Barzanji

Barzanji iolah du'a, puji-pujian sarato manyampaian curito Nabi Muhammad SAW nan dibacoan jo dendang nan dilantunkan katiko basunek, manikah, sarato maulid Nabi Muhammad SAW. Isi barzanji tuturan tantang maso hiduik Muhammad, nan disabuik-sabuik acok-acok adolah silsilah katurunannyo, maso kaciak-kaciak, bujang, sampai diangkek manjadi saurang rasul. Di dalamnyo juo ado sipaik-sifaik nan elok nan dipunyo Nabi Muhammad, sarato babagai kajadian untuak dijadian padoman iduik saluruh umaik manusia.

Barzanji disampaian dalam bahaso Arab kurang jaleh tadanga dek urang banyak, hanyo untuak upacara adaik nan manganduang unsur religius dibaco di surau atau masajik. Dek karano itu, pambaco barzanji ado juo nan dalam bantuak sastra lisan Minangkabau.

Di babarapo nagari kajian barzanji dibaco katiko upacara kamatian, ampek puluah hari juo saratuih hari kamatian. Sabagai bantuak kapadulian dunsanak nan alah ditinggakannyo, mako dunsanak bisa maadu'aan, acara nan disabuik ma ampek puluah, manyaratuih nan di dalamnyo tamasuak ba du'a nan salah satu dibaco iolah barzanji.