Azkarmin Zaini

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Azkarmin Zaini (lahia di Payakumbuah, Sumatera Barat, 13 Juni 1946; umua 73 tahun) adolah saurang Direktur News, Sports & Corporate Communication tivi ANTV dan wartawan senior Indonesia. Sabalum itu Azkarmin dipicayo sabagai Pamimpin Redaksi ANTV dari tahun 1993-2005 jo 2007-2010.[1]

Kahiduikan Awal[suntiang | suntiang sumber]

Pado awalnyo manjadi wartawan samo sakali indak pernah tapikia dek Azkarmin. Manjadi insinyur adolah cito-cito Azkarmin dari ketek. Manuruiknyo gala insinyur adolah sasuatu nan gagah katiko dibaco. Sadangkan urang tuonyo nio Azkarmin bisa manjadi dokter. Tapi jalan hiduik bakato lain dan manjadiannyo saurang wartawan. Samanjak umua 4 tahun, Azkarmin alah diajak dek urang tuonyo marantau ka Jakarta. Sahinggo maso-maso manampuah pendidikan dijalaninyo di Jakarta.

Azkarmin manampuah pendidikan sakolah dasar di Sakolah Rakyat Latihan (SLR), pendidikan sakolah manangah partamo di SMP 1 Cikini Raya dan pendidikan sakolah manangah ateh di SMA 3 Teladan Setia Budi. Tapi pas kelas 2 SMA, maningganyo ayahnyo (Abbas Zaini) mambuek Azkarmin hampia manyarah untuak malanjuikan sakola. Pado maso itu yang ado di pikiran Azkarmin hanyolah baa caro maringanan baban ibunyo (Norbaidah binti Adam) dalam manggadangan limo urang anak. Sahinggo waktu kelas 3 SMA, Azkarmin hampia kanai dropout dari sakola. Untuangnyo, Aburizal Bakrie nan adolah sahabat karik Azkarmin manolongnyo waktu itu. Pendidikan SMA Azkarmin pun bisa dilanjuikannyo sampai tamaik.

Tahun 1968, satalah salamo tigo tahun manjadi pangangguran, Azkarmin mandapekan iklan nan barisi lowongan untuak manjadi wartawan di surek kaba Warta Harian. Surek kaba Warta Harian adolah koran yang ditabikan Yayasan Kosgoro.


Rujukan[suntiang | suntiang sumber]

  1. 121 Wartawan Hebat dari Ranah Minang dan Sejumlah Jubir Rumah Bagonjong. Padang: Biro Humas Setda Sumatera Barat. 14 Juli 2018. pp. 88-91.