Badoncek
Badoncek adolah tradisi dalam budaya Minangkabau yoitu maagiah sasuatu jo pihak lain sabagai wujuik kabasamoan jo kagotongroyongan nan barlandaskan ajaran adik barek samo dipikua, ringan samo dijinjiang. Badoncek dilakuan sacaro tabuka jo diketahui dek pihak lain. Kato badoncek bararti iuran, lompek atau ampok.
Tradisi badoncek umumnyo kambang di kalangan masyarakaik Pariaman. Kegiatan ko biasonyo dilakukan katiko mahadapi kegiatan nan mamakai biaya, sarupo alek parkawinan atau managakan rumah,sarato biasonyo dilakuan dalam lingkuangan keluarga.[1]
Prinsip kebersamaan jo kakaluargaan dalam badoncek dilakukan sacaro sukarela jo tabukak, diikuti dek masyarakaik di kampuang atau pun di rantau. Sumbangan nan diagiahkan babantuak pitih atau materi sasuai jo kabutuhan. Gadang keteknyo sumbangan bagantuang pado hubuangan kaluarga jo kamampuan masiang-masiang. Walaupun basifaik tabukak sarato saliang balomba, badoncek indak dirasokan sabagai parbuatan riya atau sombong.[1]
Badocek Dalam Pambangunan[suntiang | suntiang sumber]
Badoncek taruih dikambangkan dek masyarakaik Padang Pariaman, Sumatera Barat dalam satiok kagiatan kaagamoan jo sosial sabagai wujuik peran aktif dalam mandukuang program pambangunan di daerah. Dalam sabuah acara Maulid Nabi Muhammad SAW si Surau Aua misalnyo bisa takumpua dana sagadang 45 Juta rupiah untuak pambangunan jalan jo fasilitas pambangunan. Jikok badoncek ko acok diadoan dek masyarakaik mako kontribusi dari pamarintah daerah ataupun pusek, hanyo pado manambah atau manyadiokan infrastruktur jo fasilitas. Hal iko dapek mandorong pacapekan partumbuahan ekonomi masyarakaik ka arah labiah elok.[1]
Rujuakan[suntiang | suntiang sumber]
