Bay tat
 Bay Tat | |
| Asa | |
|---|---|
| Namo lain | Kue tat, anak tat, tat mini |
| Nagara | Indonesia |
| Daerah | Bengkulu |
| Detail | |
| Jinih idangan | Kue/roti |
| Panyajian | Suhu ruangan |
| Bahan utamo | Tapuang terigu, santan, gulo, talua, naneh |
Bay tat adolah salah satu jinih kue tradisional (juadah)[1] khas Bengkulu.[2][3] Dalam bahaso Rejang, kato bay aratinyo induak, sadangkan tat aratinyo kue tar.[4] Daulu, kue bay tat adolah makanan urang bangsawan, namun kini alah jadi edangan umum untuak ari rayo, baralek, atau buah tangan.[1][3][4] Kue iko bantuaknyo sarupo roti padek nan agak taba, nan dimasak jo caro dipanggang.[2]
Bahan-bahan nan dipakai untuak mambuek adonan bay tat adolah terigu, mentega, talua, gulo, jo santan.[2][3] Bagian ateh kue biasonyo diagiah jo salai naneh atau karambia.[1][4] Ado duo bantuak ukuran kue tat nan dijua urang; nan gadang sagadang loyang disabuik jo namo bay tat, sadangkan nan bantuaknyo ketek saganggaman tangan disabuik jo namo anak tat.[3]
Caro mambueknyo, kocok gulo pasia jo talua inggo mangambang, kudian tambahkan mentega, santan, soda kue jo tapuang terigu, lalu aduak baliak inggo marato.[1][2] Diamkan babarapo saaik inggo bahan-bahan kasadonyo manyatu jo mangambang saketek, kudian latakkan di cetakan.[1][2] Agiah bagian ateh jo salai naneh, dapek juo dioles jo kuniang talua, satalah itu adonan dipanggang labiah kurang 30 minik.[1][2]
Rujuakan[suntiang | suntiang sumber]
- ↑ a b c d e f Aditomo, Krisna (2020-05-10). "Cara Mudah Membuat Kue Tat Khas Bengkulu". KOMPAS.tv (dalam bahasa Indonesia). Diakses tanggal 2022-02-27.
- ↑ a b c d e f Putra, Yudha Manggala P (2018-05-26). "Bay Tat, Kue Gurih Manis dan Lembut Khas Bengkulu". Republika Online (dalam bahasa Indonesia). Diakses tanggal 2022-02-27.
- ↑ a b c d Marbun, Firdaus (2019-04-30). "Kue Tart, Kuliner Khas Masyarakat Bengkulu". Balai Pelestarian Nilai Budaya Sumatera Barat (dalam bahasa Indonesia). Diakses tanggal 2022-02-27.
- ↑ a b c Lubis, Ananda Fakhreza (2019-10-11). "Bay Tat, Kue Legit Khas Bengkulu". indozone.id (dalam bahasa Indonesia). Diakses tanggal 2022-02-27.