Bakajang
Bakajang atau Alek Bakajang adolah tradisi nan barasa dari Nagari Gunuang Malintang, nagari nan talatak di Kecamatan Pangkalan Koto Baru, Kabupaten Lima Puluh Kota, Sumatera Barat.[1] Alek iko marupokan tradisi maieh parahu nan disabuik kajang nan tampak cando miniatur kapa pesiar. Alek iko biaso diadokan salapeh Ari Rayo Idul Fitri sabagai ajang silaturahmi antaro anak nagari nan katiko itu sadang bakumpua basamo di kampuang.[2]
Alek Bakajang marupokan salah satu ikon wisata Kabupaten Lima Puluh Kota. Pado taun 2021, Alek Bakajang mandapek panghargaan Juara I Anugerah Pesona Indonesia (API) kategori Atraksi Budaya (Cultural Attraction).[3][4] Salain itu, Alek Bakajang dimasuakkan pulo dalam agenda wisata Sumatera Barat tiok tahunnyo.[5][6]
Panamoan[suntiang | suntiang sumber]
Bakajang barasa dari kato kajang nan mandapek imbuahan ba-. Kajang pado namo alek iko dapek bamukasuik ka duo arati. Arati partamo bamukasuik parahu ketek atau sampan, nan marupokan alaik transportasi saisuak nan dipakai urang Nagari Gunuang Malintang untuak manyusuri Batang Maek,[1] dan istilah iko marujuak pado limo miniatur kapa pesiar nan dipakai dalam alek iko.[7] Samantaro arati kaduo bamukasuik mampabarui, hal iko dikaranokan tujuan alek iko untuak mampabarui ubuangan silaturahmi antaro anak-anak nagari Gunuang Malintang.[2]
Rujuakan[suntiang | suntiang sumber]
- ↑ a b "Dinas Kominfo". kominfo.limapuluhkotakab.go.id. Diarsipkan dari versi asli tanggal 2023-01-15. Diakses tanggal 2023-01-15.
- ↑ a b S, Hijrah Adi (2018-06-24). "Bakajang, Tradisi Unik di Nagari Gunuang Malintang saat Lebaran". Kabarsumbar.com (dalam bahasa Indonesia). Diakses tanggal 2023-01-15.
- ↑ "'Alek Bakajang' Lambungkan Kab. Limapuluh Kota di Pentas Nasional | Jernih News". www.jernihnews.com (dalam bahasa Indonesia). Diakses tanggal 2023-01-15.
- ↑ Setiawan, Anton. "Pesona Lima "Kapal Pesiar" di Alek Bakajang".
- ↑ "Dispar Sumbar Terbitkan 45 Agenda Pariwisata 2021". Republika Online (dalam bahasa Indonesia). 2020-12-14. Diakses tanggal 2023-01-15.
- ↑ "Catat, Berikut Daftar dan Jadwal Event Wisata Sumbar Sepanjang Tahun 2023". TribunPekanbaru Travel (dalam bahasa Indonesia). Diakses tanggal 2023-01-15.
- ↑ Bestari, Fardi (2022-05-05). "Bakajang, Tradisi Menghias Perahu Seperti Kapal Pesir Selesap Idul Fitri". Tempo (dalam bahasa Inggris). Diakses tanggal 2023-01-15.