Baburu babi

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Wakatu target pamburuan babi alah didapek an
Wakatu mancari target pamburuan

Baburu babi adolah suatu hobi yang dilakuan oleh sabagian masyarakaik yang mampunyoi nyali yang gadang untuak baburu babi samo binatang paliaraannyo yang alah lamo dilatiah dek pamilik nyo. Sabagian urang malakuan pemburuan iko adolah kareno hobi dan ikuit-ikuik an yang diajak dek kawan sapaburuan. Kagiatan ko alah ado sajak turun tamurun dari ganarasi ciek ka ganarasi barikuiknyo. Masyarakaik pariaman banyak mangatoan kalau tradisi iko alah lamo dijalanan oleh masyarakaik sabalun bangsa iko medeka. Dalam papatah manyabuik an; "inyiak den lah baburu juo wakatu waden masih bapenda jo kawan sabayo, baliau pai baburu samo jo rang gaek, waden juo ikuik mairik anjiang". Dari kagiatan yang biaso dilakuan dek masyarakaik wakatu dahulunyo, baburu babi dilakuan basamo-samo jo laki-laki yang bisa pai baburu babi dari kampuang ka kampuang samo mambaok anjiang paburuannyo untuak mancari babi di dalam rimbo.[1]

Sejarah[suntiang | suntiang sumber]

Baburu babi dalam masyarakaik Pariaman alah malembaga, mereka barado dalam pangawasan pangulu dan Niniak-Mamak pamuko adaik, biasonyo tiok-tiok kampuang tadapek salah ciek "Muncak Buru", dan tiok-tiok kecamatan ditunjuak lo salah ciek "Kapalo Mudo'. Manuruik adaik nan balaku di Pariaman mereka disabuik sebagai ; "Gadangnyo batampek, tingginyo dapek dijuluak, batampek disidang adaik, duduak manghadok ka panghulu", atau dalam papatah mereka disabuik an lo sabagai ; "manantang mato padang", adolah urang yang malakuan tugas dari kegiatan pemerintahan. Kagiatan baburu babi ko mampunyoi kalompok-kalompok pulo yang disabuik Pasatuan Baburu Babi (PBB) yang tabantuak sabalun tahun 1987.[2]

Macam-Macam[suntiang | suntiang sumber]

  • Baburu Salek

Sasuai jo namonyo baburu salek dalam bahaso Pariaman salek bamakna takapik. Kalau diartian baburu salek bararti baburu di hari-hari karajo. Baburu babib yang biaso dilakuan di hari Salasa, Raba'a, Kamih dan hari Jumaik sasudah sumbayang jumaik.

  • Baburu biaso

Baburu biaso ko biasonyo malibaik an masyarakaik antaro kampuang atau daerah dima kagiatan paburuan ko dilakuan. Baburu ko rutin dilakuan minimal duo minggu sakali atau kagiatannyo berdasarkan rapek dari anggota-anggota paburuan yang di katuai dek muncak-muncak buru .

  • Baburu alek

Baburu alek dilakuan sakurang-kurangnyo tigo kali dalam satahun, tagantuang dari pasiapan daerah kacamatan-kacamatan untuak manarimo kagiatan ko. Kagiatan ko dilakuan dihari-hari gadang. kayak manyambuik bulan puaso dan lain-lainnyo. Baburu alek ko biasonyo dilakuan dihari Jumaik siang sasudah kagiatan sholat Jumat.[3]

Langkah-langkah[suntiang | suntiang sumber]

Kagiatan baburu babi ado pulo langkah-langkah nyo, Langkah-langkah pelaksanaan kegiatan baburu babi ado tigo macam, iolah langkah persiapan, pelaksanaan, dan panutuik.

  • Langkah persiapan

langkah iko iolah pasiapan sabalun malakuan kegiatan paburuan babi, persiapan anjingnyo iolah barupo makanan atau alaik yang dibaok katiko sadang baburu. Paginyo sabalun pai baburu biasonyo seorang bini manyiapan nasi bungkuih untuak makan lakinyo di tangah padang katiko sadang manunggu babi kalua dari kubangannyo. Sabalun baburu anjing talabiah dahulu dimandian sabarasiah mungkin jo sabun atau shampoo supayo anjing itu taliek labiah segar.

  • langkah pelaksanaan

katiko baburu, para pembuu mamiiah tampek duduak-duduak yang nio dilalui babi sahinggo mereka bisa malapehan anjing mereka untuak mamburu babi dan pulang dengan bagalimangan darah sebagai bukti alah berhasil mambunuah babi dan mamakan dagingnyo.

  • langkah panutuik

langkah iko iolah katiko anjing berhasil membunuah babi dengan lincah maka anjing itu bisa dikecek an anjing yang hebat, kalau anjing itu dijua haragonyo sangaik maha.[4]


Rujuakan[suntiang | suntiang sumber]

  1. Dasril.2016.Tradisi Baburu Babi di Balai Baru Kecamatan Kuranji Padang(Skripsi).Universitas Andalas
  2. Dasril.2016.Tradisi Baburu Babi di Balai Baru Kecamatan Kuranji Padang(Skripsi).Universitas Andalas
  3. Dasril.2016.Tradisi Baburu Babi di Balai Baru Kecamatan Kuranji Padang(Skripsi).Universitas Andalas
  4. Dasril.2016.Tradisi Baburu Babi di Balai Baru Kecamatan Kuranji Padang(Skripsi).Universitas Andalas