Badan Keamanan Rakyat
 | |
| Tanggal pandirian | 22 Agustus 1945 |
|---|---|
| Tanggal pambubaran | 5 Oktober 1945 (berubah menjadi Tentara Keamanan Rakyat) |
| Tipe | Gendarmeri |
| Kantor pusat | Jakarta |
| Lokasi | |
Pemimpin | Moefreni Moekmin |
Badan Keamanan Rakyat (atau biaso disingkek BKR) adolah suatu badan nan dibantuak untuak malakukan tugas pamaliharoan keamanan basamo-samo jo rakyaik dan jawatan-jawatan nagara.[1] BKR dibantuak oleh Panitia Parsiapan Kamerdekaan Indonesia atau PPKI dalam sidangnyo pado tanggal 22 Agustus 1945 dan diumumkan oleh Presiden Soekarno pado tanggal 23 Agustus 1945.[2]
Dibantuaknyo BKR marupokan parubahan dari hasia sidang PPKI pado tanggal 19 Agustus 1945 nan sabalumnya marencanakan pambantuakan tantara kabangsoan. Parubahan tu akhianyo diputuihan pado tanggal 22 Agustus 1945 untuak indak mambantuak tantara kabangsoan. Kaputusan iko dilandasi oleh banyak patimbangan politik.
Tujuan dari pambantuakan BKR iko iolah untuak mamaliharo kaamanan masyarakaik katiko itu. Kamudian malalui dekrit presiden pado tangga 5 Oktober 1945, BKR diubah manjadi Tentara Keamanan Rakyat (TKR). Salanjuiknyo pado tanggal 7 Januari 1946 TKR barubah namo manjadi Tentara Keselamatan Rakyat. Dan akhianyo pado tanggal 24 Januari 1946 namo Tentara Keselamatan Rakyat dibuah namonyo manjadi Tentara Republik Indonesia.[3]
Para pamimpin pado wakatu itu mamiliah untuak lebiah manampuah caro diplomasi untuak mandapekan pangakuan terhadap kamerdakaan nan baru sajo diproklamasikan. Tantara pandudukan Japang nan masih basinjato langkok jo mental nan sadang jatuah karano kalah parang, manjadi salah satu partimbangan juo, untuak maindaan bentrokan apobilo langsuang dibantuak sabuah tantara kabangsoan.[2]
Anggota BKR katiko itu adolah para pemuda Indonesia nan sabalumnyo alah mandapek pandidikan militer sabagai tantara Heiho, Pembela Tanah Air (PETA), Tantara Karajaan Hindia Belanda (KNIL), Barisan Pambantu polisi dibawah didikan Polisi Istimewa dan lain sabagainyo. BKR tingkek pusek nan bamarkas di Jakarta dipimpin dek Moefreni Moekmin.[4] Malalui Maklumat Pamerintah tanggal 5 Oktober 1945, BKR diubah manjadi Tentara Keamanan Rakyat (TKR) dan sasudah mangalami babarapo kali parubahan namo akhianyo manjadi Tentara Nasional Indonesia.
Latar balakang
[suntiang | suntiang sumber]Pado tanggal 19 Agustus 1945 dalam sidang PPKI, duo urang anggota PPKI yaitu Abikoesno Tjokrosoejoso jo Otto Iskandardinata[5] mangusulkan untuak dibantuak sabuah badan pambelaan negara. Namum usul tasabuik ditolak dengan alasan dapek mamancing bentrokan dengan tentara panduduakan Japang nan masih basanjato lengkap sarato mangundang intervensi tentara sakutu nan akan malucuti sanjato tentara Jepang. Alasan tasabuik didasari karano pado katiko itu Parang Pasifik baru sajo salasai sasudah Japang manyarah kapado sekutu. Tentara Japang nan jumlahnyo mancapai 344.000[1] di saluruah Indonesia mentalnyo sangaik tapukua karano kalah parang. Dengan kaadaan mental nan indak stabil mereka diagia tugas dek tentara sakutu untuak manjago kaamanan di Indonesia, sampai sakutu datang.
Pado tanggal 20 Agustus 1945 didirikan Badan Penolong Keluarga Korban Perang (BPKKP) dan pado tanggal 22 Agustus 1945 dibantuak Badan Kaamanaan Rakyat (BKR) nan marupoan bagian dari BPKKP nan samulo banamo Badan Pambantu Prajurit dan kamudian manjadi Badan Pambantu Pambelaan (BPP). BPP alah ado dalam zaman Jepang dan batugas mamaliharo kasajahteraan anggota-anggota tentara Pembela Tanah Air (PETA) jo Heiho.[2] Sabalumnyo pado tanggal 18 Agustus 1945 Japang mambubarkan PETA jo Heiho. Tugas untuak manampung bekas anggota PETA jo Heiho ditangani dek BPKKP.[6]
Awal mulo
[suntiang | suntiang sumber]Presiden Soekarno pado tanggal 23 Agustus 1945 mangumumkan dibantuaknyo BKR. Presiden bapidato dengan mangajak para sukarelawan pemuda, bekas PETA, Heiho, jo Kaigun untuak bakumpua pado tanggal 24 Agustus 1945 di daerahnyo masiang-masiang.
Di Jakarta, para pemuda jo bekas PETA bahasia marumuskan struktur BKR sasuai dengan struktur teritorial zaman panduduakan Japang. Para pemuda iko manamoan dirinyo sabagai pangurus BKR tingkek pusek nan tadiri dari Kaprawi, Sutalaksana, Latief Hendraningrat, Arifin Abdurrachman, Machmud jo Zulkifli Lubis.[7]
Samantaro itu pambantuakan BKR di lua Jakarta dipalopori dek Arudji Kartawinata (Jawa Barat), Drg Mustopo (Jawa Timur), jo Soedirman (Jawa Tengah). Disamping BKR unsur darat, dibantuak pulo BKR Laut nan dipalopori dek bekas murid jo guru dari Sekolah Pelayaran Tinggi dan para pelaut dari Jawatan Pelayaran nan tadiri dari Mas Pardi, Adam, RE Martadinata dan R Suryadi.[7] Khusus di Jawa Barat, Hidayat dan Kartakusumah sabagai bekas perwira KNIL bagabuang dan mamimpin BKR Balai Besar Kereta Api Bandung dan stasiun kereta api nan lain.
Karano katarbatasan sarana komunikasi katiko itu, indak kasado daerah di Indonesia mangatahui pambantuakan BKR. Di Sumatra bagian timur jo Aceh, indak pernah tabantuak BKR. Tetapi umumnyo para pemuda-pemuda di daerah tasabuik, mambantuak organisasi nan kelak manjadi inti pambantuakan tentara. Di Aceh para pemuda mandirikan Angkatan Pemuda Indonesia (API), dan para pemuda di Palembang mambantuak Penjago Keamanan Rakyat (PKR) atau Badan Penjago Keamanan Rakyat (BPKR).[8]
Para pemuda indak satuju pambantukan BKR, mambantuak badan-badan pajuangan surang-surang. Di Bandung tadapek Persatuan Pemuda Pelajar Indonesia (P3I), di Surabaya tadapek Angkatan Muda Indonesia (AMI), di Padang terdapat Balai Penerangan Pemuda Indonesia (BPPI) sarato di di Kalimantan Selatan terdapat Barisan Pemuda Republik Indonesia (BPRI).[8]
Pambantuakan BKR darat
[suntiang | suntiang sumber]Pado tanggal 29 Agustus 1945 Komite Nasional Indonesia Pusat (KNIP) tabantuak dan disahkan dek pamarintah. Kamudian KNIP mangasahkan badirinyo BKR Pusat nan ado di Jakarta. BKR Jakarta dipimpin dek Moefreni Moekmin dibantu dek Priyatna, Soeroto Koento, Daan Jahja, Daan Mogot, Sujono dan Latief Hendraningrat. Di Bogor BKR baru tabantuak pado bulan Oktober 1945 nan dipalopori dek bekas PETA salah satunyo adolah Husein Sastranegara jo Ibrahim Adjie.
Di Karesidenan Priangan BKR dibantuak pado tanggal 28 Agustus 1945 dan dipimpin dek Arudji Kartawinata (bekas Daidan PETA di Cimahi) dan Pardjaman (bekas Daidan PETA di Bandung). Pambantuakan BKR di Karesidenan Priangan kamudian diikuti dek pambantukan BKR Garut, Tasikmalaya, Ciamis, Majalengka, jo Purwakarta. BKR Lembang dipimpin dek Amir Machmud sadangkan BKR Sumedang dipimpin dek Umar Wirahadikusumah.[9]
Pambantuakan BKR tajadi pulo di daerah lain di Indonesia. Di Jawa Tengah, BKR Purwokerto dipimpin dek Soedirman, samantaro di Surakarta BKR dipimpin dek GPH Djatikusumo. Di Surabaya pado tanggal 24 Agustus 1945, diadoan rapek untuak mambantuak BKR nan dihadiri dek dr.Moestopo, Jonosewojo, Soengkono, dan Bung Tomo. Hasia rapek mamutuskan untuak mamanggi para bekas anggota PETA, Heiho dan para pemuda lainnyo untuak masuak manjadi anggota BKR pado tanggal 10 September 1945.
Pambantukan BKR laut
[suntiang | suntiang sumber]Pangumuman pambantuakan BKR disambuik juo jo antusias oleh para pemuda nan batugas di bidang kalautan, bekas Kaigun Heiho, karyawan Jawa Unko Kaisha jo para siswa dan guru dari Sekolah Pelayaran Tinggi. Mereka maaambiak insiatif untuak manjago katertiban jo kaamanan di satiok palabuahan.
Dengan dipelopori dek Mas Pardi, para pemuda tasabuik mangadoan patamuan-patamuan. Hasia dari patamuan-patamuan tasabuik pado tanggal 10 September 1945 tabantuak BKR Laut Pusat nan dipimpin dek Mas Pardi dan kamudian disahkan dek Komite Nasional Indonesia Pusek.[10]
Sasudah mandapek pangasahan lalu dibantuak pasukan-pasukan BKR Laut nan mamulai aksi-aksi maambiak alih gedung Jawa Unko Kaisha jo gedung-gedung nan tadapek di pelabuhan Tanjung Priok.[10] BKR Laut Pusat mangaluaakan pulo babagai instruksi kapado para pemuda palaut di daerah untuak segera mambantuak BKR Laut di daerahnyo masiang-masiang.
Pambantuakan BKR Djawatan Penerbangan
[suntiang | suntiang sumber]Pambantuakan BKR Djawatan Penerbangan dipelopori dek bekas anggota penerbangan Balando jo Japang nan ado di daerah-daerah pangkalan udara dan dibantu dek para pemuda nan alum pernah batugas di bidang panerbangan. Umumnyo bekas anggota panerbangan Balando adolah bekas anggota Militaire Luchtvaart (ML), Marine-Luchtvaartdienst (MLD) jo Vrijwillig Vliegers Corps (bahaso Indonesia: Korps Penerbang Sukarela). Salain itu tadapek pulo bekas anggota panerbangan Japang Rikugun Koku Butai, Kaigun Koku Butai, jo Nanpo Koku Kabusyiki.[11]
- Catatan kaki
- 1 2 Rahardjo 1995, hlm. 67.
- 1 2 3 Sejarah TNI jilid I 2000, hlm. 1.
- ↑ Matanasi, Petrik (2011). Sejarah Tentara. Yogyakarta: Penerbit NARASI. pp. 116. ISBN 978-979-168-258-9.
- ↑ Rahardjo 1995, hlm. 158.
- ↑ Rahardjo 1995, hlm. 156.
- ↑ Nasution 1963, hlm. 106.
- 1 2 Rahardjo 1995, hlm. 157.
- 1 2 Sejarah TNI jilid I 2000, hlm. 2.
- ↑ Rahardjo 1995, hlm. 158-159.
- 1 2 Sejarah TNI jilid I 2000, hlm. 9.
- ↑ Sejarah TNI jilid I 2000, hlm. 29.
- Daftar pustaka
- Rahardjo, Pamoe (1995). Badan Keamanan Rakyat (BKR). Cikal Bakal Tentara Nasional Indonesia. Yayasan Pembela Tanah Air (YAPETA).
- TNI, Markas Besar (2000). Sejarah TNI Jilid I (1945-1949). Jakarta: Pusat Sejarah Dan Tradisi TNI. ISBN 979-9421-01-2.
- Nasution, A.H (1963). Tentara Nasional Indonesia, Jilid I, Cetakan II. Bandung: Ganeco N.V..
Pautan lua
[suntiang | suntiang sumber]- (Indonesia) Badan Keamanan Rakyat Archived 2014-01-02 di Wayback Machine. pada situs web resmi Provinsi DKI Jakarta