Haq .

Pado 16 November 1988, pado pamiliahan umum tabukak patamo dalam labiah dari sapuluah taun, partai Benazir, PPP, marabuik jumlah kursi paliang banyak di Majelis Nasional . Bhutto disumpah sabagai Pardano Mantari pamarintahan koalisi pado 2 Desember, jo pado umua 35 manjadi urang paliang mudo jo manjadi padusi patamo nan mamimpin nagara jo panduduak mayoritas Muslim pado zaman modern.

Sasudah dipecat dek presiden Pakistan wakatu itu karano tuduahan korupsi, partainyo kalah pado pamiliahan umum nan diadoan pado bulan Oktober. Inyo manjadi pamimpin oposisi samantaro Nawaz Sharif manjadi pardano mantari salamo tigo taun barikuiknyo. Katiko pamiliahan umum Oktober 1993 diadoan, pamiliahan iko dimenangkan dek koalisi PPP, nan mambaliakan Bhutto ka jabatannyo sampai 1996, katiko pamarintahannyo sakali lai dibubarkan jo tuduahan korupsi.

Tuduhan korupsi

[suntiang | suntiang sumber]

Bhutto dituduh korupsi tapi kudian namonyo dibarasiahan. Inyo juo dituduh mancuci pitih nagara di bank-bank Swiss, dalam kasus nan tatap ado di pangadilan Swiss. Lakinyo, Asif Ali Zardari, mandakam lapan taun di panjaro, walaupun inyo indak parnah tabukti basalah. Inyo dimasuakkan ka dalam tahanan tapisah jo mangaku disikso. Kalompok-kalompok HAM juo mangaku baso hak-hak Zardari alah dilanggar. Mantan pardano mantari Nawaz Sharif baru-baru ko minta maaf ateh talibaiknyo dalam panahanan Zardari nan bakapanjangan jo kasus-kasus nan diajukan taradok Bhutto. Zardari dirilis pado bulan Nopember 2004. Kabanyo mareka mancilok pitih ratusan juta jo caro manuntuik 'komisi' untuak kontrak pamarentah dan hal-hal lainnyo. Salamo labiah dari 10 tahun, laki bini ko alah maadoki sakitar 90 kasus basamo-samo, tapi indak ciek juo nan tabukti. Lapan kasus masih tagantuang, tapi Bhutto mampatahankan baso kasadonyo bamotivasi politik jo baso inyo siap untuak maadoki kasadonyo. Pado taun 2005, Asif Zardari mangatoan dalam sabuah wawancara di Televisi Pakistan baso militer alah manawarkan untuak malapehannyo jo manjatuahkan sadoalah tuduahan taradoknyo jikok inyo satuju untuak maninggaan politik jo nagara. Tapi Zardari indak namuah.

Baru-baru ko sabuah laporan Jaksa Agung Pakistan (OJP) dirilis baso Benazir Bhutto digusur dari kakuasoan pado taun 1990 akibaik witch hunt nan disanksikan dek presiden maso itu Ghulam Ishaq Khan. Laporan OJP mangatoan baso Khan, nan disingkat sabagai GIK, alah manyatujui pambayaran sabanyak Rp.28 juta kapado 'tantara panasehat hukum' untuak mangajukan 19 tuduahan korupsi taradok Benazir Bhutto jo suaminyo Asif Ali Zardari pado taun 1990-92, harian Inggirih The News dilaporkan pado 25 Juli 2006. Laporan OJP, nan manantang legalitas tindakan Khan, manjadian Benazir korban dandam politik [1]Archived 2021-02-14 di Wayback Machine.

Kabijakan Afganistan

[suntiang | suntiang sumber]

Pado maso pamarintahan Bhuttolah Taliban mandapek tampek tanamo di Afghanistan dek dukuangannyo. Bhutto jo Taliban sacaro tabuka saliang malawan dalam masalah sosial. Manuruik aturan Taliban, sabagai padusi, Bhutto indak bahak untuak mamacik jabatan nan bakuaso sarupo itu. Tapi tantara Pakistan batahan jo Bhutto satuju untuak maagiah dukuangan. Inyo juo mancaliak Taliban sabagai kalompok nan dapek manstabilkan Afghanistan lalu manyadiokan akses ekonomi ka republik-republik Asia Tangah. Pamarintahnyo maagiah dukuangan militer jo finansial untuak Taliban, bahkan mangirim pasukan Pakistan ka Afghanistan. Taliban marabuik kakuasoan di Kabul pado bulan September 1996 .

Kabijakan untuak padusi

[suntiang | suntiang sumber]

Dalam kampanye pamiliahannyo, pamarintah Bhutto maangkek kakhawatiran tantang masalah sosial padusi, masalah kasehatan jo diskriminasi taradok padusi. Bhutto juo mangumumkan rencana untuak mambuek kantua polisi padusi, pangadilan, jo bank pambangunan khusus untuak padusi.

Walaupun ado janji-janji iko, Bhutto indak mangusulkan undang-undang apopun untuak maningkekan kasajahteraan padusi. Dalam kampanyenyo, Bhutto bajanji untuak mancabuik undang-undang kontroversial (sarupo undang-undang Hudood jo zina ) nan mangurangi hak-hak padusi di Pakistan. Namun, salamo duo maso jabatannyo, partainyo indak mamanuahi janjinyo, dek takanan kareh dari oposisi.

Tapi partainyo mamulai undang-undang di bawah rezim Jenderal Musharraf untuak manghapuih undang-undang zina. Usaho-usaho ko dikalahkan dek partai-partai agamo nan bapihak kanan nan manguasoi DPR wakatu itu.

Pado taun 2002 Presiden Pakistan Pervez Musharraf mampakenalkan amandemen konstitusi Pakistan nan malarang pardano mantari manjabat labiah dari duo periode. Hal iko mandiskualifikasi Bhutto dari kamungkinan mandapek jabatan tu baliak. Langkah iko, nan diambiak dek urang-urang dalam posisi nan rapuh sarupo itu, dipandang dek banyak urang sabagai sarangan langsuang kapado mantan pardano mantari Benazir Bhutto jo Nawaz Sharif sarato mangamukokanraso indak aman pihaak militer tantang kakuasoan politiknyo surang.

Sajak taun 1999, Bhutto tingga di pangasiangan di Dubai, Uni Emirat Arab, di mano inyo manjago anak-anaknyo jo ibunyo, nan mendarito panyakik Alzheimer, jo dari sinan inyo bakuliliang dunia maagiah kuliah jo manjago hubuangannyo jo pandukuang Pakistan . Partai Rakyat.

Benazir jo tigo anaknyo (Bilawal, Bakhtawar jo Asifa) basatu baliak jo laki jo ayahnyo pado bulan Desember 2004 sasudah labiah dari limo taun. Bhutto alah bajanji untuak babaliak ka Pakistan jo mancalonkan diri baliak sabagai Pardano Mantari pado pamiliahan umum nan dijadwalkan pado Januari 2008. Pado 18 Oktober 2007 inyo babaliak ka Pakistan untuak manyiapkan pamiliahan. Dalam pajalanan ka rapek, duo bom malatuih dakek rombongan nan mambaoknyo. Bhutto salamaik, tapi sakurang-kurangnyo 126 urang tabunuah.

Pambunuahan

[suntiang | suntiang sumber]

Benazir tabunuah pado 27 Desember 2007 jo ditembak di langan dek surang pambunuah nan kudian juo malatuih bom bunuah diri . Pambunuahan iko tajadi katiko inyo baru kalua dari Liquat National Bagh di Rawalpindi untuak kampanye pamiliahan umum pado awal 2008.

Inyo dilarikan ka rumah sakik jo dinyatoan maningga pado hari nan samo.

Caliak juo

[suntiang | suntiang sumber]

Mangutip

[suntiang | suntiang sumber]
  • "Katiko ambo partamo kali tapiliah, keceknyo, 'Padusi lah manggantian laki-laki! Inyo harus dibunuah, inyo lah manyebarkan bid'ah!'"
  • "Ambo picayo jo diri ambo surang. Ambo salalu maraso ambo bisa jadi Pardano Menteri, kalau sajo ambo nio."

Tautan lua

[suntiang | suntiang sumber]
Didaului jo:
Muhammad Khan Junejo 		Perdana Menteri Pakistan
2 Desember 1988 - 6 Agustus 1990 		Digantian dek:
Ghulam Mustafa Jatoi
(Pejabat Sementara)
Didaului jo:
Moin Qureshi
(Pejabat Sementara) 		Perdana Menteri Pakistan
18 Juli 1993 - 5 November 1996 		Digantian dek:
Miraj Khalid
(Pejabat Sementara)
Didaului jo:
Nusrat Bhutto 		Ketua Partai Rakyat Pakistan
1983 - 30 Desember 2007 		Digantian dek:
Bilawal Bhutto Zardari
bersama Asif Ali Zardari
Diambiak dari "https://min.wikipedia.org/w/index.php?title=Benazir_Bhutto&oldid=3158772"