Caliak sumber untuak Bahaso Mukomuko

'''Bahaso Mukomuko''' (disabuik juo ''dialek Mukomuko'') adolah bahaso nan ditutuakan dek masyarakaik Mukomuko di Kabupaten [[Kabupaten Mukomuko|Mukomuko]], [[Bengkulu]].<ref name=":0">Aliana, Zainul Arifin and Ratnawati, Latifah and Suhardi, Suhardi and Martojo, Soedjiono (1993) ''[http://repositori.kemdikbud.go.id/2535/1/fonologi%20dan%20morfologi%20bahasa%20muko-muko%20%20%20%20181.pdf Fonologi dan Morfologi Bahasa Muko-Muko].'' Pusat Pembinaan dan Pengembangan Bahasa, Jakarta. <nowiki>ISBN 979-459-304-4</nowiki></ref> Pado taun 1990, dipakirokan jumlah panutua bahaso ko sabanyak 50.000 urang.

Bahaso Mukomuko masih arek hubuangannyo jo [[bahaso Minangkabau]],<ref>{{Cite web|url=http://118.98.223.79/petabahasa/infobahasa2.php?idb=38&idp=Bengkulu|title=Minangkabau - Peta Bahasa|website=118.98.223.79|access-date=2019-02-16|archive-date=2019-02-16|archive-url=https://web.archive.org/web/20190216153325/http://118.98.223.79/petabahasa/infobahasa2.php?idb=38&idp=Bengkulu|dead-url=yes}}</ref> sainggo ahli-ahli bahaso masih manggolongannyo sabagai salah satu dialek dalam bahaso Minangkabau. Pado taun 2008, ahli bahaso alah manggabuangkan kode bahasonyo jo Minangkabau.<ref>{{Cite web|url=https://iso639-3.sil.org/request/2007-181|title=2007-181 {{!}} ISO 639-3|website=iso639-3.sil.org|access-date=2019-05-01}}</ref> Bahaso ko mampunyoi kamiripan jo dialek Pancuang Soal (ditutuakan di selatan Kabupaten [[Kabupaten Pesisir Selatan|Pesisir Selatan]], [[Sumatra Barat]]) sarato mampunyoi wilayah seba tutuanyo di sabalah utara Kabupaten Mukomuko. Banyak panutua bahaso Mukomuko nan pandai mangecek jo duo atau labiah bahaso, sarupo bahaso Minangkabau (dialek umum), [[bahaso Pekal]], jo [[Bahaso Melayu|bahaso Melayu Bengkulu]].<ref>Umar Manan, Zainuddin Amir (1986) ''[http://repositori.kemdikbud.go.id/2529/1/Struktur%20Bahasa%20Muko-Muko%20%281986%29.pdf Struktur Bahasa Muko-Muko (1986)].'' Pusat Pembinaan dan Pengembangan Bahasa.</ref>

== Dialek ==
Bahaso Mukomuko mampunyoi duo dialek, iyolah dialek Mukomuko Utara jo dialek Mukomuko Selatan. Dialek Mukomuko Utara ditutuakan dek panutua di [[Kota Mukomuko, Mukomuko|Kota Mukomuko]] dan sakitarnyo nan babatehan jo Sumatra Barat, sadang dialek Mukomuko Selatan ditutuakan di selatan kabupaten Mukomuko nan babatehan jo kabupaten Bengkulu Utara. Dek kaduo panutua dialek, dialek Mukomuko Utara disabuik sabagai dialek "asali" dek karano asa-usua niniak muyangnyo talabiah dulu mauni daerah utara.<ref name=":0" />

Pabedaan kaduo dialek tampak dari fonetis jo variasi kosakata. Variasi fonetis antaro kaduo dialek mampunyoi parubahan bunyi nan canduang taratik. Partamo, bunyi [-it] di akhia kato pado dialek Utara, barubah manjadi [-ik]. Kaduo, bunyi [-ir] di akhia kato pado dialek utara barubah manjadi [gh] dalam dialek Selatan. Katigo, bunyi [g] di awa kato dalam dialek Utara barubah manjadi [gh] dalam dialek Selatan. Kaampek, bunyi [-ut] di akhia kato dalam dialek Utara barubah manjadi [-uq] dalam dialek Selatan.<ref name=":0" />
{| class="wikitable"
|+Pabedaan dialek Utara jo Selatan
!Dialek Mukomuko Utara
!Dialek Mukomuko Selatan
!Dialek Minangkabau umum
|-
|''kulit''
|''kulik''
|kulik
|-
|''gigit''
|''gigik''
|gigik
|-
|''perut''
|''peghut''
|paruik
|-
|''utaro''
|''utagho''
|utara
|-
|''barat''
|''baghat''
|barat
|-
|''gatieng''
|''ghatieng''
|rantiang
|-
|''gambut''
|''ghambuq''
|rambuik
|-
|''giang''
|''ghiang''
|riang
|-
|''lutut''
|''lutuq''
|lutuik
|}
Pabedaan antaro kaduo dialek tapangaruah dek bahaso lain. Dialek Selatan labiah banyak mandapek pangaruah bahaso lain karano mobilisasi masyarakaik sarato adonyo transmigran dari daerah [[Jawa]].

== Hubuangan jo bahaso sarato dialek lain ==
{| class="wikitable" width="70%" style="text-align:center"
|'''Mukomuko'''
|apo
|laut
|liek
|kucieng
|paing
|ula
|kagheh
|manih
|lutut
|-
|'''[[Bahaso Minangkabau|Minangkabau]] (dialek umum)'''
|apo
|lauik
|liek/caliak
|kuciang
|pai
|ula
|kareh
|manih
|lutuik
|-
|'''[[Bahaso Pekal|Pekal]]'''
|apo
|lawik
|liek
|kucing
|lalui
|ulah
|kehas
|manis
|lutuik
|-
|'''[[Bahaso Urak Lawoi|Urak Lawoi'<nowiki/>]]'''
|nama
|lawoi
|lihai
|mi'aw
|pi
|ulal
|kras
|maneh
|lutoi
|-
|'''[[Bahaso Indonesia|Indonesia]]'''
|apa
|laut
|lihat
|kucing
|pergi
|ular
|keras
|manis
|lutut
|}

== Rujuakan ==
{{Reflist}}{{Bahaso Minangkabau}}{{Bahaso di Indonesia}}

[[Kategori:Bahaso di Sumatra]]
[[Kategori:Bahaso di Bengkulu]]
[[Kategori:Bahaso Minangkabau]]
[[Kategori:Kabupaten Mukomuko]]