Basril Basyar

Wikipedia Minangkabau - Lubuak aka tapian ilimu
Infobox orangBasril Basyar
Biografi
Lahia7 April 1959 Edit nilai pada Wikidata (64 tahun (id) terjemahkan)
Koto Padang Edit nilai pada Wikidata
Kalompok etnisUrang Minangkabau Edit nilai pada Wikidata
AlmamaterUniversitas Andalas Edit nilai pada Wikidata
Kagiatan
KarajoWartawan Edit nilai pada Wikidata

Basril Basyar atau nan biaso juo dipanggia Bebe (lahia di Lubuak Kilangan, Padang, 1 April 1957, umua 63 taun) labiah terkenal sabagai wartawan tapi bakarajo juo sabagai dosen di Fakultas Peternakan, Universitas Andalas. Maso pendidikan dasar hinggo perguruan tinggi dijalaninyo di tanah kelahirannyo. Awal karir baliau sabagai wartawan dimulai dari maso perguruan tinggi. Sangkek tu, basamo-samo rakan nan lai Sastri Yunizarti Bakry (kini bakarajo jadi birokrat jo wartawan), Gimono Ias, Edi Siswoyo jo babarapo rakannyo liau manerbitan baliak koran kampus Genta Andalas nan alah lamo indak terbit karano panguruihnyo abih ka wisuda sadonyo. Salamo hampia duo tahun liau dipacayo sabagai pamimpin redaksi Genta Andalas.[1]

Awal Karir Wartawan[suntiang | suntiang sumber]

Sambia kuliah, Bebe marintis karir juo sabagai wartawan di lua kampus yaitu wartawan di Singgalang. Liputannyo linteh tema, mulai dari kantua polisi sampai ka kantua pemerintahan, mulai dari pertanian sampai ka politik sampai ka olahraga. Ndak jarang pulo liau ditugehan maliput di pengadilan. Liau tamasuak wartawan nan panamuah, indak bapantang pai kama sajo, kama disuruah kasinan pai. Karano pado saat itu,di tahun 80-an Bebe alah punyo kendaraan roda ampek, Toyota Kijang Pickup jadi mudah kok ka pai kama sajo. Dek kamampuan jo daya jelajahnyo Bebe dapek promosi manjadi redaktur. Liau manjadi panangguang jawab rubrik daerah sahinggo babarapo wartawan daerah banyak nan manggelari liau jo gelar 'Pak Lurah' karano banyak manangani barito dari kelurahan nan dikirim wartawan.

Salain punyo hubungan elok jo wartawan daerah, Bebe jugo punyo hubungan elok jo wartawan nasional. Salah satunyo Yanuar Abdullah nan pado saat itu manjadi Katua PWI Sumbar. Yanuar adolah wartawan Harian Merdeka, anak didiak dari BM Diah nan dilanjuikan jo Ny. Herawati Diah. Pado suato hari, Bebe ditawari jo Yanuar untuak manjadi koresponden Merdeka.

Koresponden Merdeka[suntiang | suntiang sumber]

Rujukan[suntiang | suntiang sumber]

  1. 121 Wartawan Hebat dari Ranah Minang & Jubir Rumah Bagonjong. Padang: Biro Humas Setda Sumatera Barat. 6 Maret 2018. pp. 96-.