Bambang Pamungkas

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Bambang Pamungkas (lahia di Semarang, Jawa Tangah, 10 Juni 1980; umua 39 taun), juo dikana sabagai Bepe, adolah pamain sipak bola Indonesia nan bamain untuak Persija Jakarta di Liga Super Indonesia jo Tim nasional sipak bola Indonesia. Posisi alami nyo adolah panyarang. Bambang mambuek namonyo di sipak bola Asia Tenggara katiko inyo mancetak satu-satunyo gol untuak Indonesia di Piala Tiger 2002 semifinal malawan Malaysia,[1] dan marupakan pancetak gol tabanyak turnamen jo lapan gol.[2]

Bambang dianggok mamiliki sundulan bola nan lua biaso, jo mamiliki reputasi untuak katajaman di kotak penalti.[3] Inyo adolah pamain Indonesia nan paliang banyak mangoleksi caps dan pancetak gol, jo 85 caps dan 37 gol. Inyo adolah pamain nan paliang populer di tim nasional Indonesia.[4]

Katiko masih bamain dalam tim ramajo Jawa Tangah, inyo panah dinobaikan sabagai pamain tabaik Piala Haornas, sabuah kajuaraan tingkek ramaja. Bambang juo panah manjadi pancetak gol tabanyak untuak skuat Indonesia di Piala Asia U-19 Grup V, jo 7 gol.

Karier profesional[suntiang | suntiang sumber]

Bambang manjariangkan 24 gol pado taun patamonyo di Liga Indonesia walaupun tim nan diwakilinyo Persija Jakarta gagal ka babak akhia. Katiko musim tasabuik barakhia, Bambang bagabuang jo sabuah tim divisi 3 Balando, EHC Norad. Namun masalah kauarga jo kagagalan dalam manyasuaikan diri jo cuaco sajuak Eropa manyababkan babarapo bulan satalah itu, EHC Norad maminjamkan Bambang kambali ka Persija sabalum keduo-duo pihak maakhiri kontrak ateh pasatujuan basamo.

Pado taun 2005 Bambang manandatangani kontrak jo Selangor FC. Pado taun itu imyo manjadi pancetak gol tabanyak Liga Malaysia jo 22 gol. Pado Musim 2007 inyo baliak mampakuek Persija Jakarta di Liga Indonesia.

Pado taun 2010 inyo nio manjalani maso parcobaan di Salandia Baru, klub Wellington Phoenix FC. tatapi gagal untuak mangamankan kontrak.[5]

Pado 9 Desember 2013, inyo manandatangani kontrak badurasi satu taun jo Pelita Bandung Raya.[6] Inyo mancetak 2 gol debut untuak klubnyo katiko malawan Persija dan patandiangan barakhia jo hasil imbang.[7]

Karier Internasional[suntiang | suntiang sumber]

Panampilan patamo Bambang basamo timnas senior adolah pado 2 Juli 1999 dalam patandiangan pasahabatan malawan Lituania. Bambang, nan katiko itu baru barusia 18 taun, bahasil manciptokan sabuah gol dalam patandiangan nan barakhir imbang 2-2.

Pado taun 2002, Bambang manjadi pancetak gol tabanyak jo 8 gol dari 6 panampilan sakaligus mambantu Indonesia manjadi juara keduo Piala Tiger 2002. Pado 10 Juli 2007, ketiko patandiangan Indonesia-Bahrain, inyo mancetak gol, mamastikan Indonesia manang 2-1.

Saat kini Bambang manjadi pamegang rekor panampilan tabanyak (caps) dan pancetak gol tabanyak untuak Indonesia jo 77 penampilan dan 36 gol sasuai jo patandiangan kategori A FIFA. Tatapi jiko mengikuikan patandiangan Non-FIFA (tamasuak malawan Klub dan Tim Nasional U-23) mako panampilan Bambang adolah 88 jo 42 gol.

Pado tanggal 1 April 2013, Bambang Pamungkas manyatakan pansiun dari Timnas Indonesia

Rujuakan[suntiang | suntiang sumber]

Daftar pustako[suntiang | suntiang sumber]

  • (Indonesia) Tabloid BOLA Edisi 1735, 26 Juni 2007.
  • Pamungkas, Bambang (2014). Bepe 20 Pride. Jakarta: PT. Gramedia Pustaka Utama. ISBN 978-602-0305-74-5.