Batu Angkek-Angkek

Wikipedia Minangkabau - Lubuak aka tapian ilimu

Sejarah[suntiang | suntiang sumber]

Batu Angkek-Angkek di Batusangka

Batu Angkek-Angkek talatak di Tanah Data, Batusangka. Baa disabuik Batu Angkek-Angkek, karano satiok urang nan basobok samo batu ko pasti panasaran nio maangkeknyo. Batu Angkek-Angkek tu mirip bantuak logam nan bawarna kuniang ado stek kacoklatan, tu ado bintiak-bintiak nan bawarna itam. Batu ko ampiang samo bantuaknyo samo pungguang kura-kura. Batu Angkek-Angkek patamo kali disobokan dek Datuak Bandaro Kayo katiko nio mamasang tonggak rumah. Caritonyo dulu, Datauk Bandaro Kayo ko adolah kapalo suku kaum Piliang. Datuak Bandaro Kayo bamimpi disobokan dek Syech Ahmad. Dalam mimpi tu, Syech Ahmad bapasan samo Datuak Bandaro Kayo untuak mandirian ciek kampuang nan banamo kampuang Palangan. Katiko pamancangan tonggak nan patamo tajadi kajadian nan indak disangko. Tibo-tibo gampo lokal tajadi mangguncang daerah tu, dan disambuang samo hujan labek salamo 14 hari 14 malam. Katiko kejadian tu lah siap tajadi, urang satampek bakumpua untuak mancari jalan kalua takaik mimpi tadi.

katiko masyarakat satampek bakumpua untuak mambahas kajadian samalam, tadangalah suaro nan indak biaso dari dalam lubang bakeh pamancangan tonggak patang. Dari dalam tu tadanga suaro nan maagiah tau tentang Batu Angkek-Angkek ko, dan dari dalam tu tadanga pulo suaro kalau Batu Angkek-Angkek tu diagiah namo Batu Pandapatan. Batu Pandapatan bararti batu yang didapek. Nan kini Batu Pandapatan tu dikana dek urang samo Batu Angkek-Angkek.


Kaunikan Batu Angkek-Angkek[suntiang | suntiang sumber]

Batu Angkek-Angkek ko sabana mambuek awak nan alum pernah basobok samo batu ko manjadi binguang, karano sampai kini ndak ado urang nan tau bara pastinyo barek Batu Angkek-Angkek ko, karano satiok urang babeda-beda pandapek. ado nan mangecek kalau batu ko ringan dan ado lo urang nan mangecek kalau batu ko barek. Indak sambarang urang lo nan bisa maangkek batu ko do, bahkan urang nan baotot gadang indak bisa untuk maangkek batu misterius ko do. Ado kaunikan yang diagiah dek Batu Angkek-Angkek ko, adolah bagi urang nan bisa mamindahan batu ko ka pangkuannyo caritonyo dulu sado nan dinioan dek urang ko pasti kan dikabuan. Batu ko acok dianggok dek urang samo batu nan bisa mambaco maso kamungko.

Caro Sabalun Maangkek Batu Angkek-Angkek[suntiang | suntiang sumber]

sabalum maangkek batu ko ka pangkuan awak, ado caro-caro nan harus awak ikuikan. caro-caro tu adolah awak diminta untuak bauduak talabiah dahulu, mandoa, tu awak dimintak untuak mambaco duo kalimaik syahadat. kalau caro tu alum juo bisa untuak maangkek batu ko, bekko awak akan disuruah untuak mambaco ciek atau duo ayat pendek. Tapi sado baliak ka baruntungan awak masiang-masiang lai, karno tadi alah disabuik ndak sado urang lancar untuak maangkek Batu Pandapatan atau Batu Angkek-Angkek ko do.

Referensi[suntiang | suntiang sumber]

https://www.merdeka.com/peristiwa/5-mitos-batu-angkek-angkek-di-batusangkar-sumbar.html

https://jogja.tribunnews.com/2019/05/24/kisah-asal-usul-batu-peramal-angkek-angkek-tak-semua-orang-mampu-mengangkatny[pranala nonaktif permanen]