Banto Royo

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Banto Royo ko adolah tampek wisata, untuak urang gaek, anak mudo, anak-anak atau kaluarga nan ingin pai bamain ka situ. Banto royo ko bantuak wahana  jalan di ateh aia nan dibuek dari papan kayu. Sabalum di buek banto royo ko, disiko tu dulunyo lahan mati di kaki bukik lakuang  Jorong Kaluang Tapi, Nagari Koto Tangah, Kecamatan Tilatang Kamang, Kabupaten Agam.[1]

Sarana dan Prasarana[suntiang | suntiang sumber]

Di dalamnyo ado wahana bamain bantuak  earthquake walk, tresttle walk, tarzan swing flyingfox, kano, saluncua aia, bamain di lapangan lumpua, kapa aia jo kolam ranang untuak anak-anak, nan lawehnyo sampai 180meter di bukak jam 09.00 WIB nan ditutuik 17.00 WIB. Sanak bisa sholat nan disadioan disitu. Biaya masuaknyo murahnyo sanak untuak urang gadang Rp 10.000 hari biaso dan untuak hari libur Rp.20.000. untuak sanak nan nio pai kasitu sarancaknyo pai di hari biaso karano urang indak rami, karano dek baru dibukak. Kalau sanak beko pai di hari libur urang rami. Salain tampek wisata , disisko ado jo urang nan poto prewedding jo shooting video clip. Indak urang awak se na kasitu, tapi banyak lo urang nan dari jauh bantuak nagari kangguru , Australia, Kanada, Singapore, Malaysia jo Belanda. Tampeknyo nan barasaih jo sanang mambuek urang nan lain nio pai ka situ baliak.[2]

Banto royo.jpg

Pitih nan dapek, 30 persen disumbangan ka musajik di sinan. Salapeh di rasmian dek jo penandatanganan prasasti jo palapehan balon dek bapak  Andi Sahrandi jo masyarakaik nan ado di sinan. Sabalunnyo lahan ko alah disapakati dek  Wali Nagari Koto Tangah, Kepala Jorong Kaluang Tapi, Niniak Mamak nan punyo jo, babarapo kamanakan jo tokoh masyarakaik.

Untuak sanak nan suko bafoto, awak saranan disiko tampeknyo, karano tampeknyo nan masih rancak jo sajuak. Untuak kepantingan kaamanan ado warga di sakitar nan manjago. Urang banto royo masih nio untuak mangambangan tampek wisata ko supayo banyak nan datang jo disanangi. Jo untuak anak mudo bisa dapek karajo, indak jadi urang pangganguran.

Rujuakan[3][suntiang | suntiang sumber]

  1. "Traveling: Agam Kenalkan Objek Wisata Baru"Banto Rayo". Semangat News (dalam bahasa Indonesia). 2018-11-08. Diakses tanggal 2019-11-09. 
  2. "Banto Royo jadi Destinasi Wisatawan Mancanegara". Posmetro Padang (dalam bahasa Inggris). 2019-02-15. Diakses tanggal 2019-11-09. 
  3. zulnadi, zulnadi (08/11/2018olehZulnadi). "Traveling: Agam Kenalkan Objek Wisata Baru"Banto Rayo". semangatnews.