Caliak sumber untuak Basi

{| role="presentation" class="wikitable mw-collapsible"
| <strong>Data unsua basi</strong>
|-
|{{Kotak info Basi}}{{br}}
[[Berkas:Commons-logo.svg|al=|class=noviewer|16x16px]] [[c:Special:Search/Iron|Media: Basi]]
|}
Basi adolah [[unsua kimia]] [[simbol (kimia)|basimbol]] '''Fe''' jo [[nomor atom|banomor atom]] 26. Basi banyak dipakai pado kasaharian, mulai dari mineral dalam badan, alaik-alaik di rumah, industri, transportasi sampai ka parakoan bangunan. Isotop basi nan paliang banyak jo stabil adolah Basi-56, salain itu ado pulo isotop-isotop stabil lainnyo bantuak Basi-54, Basi-57, jo Basi-58.

==Basi dalam Kasaharian==

===Alaik makan jo masak===
[[File:Soup Spoon.jpg|jmpl|Sanduak bouillon]]
[[File:Old Swiss table knives.JPG|right|thumb|Pisau]]
Sanduak, garapu, pisau, jo alaik-alaik dapua lainnyo banyak dibuek jo bahan dasa [[baja antikarek]]. Pambuatan alaik-alaik dapua dari basi ko bamulo dari zaman basi sakita 2300 tahun nan lalu.

===Pandai Basi===
{{Main|Pandai basi}}
[[Berkas:Pandai besi.jpg|jmpl|Karajinan Pandai Basi di Sungai Pua, Agam]]
Proses pambuatan karajinan pandai basi dilakukan masarakaik sacaro tradisional, nan partamo mamiliah bahan baku basi dan manantuan alaik nan ka dibuek. Salanjuiknyo mamanggang batu baro ditungku pambakaran, sasudah batu baro dipanggang, salanjuiknyo mahapa basi. Mahapa ko adolah proses mambantuak basi manjadi barang nan dikandaki jo caro manggunoan basi tapo atau martil. Manapo atau mahapa dikarajoan pado saat basi sadang angek-angeknyo bawarna merah tarang, sasudah tu manapo dikarajoan dek pangrajin manyapuah basi. Manyapuah adolah proses pamadekan atau pambarian efek kareh pado material basi, sahinggo pado saat panggunoanyo basi dapek tahan lamo dan indak mudah patah, manyapuah dikarajoan jo caro mamanggang ulang basi yang alah ditapo, salanjuiknyo basi nan alah angek tadi, dimasuakan ka dalam aia dingin / oli, pandinginan ikolah nan mambuek basi labiah kareh. Langkah proses salanjuiknyo manggarinda, manggarinda batujuan untuak mampahaluih bahagian-bahagian nan kasa pado basi nan alah dibantuak tadi, atau marapian bahagian nan kurang barasiah pado basi. Tahap panyalasaian iyolah maasah, maasah adolah proses panajaman.

===Sanjato===
[[File:Kerambit knife and sheath.JPG|jmpl|Kurambiak basi]]
Kurambik adolah salah satu [[sanjato]] nan babahan dasa basi. Biasonyo kurambik dibuek dek pandai basi dari basi tuo nan dilabua baliak, lalu batampoan sampai manajam jo malangkuang. Kurambik babantuak pisau ketek malangkuang, panjang sakita 13–18&nbsp;cm, dan pado gagangnyo ado lubang untuak talunjuak mangganggam.<ref name="Haluan"/><ref name="STDB"/> Kurambik dirancang malangkuang sarupo kuku [[arimau]],<ref name="BeritaSumbar"/> kok manganai lawan dapek mambuek luko sayatan fatal di [[urek]] atau [[usuih]] ka putuih tacabiak.<ref name="Haluan"/><ref name="BeritaSumbar"/>

==Caliak==
{{reflist}}<br/>

{{Templat:Tabel periodik}}